លែងប្រពន្ធបាន៣ខែចង់ជួបវិញនាងមិនព្រមជះខ្លាញ់ចៀនប្រហិតដាក់ឱ្យរបួសធ្ងន់
ខេត្ដតាកែវ ៖ យុវជនជាប្ដីឈាមរាវម្នាក់ស្រវឹងស្រាជោកជាំបានដើរទៅទិញ ប្រហិតពីអតីតប្រពន្ធរបស់ខ្លួនជាអ្នកលក់ រួចលើកខ្ទះខ្លាញ់កំពុងក្ដៅជះដាក់នាង បណ្ដាលឱ្យរបួសធ្ងន់កាលពីវេលាម៉ោង៧និង៣០នាទីយប់ ថ្ងៃទី១៧ ខែវិច្ឆិកា ឆ្នាំ ២០១៣ នៅភូមិព្រៃរបង ឃុំព្រៃផ្ដៅ ស្រុកព្រៃកប្បាស ខេត្ដតាកែវ ។
ស្ដ្រីរងគ្រោះជាអតីតប្រពន្ធឈ្មោះ សាក់ ម៉ាលី អាយុ១៨ឆ្នាំ រស់នៅភូមិកើត ហេតុខាងលើ ចំណែកជនសង្ស័យជាអតីត ប្ដីឈ្មោះ កង ជា អាយុ២២ឆ្នាំ រស់នៅ ភូមិកើតហេតុជាមួយគ្នា ។
ប្រភពព័ត៌មានពីសមត្ថកិច្ចស្រុកព្រៃកប្បាសបានឱ្យដឹងថា ជនសង្ស័យខាងលើ ជាអតីតប្ដីរបស់នារីរងគ្រោះបានលែង លះគ្នា៣ខែរួចមកហើយ តែប្ដីបានសុំជា នាជាមួយនាងវិញ ប៉ុន្ដែប្រពន្ធមិនព្រម ។ លុះមុនពេលកើតហេតុជនសង្ស័យបាន ផឹកស្រាស្រវឹងជោកជាំក៏ដើរមកទិញ ប្រហិតដែលអតីតប្រពន្ធខ្លួនកំពុងលក់នៅមុខផ្ទះ ។
តាមប្រភពព័ត៌មានពីអតីតប្រពន្ធ បានឱ្យដឹងថា ពេលអតីតប្ដីរបស់នាង កំពុងទិញនាងបានប្រាប់ថា“ចាំបន្ដិចសិន” និយាយសឹងមិនទាន់ផុតពីមាត់ផង ស្រាប់ តែអតីតប្ដីរូបនោះលើកខ្ទះខ្លាញ់កំពុងពុះ ជះមកលើខ្លួននាងចំមុខខាងស្ដាំ ដៃជើង ទាំងសងខាង ដើមទ្រូងបង្កឱ្យរលាករបួស ពេញខ្លួន ។ ភ្លាមៗនោះបងប្អូនបានដឹក បញ្ជូននារីរងគ្រោះទៅព្យាបាលនៅមន្ទីរ ពេទ្យបង្អែកស្រុកព្រៃកប្បាស និងបាន រាយការណ៍ប្រាប់សមត្ថកិច្ចឱ្យឃាត់ខ្លួន ជនសង្ស័យតែម្ដង ។
ក្រោយការឃាត់ខ្លួនជនសង្ស័យបាន ឆ្លើយសារភាពថា ខ្លួនពិតជាបានជះខ្លាញ់ ដាក់អតីតប្រពន្ធពិតមែន ព្រោះតែខ្លួន ស្រឡាញ់ប្រពន្ធពេក ហើយចង់ជួបជានាគ្នាវិញ តែនាងមិនព្រម ដូច្នេះខ្លួនក៏ធ្វើ បែបនេះតែម្ដង ។
ចំណែកនារីរងគ្រោះជាអតីតប្រពន្ធ បានឱ្យដឹងដែរថា ខ្លួនមិនអាចជានាជា មួយលោកប្ដីពូកែផឹកនេះបានទេ បើបាន បែកគ្នាពិតជាល្អ តែបើធ្វើដាក់នាងបែប នេះនាងសុំឱ្យច្បាប់ចាត់ការតាមនីតិវិធី ទៅចុះ ។
បច្ចុប្បន្នជនសង្ស័យត្រូវបានកម្លាំង ជំនាញព្រហ្មទណ្ឌនៃអធិការដ្ឋាននគរបាល ស្រុកព្រៃកប្បាសកសាងសំណុំរឿងបញ្ជូន ទៅស្នងការ និងបញ្ជូនទៅសាលាដំបូង ខេត្ដតាកែវ ៕
_____________________
ប្រភពព័ត៌មានពី៖ នគវត្ត
ប្រភពព័ត៌មានពី៖ នគវត្ត
Read more: http://www.cambodiapage.info/?p=4411#ixzz2l5GdHjyR
