បាតុករប្រឆាំងរដ្ឋាភិបាលយីងឡាក់រាប់ម៉ឺននាក់ប្រមូលផ្តុំគ្នានៅកណ្តាលក្រុងបាងកកដើម្បីទម្លាក់រដ្ឋាភិបាលនិយមថាក់ស៊ីនបាតុករប្រឆាំងរដ្ឋាភិបាលយីងឡាក់រាប់ម៉ឺននាក់ប្រមូលផ្តុំគ្នានៅកណ្តាលក្រុងបាងកកដើម្បីទម្លាក់រដ្ឋាភិបាលនិយមថាក់ស៊ីន
ពេញមួយថ្ងៃអាទិត្យទី២៤ វិច្ឆិកា នេះ ក្រុមបាតុករប្រឆាំងរដ្ឋាភិបាលថៃ បានប្រមូលផ្តុំគ្នានៅមហាវិថីរ៉ាជដំណឺន កណ្តាលក្រុងបាងកក ដើម្បីទម្លាក់រដ្ឋាភិបាលរបស់លោកស្រី យីង ឡាក់ ដែលក្រុមបាតុករចាត់ទុកថាជារដ្ឋាភិបាលនិយមថាក់ស៊ីន ។
ក្រុមបាតុករហៅថ្ងៃទី២៤ វិច្ឆិកានេះ ថាជាទិវាប្រយុទ្ធដ៏ធំមួយសម្រាប់ការគាស់រំលើងរបបថាក់ស៊ីនចេញពីប្រទេសថៃ ។
មេដឹកនាំបាតុករ លោកស៊ូថេប ថងសុបាន បានអំពាវនាវអោយប្រជាពលរដ្ឋថៃដែលមិនចូលចិត្តរបបថាក់ស៊ីននិយម ដើម្បីចូលរួមក្នុងការតវ៉ានោះ ។ លោកថងសុបាន គ្រោងនឹងប្រមូលអ្នកចូលរួម ប្រឆាំងនិងរដ្ឋាភិបាលអោយបានយ៉ាងតិច១លាននាក់ ។
ក្រុមបាតុករ បានថ្កោលទោសរដ្ឋាភិបាលរបស់លោកស្រីយីងឡាក់ ដែលបានអនុម័តច្បាប់លើកលែងទោសដល់អ្នកនយោបាយ ដែលជាការបើកផ្លូវអោយលោកថាក់ស៊ីន វិលត្រឡប់ចូលស្រុកវិញ៕
ប្រភពពី Free Press Magazine
