ការចរចាដំឡើងប្រាក់ខែកម្មករ អប្បបរមាលើរូបមន្តទាំង3 មិនទទួលបានជោគជ័យទេ
រាជធានីភ្នំពេញ ៖
ការចរចាដំឡើងប្រាក់ឈ្នួលកម្មករក្រោមរូបមន្តចំនួន៣
ដែលក្រសួងការងារ និងបណ្តុះបណ្តាលវិជ្ជាជីវៈ
ក៏ដូចជាភាគីសហជីព និងថៅកែរោងចក្របានកំណត់យកថ្ងៃទី១៦ ធ្នូ
ដើម្បីពិភាក្សាសម្រាប់ដំឡើងជូនកម្មករនិយោជិតនោះ
មិនទាន់បានជោគជ័យនៅឡើយទេ
ហើយភាគីទាំងអស់បានឯកភាពគ្នាលើកយកទៅជជែកពិភាក្សានៅ
ថ្ងៃទី២៤ ធ្នូ បន្តទៀត ។
លោកអិុត សំហេង
រដ្ឋមន្ត្រីក្រសួងការងារនិងបណ្តុះបណ្តាលវិជ្ជាជីវៈបានថ្លែង
ប្រាប់អ្នកសារព័ត៌មានថា កិច្ចប្រជុំនៅថ្ងៃនេះ
គឺធ្វើតាមការគ្រោងទុករបស់ភាគីទាំងអស់
ដែលបានពិភាក្សាគ្នាកាលពីខែវិច្ឆិកាកន្លងមក ។
កិច្ចប្រជុំបានលើកយករូបមន្តចំនួន៣សម្រាប់ដំឡើងប្រាក់ខែ
កម្មករនិយោជិត ក្នុងរយៈពេល៥ឆ្នាំខាងមុខនេះ ។
មានរូបមន្តចំនួន១ បានលើកយកមកសិក្សា
និងកំណត់ដំឡើងប្រាក់ខែកម្មករនិយោជិតចំនួន១៦០ដុល្លារក្នុង
នីតិកាលទី៥នេះ។ ទន្ទឹមនឹងការលើកយករូបមន្តនេះ
ក៏មានរូបមន្តចំនួន២ទៀតត្រូវបានលើកឡើងពីភាគីសហជីព
និងក្រុមហ៊ុន
ប៉ុន្តែរូបមន្តនោះមិនបានកំណត់ដំឡើងប្រាក់ខែច្បាស់លាស់យ៉ាងណា
នោះទេ ។ លោករដ្ឋមន្ត្រីបន្តថា
ទោះបីជាមានរូបមន្តមួយបានចេញជារបាយការណ៍ក្នុងការដំឡើងជូន
កម្មករនិយោជិត
និងរូបមន្តចំនួនពីរមិនបានចេញរបាយការណ៍ក៏ដោយ
ក៏ក្រសួងជំរុញដាក់រូបមន្តទាំងនោះ ជូនទៅសហជីព
និងនិយោជកទាំងអស់
ឱ្យបានយល់ដឹងសម្រាប់កំណត់ច្បាស់លាស់នៅថ្ងៃទី២៤ ធ្នូ
និងជូនដំណឹងដល់គណៈកម្មការពិភាក្សាការងាររបស់ក្រសួងការងារ
ដែលនឹងឈានដល់ការសម្រេចយ៉ាងណា ។
លោកអិុត សំហេង បញ្ជាក់ថា
កិច្ចប្រជុំនៅថ្ងៃនេះ (១៦ ធ្នូ )
អាចចាត់ទុកថាកិច្ចប្រជុំដែលមានលក្ខណៈបច្ចេកទេសនិងមានការយោគ
យល់គ្នារវាងថៅកែរោងចក្រ
និងសហជីពកម្មករពីការដំឡើងប្រាក់ឈ្នួលកម្មករនិយោជិត ។
និយាយរួមទៅ
ភាគីនីមួយៗសុទ្ធតែចង់ធ្វើឱ្យប្រាក់ឈ្នួលកម្មករ ល្អប្រសើរ
ព្រោះថាបើសិនប្រាក់ឈ្នួលកម្មករល្អប្រសើរ
ជីវភាពរបស់កម្មករក៏ល្អប្រសើរដែរ ។ លើសពីនេះ
កំណើនសេដ្ឋកិច្ចរបស់ប្រទេសកម្ពុជា ក៏មានការកើនឡើងដែរ ។
លោកអាត់ ធន់
ប្រធានសម្ព័ន្ធសហជីពប្រជាធិបតេយ្យកម្មករកាត់ដេរកម្ពុជា ហៅកាត់ថា
ស៊ីខាវឌូ បានលើកឡើងថា ក្រោមរូបមន្តចំនួន៣
ដែលបានលើកឡើងក្នុងកិច្ចប្រជុំនោះមិនទាន់ទទួលបានជាផ្លែផ្កា
នោះទេ ហើយនឹងត្រូវលើកយកមកពិភាក្សាគ្នាសម្រេចនៅថ្ងៃទី២៤
ធ្នូ ឆ្នាំ២០១៣ ខាងមុខ ។ ដើម្បីជីវភាពរស់នៅរបស់កម្មករ
ប្រធានសហជីពរូបនេះបានបន្ថែមថា ជំហររបស់កម្មករ
ក៏ដូចជាសហជីពរបស់លោកគឺទាមទារការដំឡើងប្រាក់ឈ្នួលយ៉ាងហោច
ណាស់ចំនួន១៥៤ដុល្លារអាមេរិក ក្នុងមួយខែ ។
មូលហេតុដែលសម្រេចទាមទារប្រាក់ឈ្នួលបែបនេះ
ដោយសារតាមការស្រាវជ្រាវកន្លងមក
កម្មករនិយោជិតទទួលបានប្រាក់ឈ្នួលគោល៨០ដុល្លារ
ធ្វើឱ្យជីវភាពរបស់ពួកគាត់លំបាក
និងពេលខ្លះពួកគាត់ត្រូវបង្ខំចិត្តធ្វើការបន្ថែម២ម៉ោងទៅ៤
ម៉ោងក្នុងមួយថ្ងៃទាំងថ្ងៃអាទិត្យនិងថ្ងៃបុណ្យថែមទៀត ។
លោកអាត់ ធន់ បន្តថា
ទាំងថៅកែរោងចក្រទាំងសហជីព និងរដ្ឋាភិបាល
សុទ្ធតែចង់បានការដំឡើងប្រាក់ខែជូនកម្មករ
ព្រោះថាប្រសិនបើថៅកែដំឡើងប្រាក់ខែជូនកម្មករពេលនោះគាត់នឹង
ទទួលបានកម្មករជំនាញសម្រាប់ធ្វើការក្នុងក្រុមហ៊ុនរបស់ខ្លួន ។
ចំណែកភាគីកម្មករចង់ឱ្យដំឡើងប្រាក់ខែ
គឺចង់ឱ្យធានាការរស់នៅប្រចាំថ្ងៃ
រក្សាកម្លាំងនូវកម្មករជំនាញ
និងបញ្ឈប់ការធ្វើចំណាកស្រុកទៅក្រៅប្រទេស ។
ប្រសិនបើប្រាក់ខែកម្មករត្រូវបានដំឡើងដូចអ្វីដែលតំណាងសហ
ជីព ក៏ដូចជាកម្មករចង់បាននោះ
នឹងធ្វើឱ្យលែងមានការចល័តនៃកម្មករជំនាញពីក្រុមហ៊ុន
មួយទៅក្រុមហ៊ុនមួយទៀត ។
បច្ចុប្បន្នបញ្ហាចល័តនេះបានកើតមានស្ទើរតែគ្រប់រោង
ចក្រទៅហើយ
ព្រោះរោងចក្រខ្លះទទួលបានប្រាក់ឈ្នួលច្រើនជាងរោងចក្រផ្សេង
ទៀត ។ លោក អាត់ ធន់ បញ្ជាក់ថា
មធ្យោបាយដែលល្អសម្រាប់កម្មករនិយោជិតខ្មែរ
គឺដំឡើងប្រាក់ឈ្នួលឱ្យបានសមរម្យនៅក្នុងឆ្នាំ២០១៤។
នៅពេលដែលប្រាក់ឈ្នួលរបស់ពួកគេដំឡើងនៅឆ្នាំបន្តបន្ទាប់នឹងកើន
តាមអតិផរណានៃតម្លៃទំនិញ
ហើយមួយវិញទៀតការដំឡើងនេះនឹងលែងមានជម្លោះរវាងកម្មករ
និងនិយោជក លែងមានការធ្វើបាតុកម្មទៀត ។ លោកសោម អូន
ប្រធានសភាសម្ព័ន្ធសហជីពជាតិកម្ពុជា (NACC) មានប្រសាសន៍ថា
អ្វីដែលសហជីពរបស់លោកចង់បាននោះ
គឺការដំឡើងជាដំណាក់កាលក្នុងមួយឆ្នាំៗគឺមិនគួរដំឡើង
ជាគំហុក ។ មួយឆ្នាំយើងអាចដំឡើងពី៣០% ទៅ៤០%
ពេលនោះកម្មករអាចទទួលបានប្រាក់ខែជាង១០០ដុល្លារដែរ ។
នៅឆ្នាំបន្ទាប់ យើងអាចដំឡើងចំនួនប្រហែលនឹងឆ្នាំមុនទៀត
ប៉ុន្តែមិនអាចដំឡើងភ្លាមម្តងចប់នោះទេ ។ លោក សោម អូន
បន្តថា
ចំពោះការដំឡើងប្រាក់ឈ្នួលរបស់កម្មករនិយោជិតនេះសហជីពរបស់
លោកមានការព្រួយបារម្ភ
និងកំពុងស្វែងរករូបមន្តមួយក្នុងចំណោមរូបមន្តចំនួន៣ដែល
ពិភាក្សាគ្នា
ដើម្បីចៀសវាងការធ្វើឱ្យនិយោជកមិនអាចរកស៊ីនៅក្នុងប្រទេសយើង
គាត់ក៏ដកទុនទៅរកស៊ីនៅប្រទេសផ្សេង
ព្រោះថាក្រុមហ៊ុនទាំងអស់មិនមែនជារដ្ឋទេ
តែទោះជាយ៉ាងណាត្រូវតែដំឡើងប្រាក់ឈ្នួលដល់កម្មករនិយោជិត។
សូមបញ្ជាក់ថា
កិច្ចប្រជុំដែលប្រព្រឹត្តទៅនៅទីស្តីការក្រសួងការងារ
និងបណ្តុះបណ្តាលវិជ្ជាជីវៈនឹងត្រូវសម្រេចថា
តើការចរចាដំឡើងប្រាក់ខែកម្មករកាត់ដេរ នៅឆ្នាំ២០១៤
នឹងត្រូវដំឡើងតាមរូបមន្តមួយណា ក្នុងចំណោមរូបមន្តចំនួន៣
ដែលក្រុមការងារបានលើកឡើងយកមកពិចារណា
ក្នុងកិច្ចប្រជុំនាថ្ងៃទី១៦ ធ្នូ នេះ
បន្ទាប់ពីមានការប្រជុំម្តងហើយកាលពីថ្ងៃទី២៧ វិច្ឆិកា
កន្លងមក ។
រូបមន្តចំនួន៣ដែលលើកយកមកពិភាក្សាក្នុងការដំឡើងប្រាក់ខែ
កម្មករកាត់ដេររួមមាន ៖
១-ផែនការដំឡើងប្រាក់ខែសម្រាប់រយៈពេល៥ឆ្នាំ
ពីឆ្នាំ២០១៤ ដល់ឆ្នាំ២០១៨ ក្នុងរដ្ឋាភិបាលអាណត្តទី៥
ដែលអាចនឹងត្រូវដំឡើងគិតជាភាគរយប្រចាំឆ្នាំនីមួយៗ ។
២- ការដំឡើងប្រាក់ខែគិតជាលេខគត់ ហើយប្រសិនបើមានការចាំបាច់អ្វីមួយ គឺធ្វើការពិភាក្សាគ្នាឡើងវិញ ដូចជាមានបញ្ហាអតិផរណាឬមានការជះឥទ្ធិពលពីខាងក្រៅដោយ ប្រការណាមួយ ។
៣-អាចដំឡើងប្រាក់ខែឱ្យដល់កម្រិតមួយដែលសម ស្រប ហើយនៅពេលដាច់ឆ្នាំនីមួយៗ ភាគីទាំងបី នឹងពិនិត្យជាក់ស្តែងថា គួរដំឡើង ឬមិនគួរដំឡើងប្រាក់ខែ ។
ក្នុងកិច្ច ប្រជុំនាពេលកន្លងមក មានសហជីពកម្មករខ្លះ ចង់ទាមទារដំឡើងប្រាក់ខែកម្មករនៅឆ្នាំ២០១៤ ដល់១៥៤ដុល្លារ តែសហជីពដែលមានសំឡេងភាគច្រើនក្នុងក្រុមការងារទី៨និង ក្រសួងការងារ និងបណ្តុះបណ្តាលវិជ្ជាជីវៈបានលើកឡើងត្រឹមតែក្រោម១០០ដុល្លារ បានហើយ ។ប្រភព ពីកោះសន្តិភាព
២- ការដំឡើងប្រាក់ខែគិតជាលេខគត់ ហើយប្រសិនបើមានការចាំបាច់អ្វីមួយ គឺធ្វើការពិភាក្សាគ្នាឡើងវិញ ដូចជាមានបញ្ហាអតិផរណាឬមានការជះឥទ្ធិពលពីខាងក្រៅដោយ ប្រការណាមួយ ។
៣-អាចដំឡើងប្រាក់ខែឱ្យដល់កម្រិតមួយដែលសម ស្រប ហើយនៅពេលដាច់ឆ្នាំនីមួយៗ ភាគីទាំងបី នឹងពិនិត្យជាក់ស្តែងថា គួរដំឡើង ឬមិនគួរដំឡើងប្រាក់ខែ ។
ក្នុងកិច្ច ប្រជុំនាពេលកន្លងមក មានសហជីពកម្មករខ្លះ ចង់ទាមទារដំឡើងប្រាក់ខែកម្មករនៅឆ្នាំ២០១៤ ដល់១៥៤ដុល្លារ តែសហជីពដែលមានសំឡេងភាគច្រើនក្នុងក្រុមការងារទី៨និង ក្រសួងការងារ និងបណ្តុះបណ្តាលវិជ្ជាជីវៈបានលើកឡើងត្រឹមតែក្រោម១០០ដុល្លារ បានហើយ ។ប្រភព ពីកោះសន្តិភាព
