ជិះម៉ូតូឌុបគ្នា ទៅបុករថយន្តបើកឆ្លងផ្លូវ ស្លាប់ម្នាក់ របួសធ្ងន់ម្នាក់
ភ្នំពេញ: បុរសម្នាក់បានស្លាប់ភ្លាមៗនៅកន្លែកើតហេតុ និងម្នាក់ទៀតរងរបួសធ្ងន់ ដឹកទៅសង្គ្រោះនៅមន្ទីរពេទ្យរុស្ស៊ី ខណៈបើកម៉ូតូវីវ៉ាទៅបុករថយន្ត បើកឆ្លងផ្លូវ កាលពីវេលាម៉ោង ១១យប់ថ្ងៃទី២២ កញ្ញា ២០១៣ នៅចំណុចផ្លូវលេខ២៧១កែងផ្លូវលេខ៤៦៤ ខាងមុខផ្ទះលេខ១០២យីហោ សុខ សួរ លក់និងប្តូរប្រេងម៉ាស៊ីនម៉ូតូ ស្ថិតក្នុងសង្កាត់ទួលទំពូងទី២ ខណ្ឌចំការមន។
សមត្ថកិច្ចបានឲ្យដឹងថា ជនរងគ្រោះដែលស្លាប់មិនទាន់ស្គាល់អត្តសញ្ញាណនៅឡើយទេ ស្លៀកខោខ៉ូវប៊យជើងវែង ពាក់អាវយឺតសដៃខ្លី បើកម៉ូតូវីវ៉ា ពណ៌ក្រហម ពាក់ស្លាកលេខភ្នំពេញ 1G-6924 ចំណែកអ្នករួមដំណើរមិនស្គាល់អត្តសញ្ញាណដូចគ្នា។
សាក្សីបានឲ្យដឹងថា មុនពេលកើតហេតុគេឃើញរថយន្តប្រភេទទួរីស បិទស្លាកសញ្ញាស្រាបៀអង្គ ពាក់ស្លាលេខភ្នំពេញ 2F-9138 បើកតាមផ្លូវលេខ២៧១ក្នុងទិដៅពីជើងទៅត្បូង ខណៈមកដល់ចំណុចកើតហេតុរថយន្តបានឆ្វេងឆ្លងផ្លូវចូលផ្លូវលេខ៤៦៤ ភ្លាមនោះក៏មានម៉ូតូវីវ៉ាជិះគ្នា២នាក់ បើកយ៉ាងលឿន ជ្រុលចង្កូតទៅបុករថយន្តពេញទំហឹង បណ្តាលឲ្យអ្នកបើកម៉ូតូ បាក់កស្លាប់ ភ្លាមៗនៅកន្លែងកើតហេតុ ចំណែកអ្នករួមដំណើរបានរងរបួសធ្ងន់។
សពត្រូវបានដឹកយកទៅតម្កល់នៅវត្តទឹកថ្លា រីឯម៉ូតូ និងរថយន្តសមត្ថកិច្ចយកទៅរក្សាទុកនៅការិយាល័យចរាចរផ្លូវគោក៕
- See more at: http://www.cen.com.kh/localnews/show_detail/22?token=YWI0NTE3YW#sthash.mjMDism2.dpuf
Read more: http://www.cambodiapage.info/?p=16188#ixzz2fhDQ27oy
