ប្អូនស្រីសម្តេចតេជោ ដែលសុំចូលនិវត្តន៍ នៅក្រសួងការបរទេស ពេលនេះ ក្លាយជាអនុរដ្ឋលេខាធិការ
ភ្នំពេញ: ប្អូនស្រីរបស់សម្តេចហ៊ុនសែន គឺលោកស្រី ហ៊ុន ស៊ីណាត
ដែលបានដាក់ពាក្យស្នើសុំចូលនិវត្តពីការងារ នៅក្រសួងការបរទេស
កាលពីដើមខែធ្នូ នៅពេលនេះ លោកស្រី ហ៊ុន ស៊ីណាត ត្រូវបានព្រះមហាក្សត្រ
ត្រាស់បង្គាប់តែងតាំងជាអនុរដ្ឋលេខាធិការ
ក្រសួងទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ច។
ព្រះរាជក្រឹត្យរបស់ព្រះករុណា ព្រះមហាក្សត្រ ចុះថ្ងៃទី៩ ខែធ្នូ ឆ្នាំ២០១៣ បានត្រាស់បង្គាប់ តែងតែងលោកស្រី ហ៊ុន ស៊ីណាត ជាអនុរដ្ឋលេខាធិការ ក្រសួងទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ច។
ព្រះរាជក្រឹត្យរបស់ព្រះករុណា ព្រះមហាក្សត្រ តែងតាំងលោកស្រី ហ៊ុន ស៊ីណាត ខាងលើនេះ បានធ្វើឡើងតាមសេចក្តីក្រាបបង្គំទូលថ្វាយរបស់សម្តេចអគ្គមហាសេនាបតីតេ ជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា។
សូមរម្លឹកថា លោកស្រី ហ៊ុន ស៊ីណាត ប្អូនស្រីបង្កើតរបស់សម្តេចហ៊ុនសែន បានសរសេរលិខិតមួយច្បាប់ ចុះថ្ងៃទី២ ខែធ្នូ ឆ្នាំ២០១៣ ជូនលោក ហោ ណាំហុង ឧបនាយករដ្ឋមន្ត្រី រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ ដើម្បីស្នើសុំ ចូលនិវត្តន៍។
លោកស្រី ហ៊ុន ស៊ីណាត សព្វថ្ងៃ អាយុ ៥៨ ឆ្នាំ មានឋានន្តរសក្តិ ឧត្តមមន្ត្រីការបរទេសថ្នាក់លេខ៦ នៃក្របខណ្ឌមន្ត្រីការទូតជាន់ខ្ពស់ នៃក្រសួងការបរទេស និងសហប្រតិបត្តិការអន្តរជាតិ។ លោកស្រី ហ៊ុន ស៊ីណាត មានឋានៈជាកុងស៊ុល របស់កម្ពុជា ប្រចាំខេត្ត Chongqing របស់ប្រទេសចិន។
ក្នុងលិខិតចុះថ្ងៃទី២ ខែធ្នូ ឆ្នាំ២០១៣ បង្ហាញថា គិតមកត្រឹមខែធ្នូ ឆ្នាំ២០១៣ លោកស្រី ហ៊ុន ស៊ីណាត បានបំពេញការងារជាមន្ត្រីរាជការជូនជាតិមាតុភូមិ រយៈពេល ៤២ ឆ្នាំហើយ គឺស្របតាមជំពូកទី៧ មាត្រា ៥៤ នៃច្បាប់ស្តីពី សហលក្ខន្តិកៈមន្ត្រីរាជការស៊ីវិល នៃព្រះរាជាណាចក្រកម្ពុជា។
ក្នុងលិខិតដដែល លោកស្រី ហ៊ុន ស៊ីណាត បានជម្រាបជូនលោកឧបនាយករដ្ឋមន្ត្រីថា “ដើម្បីគោរព និងអនុវត្តទៅតាមសារាចរណែនាំរបស់រាជរដ្ឋាភិបាល ស្តីពី ការដាក់មន្ត្រីរាជការស៊ីវិលឲ្យចូលនិវត្តន៍ ពិសេសពង្រឹងអភិបាលកិច្ចល្អ ប្រសិទ្ធភាព និងផ្តល់ឱកាស ដល់មន្ត្រីរាជការជំនាន់ក្រោយ មានឱកាសបញ្ចេញសមត្ថភាពចូលរួមចំណែកអភិវឌ្ឍន៍ប្រទេសជាតិផង នាងខ្ញុំសូម ឯកឧត្តម ឧបនាយករដ្ឋមន្ត្រី មេត្តាពិនិត្យលទ្ធភាព អនុញ្ញាតឲ្យនាងខ្ញុំ បានចូលនិវត្តន៍ដោយក្តីអនុគ្រោះ”៕
ប្រភពពី CEN
ព្រះរាជក្រឹត្យរបស់ព្រះករុណា ព្រះមហាក្សត្រ ចុះថ្ងៃទី៩ ខែធ្នូ ឆ្នាំ២០១៣ បានត្រាស់បង្គាប់ តែងតែងលោកស្រី ហ៊ុន ស៊ីណាត ជាអនុរដ្ឋលេខាធិការ ក្រសួងទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ច។
ព្រះរាជក្រឹត្យរបស់ព្រះករុណា ព្រះមហាក្សត្រ តែងតាំងលោកស្រី ហ៊ុន ស៊ីណាត ខាងលើនេះ បានធ្វើឡើងតាមសេចក្តីក្រាបបង្គំទូលថ្វាយរបស់សម្តេចអគ្គមហាសេនាបតីតេ ជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា។
សូមរម្លឹកថា លោកស្រី ហ៊ុន ស៊ីណាត ប្អូនស្រីបង្កើតរបស់សម្តេចហ៊ុនសែន បានសរសេរលិខិតមួយច្បាប់ ចុះថ្ងៃទី២ ខែធ្នូ ឆ្នាំ២០១៣ ជូនលោក ហោ ណាំហុង ឧបនាយករដ្ឋមន្ត្រី រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ ដើម្បីស្នើសុំ ចូលនិវត្តន៍។
លោកស្រី ហ៊ុន ស៊ីណាត សព្វថ្ងៃ អាយុ ៥៨ ឆ្នាំ មានឋានន្តរសក្តិ ឧត្តមមន្ត្រីការបរទេសថ្នាក់លេខ៦ នៃក្របខណ្ឌមន្ត្រីការទូតជាន់ខ្ពស់ នៃក្រសួងការបរទេស និងសហប្រតិបត្តិការអន្តរជាតិ។ លោកស្រី ហ៊ុន ស៊ីណាត មានឋានៈជាកុងស៊ុល របស់កម្ពុជា ប្រចាំខេត្ត Chongqing របស់ប្រទេសចិន។
ក្នុងលិខិតចុះថ្ងៃទី២ ខែធ្នូ ឆ្នាំ២០១៣ បង្ហាញថា គិតមកត្រឹមខែធ្នូ ឆ្នាំ២០១៣ លោកស្រី ហ៊ុន ស៊ីណាត បានបំពេញការងារជាមន្ត្រីរាជការជូនជាតិមាតុភូមិ រយៈពេល ៤២ ឆ្នាំហើយ គឺស្របតាមជំពូកទី៧ មាត្រា ៥៤ នៃច្បាប់ស្តីពី សហលក្ខន្តិកៈមន្ត្រីរាជការស៊ីវិល នៃព្រះរាជាណាចក្រកម្ពុជា។
ក្នុងលិខិតដដែល លោកស្រី ហ៊ុន ស៊ីណាត បានជម្រាបជូនលោកឧបនាយករដ្ឋមន្ត្រីថា “ដើម្បីគោរព និងអនុវត្តទៅតាមសារាចរណែនាំរបស់រាជរដ្ឋាភិបាល ស្តីពី ការដាក់មន្ត្រីរាជការស៊ីវិលឲ្យចូលនិវត្តន៍ ពិសេសពង្រឹងអភិបាលកិច្ចល្អ ប្រសិទ្ធភាព និងផ្តល់ឱកាស ដល់មន្ត្រីរាជការជំនាន់ក្រោយ មានឱកាសបញ្ចេញសមត្ថភាពចូលរួមចំណែកអភិវឌ្ឍន៍ប្រទេសជាតិផង នាងខ្ញុំសូម ឯកឧត្តម ឧបនាយករដ្ឋមន្ត្រី មេត្តាពិនិត្យលទ្ធភាព អនុញ្ញាតឲ្យនាងខ្ញុំ បានចូលនិវត្តន៍ដោយក្តីអនុគ្រោះ”៕
ប្រភពពី CEN
