របររកស៊ីផ្លូវភេទនៅប្រទេសចិន
ថ្វីត្បិតតែប្រទេសចិនជាប្រទេសដែលប្រកាន់លទ្ធិកុម្មុយនីស្តតឹងរឹងក៏ដោយក៏មុខរបរដ៏ចាស់គំរិលមួយរបស់មនុស្សលើផែនដីគឺមុខរបរពេស្យាចារបានរីកដុះដាលគ្មាននរណាអាចទប់ស្កាត់បាន។ប្រភពពីសារព័ត៌មានចិន មួយឈ្មោះ ម៉ែល អនឡាញ(Mail online)បានផ្សាយថា៖
គ្វ័ងទុង ដែលជាខេត្តដ៏ធំមួយស្ថិតនៅភាគខាងត្បូងនៃប្រទេសចិនទីក្រុងគ្វ័ងទុងត្រូវបានគេចាត់ទុកថា ជា ទីក្រុងសិចដ៏ធំមួយប្រចាំប្រទេសចិន។តាមរបាយការណ៍ស្ថិតិបានឲ្យដឹងថា គ្រាន់តែទីក្រុងគ្វ័ង ទុងមានប្រជាជនរស់នៅប្រមាណជាង៧លាននាក់។ជាង១០ភាគរយក្នុងចំណោមប្រជាជនសរុបប្រកបរបររកស៊ីជាអ្នកលក់ដូរផ្លូវភេទ។ស្ថិតិមិនផ្លូវការណ៍ត្រូវបានគេប៉ាន់ប្រមាណថា ទីក្រុង គ្វ័ងទុងមានស្ត្រីបម្រើសេវាកម្មផ្លូវភេទជាង៣សែននាក់។
ចំណែកឯខេត្តក្វាងចូវនៃប្រទេសចិនវិញក៏គឺជាតំបន់ដែលគ្របដណ្តប់ទៅដោយ បារ ខារ៉ាអូខេ ភ្លើងពណ៌ចម្រុះ និងមានស្ត្រីរកស៊ីផ្លូវភេទប្រមាណ៣សែននាក់ដែរ។នេះបើតាមរបាយការណ៍របស់អ្នកស្រុករស់នៅតំបន់ខាងលើ។
ឧស្សាហកម្មរកស៊ីផ្លូវភេទនៅគ្វ័ងទុងគឺជាមុខរបរមួយដែលត្រូវបានគេចាប់អារម្មណ៍ជាងគេក្នុងចំណោមមុខរបរនានាជាច្រើនទៀតនៅក្នុងខេត្តនេះ។យ៉ាងណាក៏ដោយ មុខរបរនេះត្រូវបានហាមឃាត់នៅក្នុងប្រទេសចិនក៏ដូចជាទីក្រុងគ្វ័ងទុងនេះដែរ។ជាញឹកញយអាជ្ញាធរក្នុងតំបន់តែងតែលបវាយឆ្មក់បង្រ្កាប។តែទោះបីជារដ្ឋាភិបាលក្នុងតំបន់ព្យាយាមទប់ស្កាត់យ៉ាងសកម្មក៏ដោយក៏ការលក់ដូរភេទនៅតែបន្តកើនឥតឈប់ឈរ ព្រោះជារបរមួយដែលអាចជួយឲ្យពួកគេទាំងនោះរកបានប្រាក់ចំណូលយ៉ាងច្រើនដើម្បីផ្គត់ផ្គង់គ្រួសារ។
ថ្មីៗកន្លងទៅប៉ូលិសក្នុងតំបន់បានចុះបង្ក្រាបភោជនីយដ្ឋានចំនួន៦ដោយបានចាប់ និងឃាត់ខ្លួនស្ត្រីរកស៊ីផ្លូវភេទចំនួន២០៩នាក់ តែសកម្មភាពនេះគ្រាន់តែជាសកម្មភាពដដែលៗតែប៉ុណ្ណោះ។ក្រុមអ្នកវិភាគបញ្ហាសង្គមនៃប្រទេសចិនបានឲ្យដឹងថាអ្វីដែលជាបញ្ហាចោទបំផុតសម្រាប់ទីក្រុងគ្វ័ងទុងនាថ្ងៃអនាគតនោះគឺបញ្ហាជំងឺអេដស៍និងកង្វះខាតផ្នែកសុខភាពរបស់ប្រជាពលរដ្ឋ៕
ប្រភពពី Free Press Magazine
