កម្មកររោងចក្រ BERY បន្តធ្វើកូដកម្ម ក្នុងបរិវេណរោងចក្រ
លោកឌិន សំអាត តំណាងឲ្យសហជីពទាំង ៥ បានឲ្យដឹងថា បន្ទាប់ពីបានចរចាគ្នា ភាគីទាំងអស់ បានសះជានឹងគ្នា បាន៩ចំណុច នៅសល់២ចំណុចគឺ៖១-ក្រុមហ៊ុនត្រូវគិត ប្រាក់ដំណាច់ឆ្នាំ ៥ភាគរយ ផ្តាច់កិច្ចសន្យាម្តងសិន និង ២- សុំដំឡើងប្រាក់ឈ្នួលអប្បបរមា ១៥០ដុល្លារ ក្នុងមួយខែ។ ក្នុងករណីនេះ ខាងក្រុមហ៊ុន សន្យថា នឹងជូនចម្លើយ នៅថ្ងៃទី២៤ ខែធ្នូខាងមុខនេះ ហើយសុំឲ្យកម្មករទាំងអស់ ចូលធ្វើការវិញ។ ប៉ុន្តែពួកគេ នៅមិនទាន់អស់ចិត្ត ព្រោះចង់បានចម្លើយឆាប់ៗ។ ទោះបីយ៉ាងណា ខាងសហជីព កំពុងបញ្ចុះបញ្ចូលកម្មករ ឲ្យចូលធ្វើការវិញ។
សូមបញ្ជាក់ថា រោងចក្រកាត់ដេរ BERY ស្ថិតនៅតាមផ្លូវគ្រួសក្រហម ភូមិជម្ពូវ័ន្ត សង្កាត់ចោមចៅ ខណ្ឌពោធិ៍សែនជ័យ ហើយកម្មករ បាននាំគ្នាធ្វើកូដកម្ម តាំងពីថ្ងៃទី១៣ ខែធ្នូមកម្ល៉េះ ដើម្បីទាមទារលក្ខខណ្ឌការងារ ១១ចំណុច។
កម្មករ កម្មការិនីរោងចក្រ BERY បានពឹងពាក់សហជីពចំនួន៥ ដើម្បីទាមទារលក្ខខណ្ឌការងារចំនួន ១១ ចំណុចគឺ៖
ទី១-សហព័ន្ធសហជីពពលកម្មកម្ពុជា ដឹកនាំដោយលោកឌិន សំអាត
ទី២-សហព័ន្ធសហជីពអំណាចកម្មករខ្មែរ ដឹកនាំដោយលោកជ័យ សុវណ្ណ
ទី៣- សហព័ន្ធសហជីពកម្មករដើម្បីកម្ពុជា ដឹកនាំដោយលោកហ៊ុយ សម្បត្តិ
ទី៤-សហព័ន្ធសហជីពការពារសិទ្ធិកម្មករខ្មែរ ដឹកនាំដោយលោកជា សុផា និង
ទី៥-សហព័ន្ធសហជីពលើកដំកើងជីវភាពកម្មករ និយោជិតខ្មែរ ដឹកនាំដោយលោកមុំ សារ៉ន។
លក្ខខណ្ឌការងារដែលកម្មករទាមទារ រួមមានជាអាទិ៍៖
ទី១-ក្រុមហ៊ុនត្រូវគិតប្រាក់ដំណាច់ឆ្នាំ៥ភាគរយផ្តាច់កិច្ចសន្យាម្តងសិន
ទី២-សុំផ្តល់លុយរង្វាន់ទៀងទាត់ចំនួន ១៨ដុល្លារ
ទី៣-សុំលុយស្នាក់នៅចំនួន ១៨ ដុល្លារ
ទី៤-ក្រុមហ៊ុនត្រូវទទួលស្គាល់សំបុត្រពេទ្យឯកជន ដែលគ្រូពេទ្យនោះក៍ធ្វើការរដ្ឋ
ទី៥-សុំរក្សាប្រាក់ឈ្នួលក្នុងរយ:ពេលកម្មករធ្វើកូដកម្ម
ទី៦- សុំបើកជណ្តើរយន្តរាល់ម៉ោងកម្មករធ្វើការ …៕V/s
