ទឹកអប់«កាមទេព»បានស្រូបក្លិនគឺប្រគល់ខ្លួនប្រាណ
យុវវ័យជាច្រើនកំពុងតែពិភាក្សាគ្នាយ៉ាងគក្រឹកគគ្រេងតាមប្រព័ន្ធទំនាក់ទំនងក្នុងសង្គម ក៏ដូចជានៅតាមកន្លែងធ្វើការរបស់ខ្លួនពីទឹកអប់ «កាមទេព» ពេលបានស្រូបក្លិនវាហើយ គឺមានអារម្មណ៍ព្រឺព្រួចមានចំណង់ផ្លូវភេទទប់អារម្មណ៍មិនបាន ។ ប្រភេទទឹកអប់នោះមានស្លាក់សញ្ញា Rush, Quick,Red strength, Popper… និងប្រភេទទឹកអប់មួយចំនួនទៀតដែលឈ្មោះជាភាសាចិន ។ ទឹកអប់ប្រភេទនោះត្រូវបានមនុស្សប្រុសជាច្រើនសាកល្បងប្រើប្រាស់ដើម្បីដុតរោលអារម្មណ៍ភ្លូវភេទឲ្យកាន់តែខ្លាំងឡើង។ ចំណែកស្ត្រីវ័យក្មេងជាច្រើនបង្ហាញការព្រួយបារម្ភ ខ្លាចស្រូបចំក្លិនទឹកអប់ប្រភេទនោះហើយ មិនអាចធ្វើម្ចាស់ការទប់អារម្មណ៍ផ្នែកផ្លូវភេទខ្លួនឯងបាន ស្ម័គ្រចិត្តប្រគល់ព្រហ្មចារីយ៍ឲ្យគេដោយមិនដឹងខ្លួន។
ប្រភេទទឹកអប់ទាំងនោះត្រូវបានគេរកឃើញដាក់លក់ពាស់ពេញនៅតាមប្រព័ន្ធអិនធឺណែតក្នុងប្រទេសវៀតណាមពិសេសគឺគេហទំព័រជំនួយភ្លូវភេទ មានតម្លៃចាប់ពី ៨០មឺនដល់១លាន៥សែនដុង។ ព័ត៌មានដែលផ្ជាប់ជាមួយទឹកអប់បានបញ្ចាក់ថា ក្នុងទឹកអប់មាន សារធាតុ amyl nitrite, butyl nitrite, isobutyl nitrite…។តាមការផ្សាយពាណិជ្ជកម្មទឹកអប់នោះមានឥទ្ធិពលយ៉ាងរស័សនិងប្រសិទ្ធិភាពខ្ពស់ ពេលស្រួបក្លិនប៉ុន្មានវិនាទី ឬ១ទៅ២នាទី គឺមានអារម្មណ៍ផ្លូវភេទមួយរំពិចនិងមិនអាចទ្រាំបាន។
វេជ្ជបណ្ឌិត ង្វៀង ថាញ់ញឺ សមាជិកគណៈកម្មការសុខភាពផ្លូវភេទ តំបន់អាស៊ីបាស៊ីហ្វិក បានឲ្យដឹងថា សារធាតុ Alkyl Nitrites ជាសារធាតុធ្វើឲ្យមានចំណង់រួម ក្នុងនោះមានចំណង់ផ្លូវភេទ ។ បើស្រូបចំក្លិននោះនឹងធ្វើឲ្យចង្វាក់បេះដូងដើរញាប់ គ្រាប់ឈាមរីក ធ្វើឲ្យមានអារម្មណ៍ ទៅតាមអារម្មណ៍ដែលខ្លួនកំពុងតែមាន។ វេជ្ជបណ្ឌិតខាងលើបន្តទៀតថា សារធាតុខាងលើវាពិតជាធ្វើឲ្យមានរម្មណ៍ក៏ពិតម៉ែន ប៉ុន្តែមិនត្រូវព្រួយបារម្ភណ៍ខ្លាំងពេកនោះឡើយ ។ ប្រសិនបើយើងកំពុងតែត្រឡប់ពីការងា តានតឹងពេញមួយថ្ងៃ ឬធ្វើដំណើរតាមរថយន្តក្រុង ឬទៅផ្សារ បើស្រូបចំក្លឹននោះក៏មិនអាចធ្វើឲ្យមានចំណង់ផ្លូវភេទនោះដែរ គ្រាន់តែធ្វើឲ្យយើងមានអារម្មណ៍ស្រស់ថ្លាតែប៉ុណ្ណោះ។
បណ្ឌិតវេជ្ជសាស្ត្រមកពីសមាគមវេជ្ជសាស្ត្រវៀតណាម លោក ង្វៀង ហ្វឹកតឹង បានឲ្យដឹងថា សារធាតុ Alkyl Nitrites ត្រូវបានប្រើប្រាស់ក្នុងការផលិតឱសថតាំងពីឆ្នាំ១៨៥៧ សម្រាប់ព្យាបាលជំងឺបេះដូង។ ដោយឥទ្ធិពលនៃសារធាតុនោះឆាប់រហ័សជួយធ្វើឲ្យគ្រាប់ឈាមដំណើរការល្អ ចែកចាយគ្រប់សិរីរាង្គកាយ ។ វេជ្ជសាស្ត្រក៏បានបញ្ជាក់ថា ឥទ្ធិពលនៃសារធាតុនោះនៅក្នុងសកម្មភាពផ្លូវភេទ ដូចជាស្ត្រីមានអារម្មណ៍ថា ប្រដាប់ភេទរបស់ខ្លួនដូចជារីកធំជាងមុនស្បូនបើក ធ្វើឲ្យចំណង់ផ្លូវភេទកាន់តែខ្លាំងឡើង ។ ក៏ប៉ុន្តែសារធាតុខាងលើក៏អាចបង្កឲ្យមានភាពគ្រោះថា្នក់ដល់អាយុជីវិតផងដែរ ពេលដែលស្រូបក្លិននោះ គួបផ្សំនឹងការប្រើប្រាស់ថ្នាំជំនួយ ធ្វើឲ្យដំណើរការនៃចង្វាក់បេះដូងហួសប្រក្រតី ឡើងឈាម ឬ ចុះឈាមមួយរំពិច បណ្តាលឲ្យស្លាប់នៅលើបង្កង ឬស្លាប់ក្រោយរួមរក្សរួច ៕
_________________________
ប្រភពព័ត៌មានពី៖ នគវត្ត
ប្រភពព័ត៌មានពី៖ នគវត្ត
Read more: http://www.cambodiapage.info/?p=5281#ixzz2ldnWPJV5
