គ្រាន់តែដកធ្មេញបុរសម្នាក់ស្លាប់ដោយសារពេទ្យ
ខេត្តសៀមរាប: បុរសម្នាក់បានស្លាប់នៅមន្ទីរពេទ្យបង្អែកខេត្ដសៀមរាប បន្ទាប់ពីបុរសនោះ បានទៅឲ្យពេទ្យរបស់អង្គការមួយ ដកធ្មេញ នៅមណ្ឌលសុខភាពមូលដ្ឋាន។ បន្ទាប់ពីដកធ្មេញហើយ សាច់គល់ធ្មេញបានឡើងហើម ហើយក៏មកគ្លីនីកឯកជនដើម្បីព្យាបាលតែ ដោយសារស្ថានភាពធ្ងន់ធ្ងរពេក ក៏បញ្ជូនមកមន្ទីរពេទ្យបង្អែកខេត្ដសៀមរាប ក៏ស្លាប់នៅទីនោះតែម្ដង។
ជនរងគ្រោះដែលស្លាប់ដោយសារការដកធ្មេញ ហើយឆ្លងកាត់ពេទ្យ៣កន្លែងនោះឈ្មោះជិក សារុន អាយុ៣៩ឆ្នាំ រស់នៅភូមិព្រៃធំ សង្កាត់ស្រង៉ែ ក្រុងសៀមរាប ។ ជនរងគ្រោះបានស្លាប់នៅមន្ទីរពេទ្យបង្អែកខេត្ដសៀមរាបនៅរសៀល ថ្ងៃទី២០ ខែវិច្ឆិកា ឆ្នាំ២០១៣។
ស្ដ្រីឈ្មោះមូល លូន អាយុ៥៧ឆ្នាំ ជាបងស្រីបង្កើតរបស់ជនរងគ្រោះ បានបញ្ជាក់ថា នៅថ្ងៃទី៧ ខែវិច្ឆិកា កន្លងទៅ មានពេទ្យអង្គការមួយឈ្មោះអក្សរកាត់AFH បានមកអំពាវនាវដល់ប្រជាពលរដ្ឋនៅសង្កាត់់ស្រង៉ែថា បងប្អូនណាឈឺ ធ្មេញត្រូវការដក អង្គការនឹងដកដោយមិនយកលុយ។ នៅថ្ងៃនោះ ប្អូនប្រុសរបស់គាត់ក៏បានទៅអង្គការឲ្យជួយដកធ្មេញឲ្យនៅសាលាសង្កាត់ស្រង៉ែ។ ក្រោយពីដកធ្មេញបានរយៈពេល៣ថ្ងៃ ថ្គាមប្អូនប្រុសរបស់គាត់បានឡើងហើមឈឺ ក៏ទៅរកពេទ្យអង្គការវិញ ក៏រកមិនឃើញ មិនដឹងថា ពេទ្យនោះទៅដល់ណាឡើយ។ពេលនោះបងប្អូនក៏បាននាំជនរងគ្រោះមកកាន់ គ្លីនីកឯកជនឈ្មោះ មណ្ឌលសុខភាព ស្ថិត នៅតាមបណ្ដោយផ្លូវជាតិលេខ៦ ក្នុងភូមិសាលាកន្សែង សង្កាត់ស្វាយដង្គំ ក្រុងសៀមរាប។ មកដល់គ្លីនីកមណ្ឌលសុខភាពឯកជ ននោះ ហើយក៏សំរាកមួយយប់ទើបបានធ្វើការវះកាត់។
ស្ដ្រីនោះបញ្ជាក់ថា នៅពេលវះកាត់រួចបាន២ថ្ងៃ ស្ថានភាពរបស់ប្អូនគាត់ធ្ងន់ពេកក៏ត្រូវគ្លីនីកមណ្ឌលសុខភាពឯកជននោះ បញ្ជូនមកមន្ទីរពេទ្យបង្អែកខេត្ដបន្ដទៀត ប៉ុន្ដែជាអកុសលប្អូនរបស់គាត់បានស្លាប់នៅវេលាម៉ោង៣រសៀលថ្ងៃទី២០ ខែវិច្ឆិ កា នៅមន្ទីរពេទ្យបង្អែកខេត្ដនោះតែម្ដង។ ក្រោយពីស្លាប់ ក្រុមគ្រួសារបានយកសាកសពមកកាន់ភូមិព្រៃធំ សង្កាត់ ស្រង៉ែដើម្បីធ្វើបុណ្យ។
នៅថ្ងៃទី២១ ខែវិច្ឆិកានេះ សមត្ថកិច្ចជំនាញរបស់ខេត្ដបានចុះទៅដល់ផ្ទះជនរងគ្រោះ ដើម្បីពិនិត្យសាកសព ប៉ុន្ដែសាក សពបានដាក់ចូលមឈូសបាត់ទៅហើយ ហើយសមត្ថកិច្ចក៏បានឈានដល់ការពិនិត្យឱ្យឃើញពីអ្វីក្រៅពីនោះឡើយ ដោយសមត្ថ កិច្ចខ្លះនិយាយថា មិនដឹងថា ត្រូវវិនិច្ឆ័យបែបណាឡើយ។ សមត្ថកិច្ចបញ្ជាក់ថា ការស្លាប់នេះគឺមានការបញ្ជាក់ពីពេទ្យត្រឹមត្រូវ ។ ទោះបីយ៉ាងណាក៏ដោយ គេមិនអាចសុំបំភ្លឺពីពេទ្យអង្គការបានទេ។
ខាងក្រុមគ្រួសារបាននិយាយថា កំពុងពិចារណាថាត្រូវប្ដឹងពេទ្យទាំងនោះ(ពេទ្យអង្គការនិងគ្លីនិចឯកជន)ឬយ៉ាងណានោះទេ រង់ចាំការធ្វើបុណ្យសពរួចហើយសិន៕
ទិដ្ឋភាពនៅផ្ទះបុណ្យសព
ប្រភពពី CEN
