អតីតឈ្មួញឈើគ្រញូងឈ្មោះ ចិន ប្រើស្បែកជាប៉េអឹមផ្ទៃប្រទេស នាំក្បួនរថយន្តដឹកឈើចេញ ពីចេញពីស្រុកអន្លង់វែងនៅពេលដែលស័ក្តិ ៥ ញែម សុឃឿន ពង្រាយមន្ត្រីដាក់ប៉ុស្តិ៍ជជុះ ២ ខេត្ត
ខេត្តសៀមរាប ៖ ជាយូណាស់មកហើយដែលឈ្មោះ ចិន អតីតឈ្មួញរកស៊ីដឹកជញ្ជូនឈើគ្រញូងយ៉ាងសកម្មម្នាក់ រហូតក្លាយទៅមន្ត្រីប៉េអឹមលើផ្ទៃប្រទេសយ៉ាងឆាប់រហ័សគ្មាននណាម្នាក់នឹកស្មានមិនដល់ ហើយបច្ចុប្បន្ននេៈបើទោះបីជាគាត់ក្លាយទៅជាប៉េអឹមយ៉ាងណាក្ដីក៏គាត់នៅតែប្រព្រឹត្តនូវមុខរបររត់ការសកម្មភាពដឹកជញ្ជូនឈើគ្រញូងចេញពីតំបន់ស្រុកអន្លង់វែង ខេត្តឧត្តរមានជ័យដដែល។ ប្រការនេៈត្រូវបានគេមើលឃើញយ៉ាងច្បាស់ក្រឡែតមិនអាចប្រកែកបានឡើយ។
ទន្ទឹមទៅនឹងសកម្មភាពប៉េអឹមផ្ទៃប្រទេសឈ្មោះ ចិន ដែលបានតួនាទីមកដោយសាររត់ពន្ធជំនួញឈើគ្រញូងដោយខុសច្បាប់នេះក៏ដោយសារប៉េអឹមរូបនេះកូនមន្ត្រីរបស់លោកស័ក្តិ ៥ ញែម សុឃឿន ជាមន្ត្រីកងរាជអាវុធហត្ថលើផ្ទៃប្រទេសដែរ។ លោក ញែម សុឃឿន ពាក់ស័ក្តិ ៥ ក្រោយពីបានលិខិតបញ្ជារបេសសកម្ម ១សន្លឹកពីមេបញ្ជាការកងរាជអាវុធហត្ថលើផ្ទៃប្រទេសរួចមកគាត់បានចាប់ផ្ដើមពង្រាយមន្ត្រីសំខាន់ៗ របស់គាត់ឲ្យឈរនៅគោលដៅជាច្រើនចំនួន២ ខេត្តដែលខេត្តទាំង២ នេះគឺសម្បូរបទល្មើសជាងគេជាពិសេសបទល្មើសព្រៃឈើតែម្ដង។
បើទោះបីជាថ្នាក់លើបានបញ្ជាឲ្យលោកស័ក្តិ ៥ ញែមសុឃឿនចុះស្រាវជ្រាវ និងទប់ស្កាត់នូវរាល់បទល្មើសគ្រប់ប្រភេទនៅខេត្តឧត្តរមានជ័យ និងខេត្តសៀមរាបយ៉ាងណា ក៏ដោយក៏រហូតមកដល់ពេលនេះមានរយៈពេលរាប់ឆ្នាំកន្លងមកហើយក្រុមមន្ត្រីប៉េអឹមផ្ទៃប្រទេស នៅមិនទាន់មានស្នាដៃ បង្ក្រាបនូវសកម្មភាពដឹកជញ្ជូនបទល្មើសបានមួយករណីនៅឡើយទេ។
ផ្ទុយទៅវិញបែរជាមន្ត្រីប៉េអឹមមិន ត្រឹមតែមិនមានស្នាដៃជូនថ្នាក់លើឲ្យមានមុខមាត់តែប៉ុណ្ណោះទេ ថែមទាំងយកតួនាទីស្បែកជាអាវុធហត្ថរត់ការក្បួនរថយន្តដឹកជញ្ជូនឈើគ្រញូងផ្គើនបទបញ្ជានាយករដ្ឋមន្ត្រី និងការរឹតបណ្តឹងពីមេបញ្ជាការកងរាជអាវុធហត្ថលើផ្ទៃប្រទេសទៅវិញ។ បាតុភាពដ៏អាក្រក់នេៈមេបញ្ជាការកងរាជអាវុធហត្ថលើផ្ទៃប្រទេសនាយឧត្តមសេនីយ៍ផ្កាយ ៤ សៅ សុខា មេត្តាពិនិត្យ និងជួយចាត់វិធានការឲ្យបានល្អឡើងវិញដើម្បីកុំឲ្យស្ថាប័នកងរាជអាវុធហត្ថមានឈ្មោះមិនល្អដោយសាតែមន្ត្រីតូចតាចមួយក្ដាប់តូច និង ចៀសចេញពីរងនូវការរិះគន់ពីសំណាក់មហាជន។
សមត្ថកិច្ចជាច្រើនបាននិយាយច្រំដែលៗថា ទោះបីជាមន្ត្រីប៉េអឹមផ្ទៃប្រទេសមានបទបញ្ជាទប់ស្កាត់រាល់បទល្មើស ក៏ដោយក៏មិនដែលឃើញនូវសកម្មភាពការបង្ក្រាបនោះឡើយ បែរជាឃើញនៅសកម្មភាពដាក់ប៉ុស្តិ៍ជជុះ និងរត់ការរថយន្តដឹកជញ្ជូនឈើគ្រញូងទាំងនេះជារឿងមួយដែលគេអាចចាត់ទុកថា ជាទង្វើល្មើសច្បាប់។ មន្ត្រីប៉េអឹមឈ្មោះ ចិន ដែលទទួលរងនូវការចោទប្រកាន់ថា បានរត់ពន្ធជំនួញឈើគ្រញូងចេញពីតំបន់ស្រុកអន្លង់វែងនេះមិនបានបកស្រាយបំភ្លឺនៅជុំវិញព័ត៌មានខាងលើនេះឡើយដោយទូរស័ព្ទចូលហើយមានស្ត្រីម្នាក់ទទួលជំនួសឆ្លើយថាមិននៅ។
ដោយឡែកលោកស័ក្តិ ៥ ញែម សុឃឿន ដែលទទួលរងនូវព័ត៌មានថា បានពង្រាយមន្ត្រីរបស់ខ្លួនដាក់ប៉ុស្តិ៍ជជុះ និងមានមន្ត្រីរបស់គាត់ឈ្មោះ ចិន រកស៊ីរត់ការឲ្យក្បួនរថយន្តដឹកឈើគ្រញូងដោយខុសច្បាប់នោះក៏មិនបានបំភ្លឺដែរដោយឆ្លើយតាមទូរស័ព្ទថា ច្រឡំលេខបើទោះបីជាមានមន្ត្រីប៉េអឹមជាច្រើនបានប្រាប់ថា លេខទូរស័ព្ទនោះជារបស់គាត់ក៏ដោយ។
សម្ដេចតេជោ ហ៊ុន សែន ធ្លាប់បានថ្លែងប្រមានខ្លាំងៗ ចំពោះមន្ត្រីរាជការ និងកងកម្លាំងប្រដាប់អាវុធដែលមានការជាប់ពាក់ព័ន្ធទៅនឹងសកម្មភាពបទល្មើសព្រៃឈើត្រូវដកខ្លួនចេញជាបន្ទាន់បើមិនដូចនេះទេ នឹងចាត់វិធានការទៅតាមផ្លូវច្បាប់ក៏ ប៉ុន្តែរហូតមកដល់ពេលនេះមន្ត្រីកងកម្លាំងមួយចំនួននៅមិនទាន់ដកខ្លួនចេញនៅឡើយទេ អាចគេពិព័ណរនាបានថាចំណាត់ការនាយករដ្ឋមន្ត្រីគ្មានប្រសិទ្ធភាពចំពោះមន្ត្រីកម្លាំងខិលខូច។ ក៏ប៉ុន្តែនៅក្នុងអាណត្តិទី ៥ នេះប្រមុខរាជរដ្ឋាភិបាលកម្ពុជាបានដាក់ចេញនូវគោលនយោបាយស៊ីជម្រៅកំណែទម្រង់ដូចនេះលោកមេបញ្ជាការប៉េអឹមផ្ទៃប្រទេសតើគួរទុកមន្ត្រីនេះទៀតដែរទេ?៕
ប្រភព ពីថ្មីៗ
