ប្រជាពលរដ្ឋក្រីក្រ ៣០គ្រួសារ រងការបណ្ដេញ ចេញពីលំនៅស្ថាន នៅខេត្តពោធិ៍សាត់
ប្រជាពលរដ្ឋ៣០គ្រួសារនៅភូមិព្រហស្បតិក្បាល ឃុំ ផ្ទះរុង ស្រុក ភ្នំក្រវាញ ខេត្ត ពោធិ៍សាត់កំពុង រងការបណ្ដេញចេញពីលំនៅស្ថានដោយគ្មានលក្ខខ័ណ្ឌឬផ្ដល់សំណងអ្វីទាំងអស់។ អាជ្ញាធរបានចោទប្រកាន់ថា ពលរដ្ឋទាំងនេះមកតាំងទីលំនៅលើដីគម្របព្រៃរបស់រដ្ឋដោយខុសច្បាប់។ប៉ុន្តែ ប្រជាពលរដ្ឋទាំងនោះបានបញ្ជាក់ថា គាត់មិនបានដឹងថា ដីណាជាដីគម្របព្រៃឬ មិនមែនជាគម្របព្រៃនោះឡើយ។គាត់គ្រាន់តែដឹងថា គាត់បានមករស់នៅតាំងពីឆ្នាំ២០០៤ ដោយពុំមានអាជ្ញាធរណាមកហាមឃាត់គាត់នោះឡើយ។
បុរសអ្នកភូមិឈ្មោះ ហម សាវឿន អាយុះ ៤២ ឆ្នាំ បានឲ្យដឹងថា រយៈកាល៩ឆ្នាំកន្លងទៅដែលគាត់មករស់នៅគាត់បានកាប់ឆ្ការរានព្រៃដាំដំណាំហូបផ្លែ មានដូង ស្វាយ ល្ហុង ជាដើមខ្លះបានទទួលផលរួចទៅហើយ។បើអាជ្ញាធរបណ្ដេញគាត់ៗមិនដឹងជាត្រូវទៅរស់នៅទីណានោះទេព្រោះគាត់គ្មាន ប្រាក់សម្រាប់ទិញដីបង្កបង្កើនផលចិញ្ចឹមគ្រួសារដែលមានកូនក្នុងបន្ទុក៤នាក់នោះឡើយ។គាត់សំណូមពរឲ្យរាជរដ្ឋាភិបាលមេត្តាជួយគ្រួសារគាត់និងអ្នកភូមិទាំង២៩គ្រួសារនេះផង។
បុរសអ្នកភូមិឈ្មោះ សំ សាវុធ អាយុះ ៥៧ ឆ្នាំ ពោះម៉ាយមានកូន៧នាក់ក្នុងបន្ទុក។អ្នកភូមិរូបនេះបានឲ្យដឹងថា ពីមុនគាត់នៅឃុំត្រពាំងជង ស្រុកបាកាន តែដោយគាត់គ្មានដីធ្វើស្រែចិញ្ចឹមកូនគាត់ឃើញដីនៅភូមិព្រហស្បតិក្បាលនេះទំនេរនិងមានជីរជាតិល្អគាត់ក៏មកកាប់ឆ្ការដាំដុះដើម្បីចិញ្ចឹមកូនឥឡូវអាជ្ញាធរមកបណ្ដេញគាត់ចេញ គាត់មិនដឹងថា តើគាត់ត្រូវរកដីឯណាដើម្បីដាំដុះចិញ្ចឹមកូន ទៀតទេ។អ្នកភូមិរូបនេះសំណូមពរឲ្យប្រមុខរដ្ឋាភិបាលអាណត្តិទី៥នេះជួយគ្រួសារគាត់ផង។
យ៉ាងនេះក្ដី អាជ្ញាធរភូមិ ឃុំ និងស្រុកបានឲ្យដឹងដូចៗគ្នាថា ប្រជាពលរដ្ឋទាំងនេះបានមកតាំងទីលំនៅដោយខុសច្បាប់លើដីគម្របព្រៃឈើរបស់រដ្ឋ។ដូច្នេះពួកគាត់ត្រូវតែចាកចេញពីទីនេះដើម្បីប្រគល់ដីនេះមកឲ្យរដ្ឋគ្រប់គ្រងវិញ។
អភិបាលស្រុក ភ្នំក្រវាញ លោក សូ សាហុង មានប្រសាសន៍ថា ៉ រដ្ឋពុំធានាចេញសំណងទេក្នុងការ បណ្ដេញនេះ ដោយប្រជាពលរដ្ឋទាំងនោះបានបំពានលើកម្មសិទ្ធិរបស់រដ្ឋ ៉។លោកបន្តថា បើតាមច្បាប់ពួកគេត្រូវមានទោសពីបទបំពានលើដីមានកម្មសិទ្ធិទៀតផង។
យ៉ាងណាក៏ដោយ តាមការចុះអង្កេតផ្ទាល់បង្ហាញថា អាជ្ញាធរធ្លាប់បានប្រកាសប្រាប់ប្រជាពលរដ្ឋទាំងនោះកុំឲ្យកាប់រានព្រៃនៅតំបន់នេះទៀត។តែប្រជាពលរដ្ឋទាំងនោះមិនព្រមស្ដាប់អាជ្ញាធរដែនដីភូមិ ឃុំឡើយ។
មេឃុំ ផ្ទះរុង លោក ឈួន ឃន មានប្រសាសន៍ថា ប្រជាពលរដ្ឋទាំងនេះមួយភាគធំទើបតែមកតាំងទីលំនៅពេលក្រុមនិស្សិតស្ម័គ្រចិត្តចុះវាស់វែងដីធ្លីជូនប្រជាពលរដ្ឋប៉ុណ្ណោះលោកថា ៉ ខ្ញុំធ្លាប់បាន ប្រាប់ប្រជាពលរដ្ឋទាំងនោះជាច្រើនដងហើយតែពួកគេមិនព្រមស្ដាប់…៉។ទាក់ទិនចំពោះបញ្ហា ការបណ្ដេញនេះ មន្ត្រីសម្របសម្រួលសមាគមអាដហុកការពារសិទ្ធិមនុស្សប្រចាំខេត្ត ពោធិ៍សាត់ លោក ភួង សុធា មានប្រសាសន៍ថា ប្រការសំខាន់នោះគឺ ប្រជាពលរដ្ឋទាំង៣០ គ្រួសារនេះពិតជាក្រីក្រ បានព្រឹកខ្វះល្ងាចហើយគ្រួសារខ្លះពុំមានបាយបរិភោគគ្រប់គ្រាន់ទេ។ពួកគេភាគច្រើនបានបរិភោគបបរឬមើមដំឡូងជំនួសបាយ។លោកសំណូមពរឲ្យអាជ្ញាធរជួយផ្ដល់ ដីជាលក្ខណៈសម្បទានសង្គមកិច្ចដល់ប្រជាពលរដ្ឋទាំងនេះផងដើម្បីឲ្យពួកគេមានជីវភាពរស់នៅសមរម្យក្នុងសង្គមផង៕
បុរសអ្នកភូមិឈ្មោះ ហម សាវឿន អាយុះ ៤២ ឆ្នាំ បានឲ្យដឹងថា រយៈកាល៩ឆ្នាំកន្លងទៅដែលគាត់មករស់នៅគាត់បានកាប់ឆ្ការរានព្រៃដាំដំណាំហូបផ្លែ មានដូង ស្វាយ ល្ហុង ជាដើមខ្លះបានទទួលផលរួចទៅហើយ។បើអាជ្ញាធរបណ្ដេញគាត់ៗមិនដឹងជាត្រូវទៅរស់នៅទីណានោះទេព្រោះគាត់គ្មាន ប្រាក់សម្រាប់ទិញដីបង្កបង្កើនផលចិញ្ចឹមគ្រួសារដែលមានកូនក្នុងបន្ទុក៤នាក់នោះឡើយ។គាត់សំណូមពរឲ្យរាជរដ្ឋាភិបាលមេត្តាជួយគ្រួសារគាត់និងអ្នកភូមិទាំង២៩គ្រួសារនេះផង។
បុរសអ្នកភូមិឈ្មោះ សំ សាវុធ អាយុះ ៥៧ ឆ្នាំ ពោះម៉ាយមានកូន៧នាក់ក្នុងបន្ទុក។អ្នកភូមិរូបនេះបានឲ្យដឹងថា ពីមុនគាត់នៅឃុំត្រពាំងជង ស្រុកបាកាន តែដោយគាត់គ្មានដីធ្វើស្រែចិញ្ចឹមកូនគាត់ឃើញដីនៅភូមិព្រហស្បតិក្បាលនេះទំនេរនិងមានជីរជាតិល្អគាត់ក៏មកកាប់ឆ្ការដាំដុះដើម្បីចិញ្ចឹមកូនឥឡូវអាជ្ញាធរមកបណ្ដេញគាត់ចេញ គាត់មិនដឹងថា តើគាត់ត្រូវរកដីឯណាដើម្បីដាំដុះចិញ្ចឹមកូន ទៀតទេ។អ្នកភូមិរូបនេះសំណូមពរឲ្យប្រមុខរដ្ឋាភិបាលអាណត្តិទី៥នេះជួយគ្រួសារគាត់ផង។
យ៉ាងនេះក្ដី អាជ្ញាធរភូមិ ឃុំ និងស្រុកបានឲ្យដឹងដូចៗគ្នាថា ប្រជាពលរដ្ឋទាំងនេះបានមកតាំងទីលំនៅដោយខុសច្បាប់លើដីគម្របព្រៃឈើរបស់រដ្ឋ។ដូច្នេះពួកគាត់ត្រូវតែចាកចេញពីទីនេះដើម្បីប្រគល់ដីនេះមកឲ្យរដ្ឋគ្រប់គ្រងវិញ។
អភិបាលស្រុក ភ្នំក្រវាញ លោក សូ សាហុង មានប្រសាសន៍ថា ៉ រដ្ឋពុំធានាចេញសំណងទេក្នុងការ បណ្ដេញនេះ ដោយប្រជាពលរដ្ឋទាំងនោះបានបំពានលើកម្មសិទ្ធិរបស់រដ្ឋ ៉។លោកបន្តថា បើតាមច្បាប់ពួកគេត្រូវមានទោសពីបទបំពានលើដីមានកម្មសិទ្ធិទៀតផង។
យ៉ាងណាក៏ដោយ តាមការចុះអង្កេតផ្ទាល់បង្ហាញថា អាជ្ញាធរធ្លាប់បានប្រកាសប្រាប់ប្រជាពលរដ្ឋទាំងនោះកុំឲ្យកាប់រានព្រៃនៅតំបន់នេះទៀត។តែប្រជាពលរដ្ឋទាំងនោះមិនព្រមស្ដាប់អាជ្ញាធរដែនដីភូមិ ឃុំឡើយ។
មេឃុំ ផ្ទះរុង លោក ឈួន ឃន មានប្រសាសន៍ថា ប្រជាពលរដ្ឋទាំងនេះមួយភាគធំទើបតែមកតាំងទីលំនៅពេលក្រុមនិស្សិតស្ម័គ្រចិត្តចុះវាស់វែងដីធ្លីជូនប្រជាពលរដ្ឋប៉ុណ្ណោះលោកថា ៉ ខ្ញុំធ្លាប់បាន ប្រាប់ប្រជាពលរដ្ឋទាំងនោះជាច្រើនដងហើយតែពួកគេមិនព្រមស្ដាប់…៉។ទាក់ទិនចំពោះបញ្ហា ការបណ្ដេញនេះ មន្ត្រីសម្របសម្រួលសមាគមអាដហុកការពារសិទ្ធិមនុស្សប្រចាំខេត្ត ពោធិ៍សាត់ លោក ភួង សុធា មានប្រសាសន៍ថា ប្រការសំខាន់នោះគឺ ប្រជាពលរដ្ឋទាំង៣០ គ្រួសារនេះពិតជាក្រីក្រ បានព្រឹកខ្វះល្ងាចហើយគ្រួសារខ្លះពុំមានបាយបរិភោគគ្រប់គ្រាន់ទេ។ពួកគេភាគច្រើនបានបរិភោគបបរឬមើមដំឡូងជំនួសបាយ។លោកសំណូមពរឲ្យអាជ្ញាធរជួយផ្ដល់ ដីជាលក្ខណៈសម្បទានសង្គមកិច្ចដល់ប្រជាពលរដ្ឋទាំងនេះផងដើម្បីឲ្យពួកគេមានជីវភាពរស់នៅសមរម្យក្នុងសង្គមផង៕
(លោកភួង សុធា មន្ត្រីសម្របសម្រួលសមាគមអាដហុកខេត្តពោធិ៍សាត់កំពុងធ្វើការអង្កេតពីការបណ្ដេញចេញនេះ)
ប្រភពពី Free Press Magazine
