ប្រធានបក្សភឿថៃ៖ បក្សចម្រុះរដ្ឋាភិបាលគាំទ្រ មិនឲ្យនាយករដ្ឋមន្រ្តី លាលែងពីតំណែង និង រំលាយសភា
ផ្តល់សិទ្ទិដោយ៖looking today.com
បាងកក៖ ប្រធានបក្សភឿថៃ លោក ចារុផុង រឿងសុវណ្ណ អះអាងថា បក្សចម្រុះរដ្ឋាភិបាលចេញសេចក្តីថ្លែងការណ៍ ដោយស្នើមិនឲ្យនាយករដ្ឋមន្រ្តី យីងឡាក់ លាលែងតំណែង និងរំលាយសភា។
យោងតាមគេហទំព័រ INN របស់ថៃ នៅថ្ងៃចន្ទ ទី៩ ខែធ្នូ ឆ្នាំ២០១៣ បានចុះផ្សាយថា លោក ចារុផុង រឿងសុវណ្ណ រដ្ឋមន្រ្តីក្រសួងមហាផ្ទៃ និងជាប្រធានបក្សភឿថៃ បានថ្លែងថា បន្ទាប់ពីកិច្ចប្រជុំរួមជាមួយបក្សចម្រុះរដ្ឋាភិបាល មានមតិជាឯកច្ឆ័ន្ទស្នើមិនឲ្យលោកស្រី យីងឡាក់ ស៊ីណាវ៉ាត់ នាយករដ្ឋមន្រ្តី និង ជារដ្ឋមន្រ្តីក្រសួងការពារជាតិ លាលែងពីតំណែង និង រំលាយសភា។
លោក ចារុផុង បានចាត់ទុកការលាលែងពីសមាជិកសភារបស់បក្សប្រឆាំង ជាការព្យាយាមរំលំរបបប្រជាធិបតេយ្យ ឆ្ពោះទៅរករបបផ្តាច់ការ ប៉ុន្តែទង្វើនេះមិនបានការប៉ះពាល់ដល់សភា ព្រោះចំនួនសមាជិកសភាដែលនៅសល់ច្រើនជាង ១ភាគ២៕
