ប៉េអឹម ចាប់ក្រុមក្មេងទំនើង បុគ្គលិក និងម្ចាស់ហាងអង្គរថោន ពីបទ បង្ករបួស
ភ្នំពេញ: កំលាំងកងរាជអាវុធហត្ថ បានធ្វើការបង្ក្រាបក្រុមជនសង្ស័យ ដែលជាក្មេងទំនើងមួយក្រុម ដែលបានបង្កការអុកឡុក បំផ្លិចបំផ្លាញទ្រព្យសម្បត្តិ និងបង្ករបួសស្នាម ដែលធ្វើឲ្យមានរបួសស្នាមទាំងសង្ខាង គឺទាំងក្រុមជនសង្ស័យ និងអ្នកបំរើ ម្ចាស់ហាង នៅក្នុងហាង អង្គរថោន ដែលស្ថិតនៅផ្លូវលេខ៤៣២ សង្កាត់ទួលទំពូង កាលពីវេលាម៉ោងជាង ៩ យប់ ថ្ងៃទី២៦ ខែតុលា ឆ្នាំ២០១៣។
ហេតុការណ៍នេះ បានកើតឡើង ដោយសារតែក្រុមក្មេងទំនើងបានកម្មង់ម្ហូបយូរពេក ធ្វើឲ្យមានការខឹងសម្បារ រហូតដល់ទះតុ បោកកែវ នៅពេលដែលម្ចាស់សួរនាំ ក៏មានការឈ្លោះប្រកែកតឹងសរសៃកដាក់គ្នា រហូតឈានដល់ការប្រើអំពើហិង្សាដាក់ទៅវិញទៅមក។
បន្ទាប់មកកំលាំងកងរាជអាវុធហត្ថ នៃការិយាល័យស្រាវជ្រាវបទល្មើសព្រហ្មអាវុធហត្ថរាជធានីភ្នំពេញ បានសហការជាមួយអាវុធហត្ថខណ្ឌចំការមន ចុះទៅដល់កន្លែងកើតហេតុភ្លាមៗ រហូតឈានដល់ការចាប់ឃាត់ខ្លួនមនុស្សចំនួន ៩ នាក់ ក្នុងនោះស្រីចំនួន ២ នាក់ រួមទាំងវត្ថុតាង បញ្ជូនទៅកាន់ទីបញ្ជាការដ្ឋានកងរាជអាវុធហត្ថរាជធានីភ្នំពេញ។
ប្រភពបានបង្ហើបប្រាប់គេហទំព័រ CEN ឲ្យដឹងថា នៅពេលចាប់ខ្លួនក្រុមក្មេងទំនើង បានទូរស័ព្ទខ្វាត់ខ្វែងរកអន្តរាគមន៍ ពីមន្ត្រីអាវុធហត្ថខណ្ឌ៧មករា និងមន្ត្រីជាន់ខ្ពស់ប៉ូលិសម្នាក់ ប៉ុន្តែមិនឃើញមានមន្ត្រីអ្នកណាម្នាក់ចេញមុខមកអន្តរាគមន៍នោះទេ។
សូមរម្លឹកថា នាពេលកន្លងមកនេះសម្តេចតេជោ ហ៊ុន សែន នាយករដ្ឋមន្ត្រី បានប្រកាសឲ្យអាជ្ញាធរមានសមត្ថកិច្ច ធ្វើការបង្ក្រាបក្មេងទំនើងដែលធ្វើខុស មិនថាកូនអ្នកធំ កូនអ្នកតូចណាទេ៕
ហេតុការណ៍នេះ បានកើតឡើង ដោយសារតែក្រុមក្មេងទំនើងបានកម្មង់ម្ហូបយូរពេក ធ្វើឲ្យមានការខឹងសម្បារ រហូតដល់ទះតុ បោកកែវ នៅពេលដែលម្ចាស់សួរនាំ ក៏មានការឈ្លោះប្រកែកតឹងសរសៃកដាក់គ្នា រហូតឈានដល់ការប្រើអំពើហិង្សាដាក់ទៅវិញទៅមក។
បន្ទាប់មកកំលាំងកងរាជអាវុធហត្ថ នៃការិយាល័យស្រាវជ្រាវបទល្មើសព្រហ្មអាវុធហត្ថរាជធានីភ្នំពេញ បានសហការជាមួយអាវុធហត្ថខណ្ឌចំការមន ចុះទៅដល់កន្លែងកើតហេតុភ្លាមៗ រហូតឈានដល់ការចាប់ឃាត់ខ្លួនមនុស្សចំនួន ៩ នាក់ ក្នុងនោះស្រីចំនួន ២ នាក់ រួមទាំងវត្ថុតាង បញ្ជូនទៅកាន់ទីបញ្ជាការដ្ឋានកងរាជអាវុធហត្ថរាជធានីភ្នំពេញ។
ប្រភពបានបង្ហើបប្រាប់គេហទំព័រ CEN ឲ្យដឹងថា នៅពេលចាប់ខ្លួនក្រុមក្មេងទំនើង បានទូរស័ព្ទខ្វាត់ខ្វែងរកអន្តរាគមន៍ ពីមន្ត្រីអាវុធហត្ថខណ្ឌ៧មករា និងមន្ត្រីជាន់ខ្ពស់ប៉ូលិសម្នាក់ ប៉ុន្តែមិនឃើញមានមន្ត្រីអ្នកណាម្នាក់ចេញមុខមកអន្តរាគមន៍នោះទេ។
សូមរម្លឹកថា នាពេលកន្លងមកនេះសម្តេចតេជោ ហ៊ុន សែន នាយករដ្ឋមន្ត្រី បានប្រកាសឲ្យអាជ្ញាធរមានសមត្ថកិច្ច ធ្វើការបង្ក្រាបក្មេងទំនើងដែលធ្វើខុស មិនថាកូនអ្នកធំ កូនអ្នកតូចណាទេ៕
ប្រភពពី CEN
