គេហទំព័រមួយដែលមានឈ្មោះថា Blade Brown Show បានអះអាងកាលពីថ្ងៃពុធម្សិលមិញថា ក្រុមហ៊ុនអេឡិចត្រូនិកយក្សកូរ៉េខាងត្បូង Samsung ពិតជាបង់ប្រាក់ថ្លៃសងជំងឺចិត្ត ១ពាន់លានដុល្លារ ដល់ Apple ក្រោមរូបភាពជាកាក់ចំនួន
៣០រថយន្តកុងតឺន័រពិតមែន។
តាមរបាយការណ៍នេះបានឱ្យដឹងថា Samsung បានសម្រេចរើសយកការសងប្រាក់ជាកាក់តម្លៃ ៥សេន ពីព្រោះតុលាការពុំបានកំណត់ពីរបៀបទូទាត់សងដល់ Apple ឡើយ។ របាយការណ៍ឱ្យដឹងទៀតថា ឥឡូវនេះ Apple ចំណាយរយៈពេលយ៉ាងយូរស្ទើររាប់ម៉ោងដើម្បីតែរាប់កាក់តម្លៃ ៥សេនចំនួន ៣០ កុងតឺន័រនេះ ខាតពេលដល់ការរិះរកគំនិតច្នៃប្រឌិតឌិហ្សាញថ្មីដល់ iPhone, iPad ឬផលិតផល ជំនាន់ថ្មីៗទៀត។ រឿងឈឺក្បាលមួយទៀតនេះ Apple កំពុងស្វែងរកធនាគារដែលព្រមទទួលយកការផ្ញើប្រាក់របស់ខ្លួនក្នុងរូបភាពជាកាក់ដ៏ច្រើនសន្ធឹកសន្ធាប់នេះ។
សេចក្ដីរាយការណ៍បានបង្ហាញរូបភាព ព្រមទាំងវីដេអូពីសកម្មភាពដឹកកាក់ដែលមានតម្លៃ ៥សេន ចំនួន ៣០កុងតឺន័រទៅឱ្យ Apple។
លទ្ធផលជម្រះក្ដីរបស់ក្រុមប្រឹក្សាតុលាការសហព័ន្ធកាលពីឆ្នាំទៅឆ្នាំ ២០១២ ដែលបានកាត់ឱ្យ Apple ឈ្នះ លើក្ដីប៉ាតង់បច្ចេកវិទ្យាចំនួន ៥ ដែល Samsung បានល្មើសនោះ បានបន្សល់ស្នាមរបួសយ៉ាងធំដល់ Samsung ជាមួយការសងជំងឺចិត្តជាទឹកប្រាក់ប្រមាណ ១,០៥ពាន់លានដុល្លារអាមេរិក។
សូមចុចអាន៖ Samsung ចាញ់ក្ដី Apple អស់ជាង ១ពាន់លានដុល្លារ
ប្រែសម្រួល៖ ឈុន ហួរ
ប្រភព & រូបភាព៖ ibtimes
