កម្មករកម្មការនីរោង ចក្រជាង១ពាន់ នាក់ធ្វើកូដកម្ម
រាជធានីភ្នំពេញ៖ កាលពីព្រឹកថ្ងៃទី២១ ខែកញ្ញាឆ្នាំ២០១៣កម្មករកម្មការនីរោងចក្រកាត់ដេរក្រុមហ៊ុនសាហាន់អិនធើណាសិនណាលដែលមានទីតាំងនៅក្នុងមជ្ឈមណ្ឌលកាណាឌីយ៉ាស្ថិតនៅក្នុងភូមិត្រពាំងថ្លឹងសង្កាត់ចោមចៅខណ្ឌពោធិ៍សែនជ័យ។កម្មករកម្មការនីដែលប្រមូលផ្ដុំគ្នាធ្វើកូដកម្មនៅមុខរោងចក្រប្រហែលជាង១ពាន់នាក់ដែលដឹកនាំដោយសហជីពចំនួន៥គឺ១.សហព័ន្ធសហជីពដើម្បីសិទ្ធិការងារ ២.សហព័ន្ធសហជីពកម្មករឯករាជ្យ ៣.សហព័ន្ធសហជីពមិត្តភាពកម្មករ 4.សហព័ន្ធសហជីពការងារដើម្បីសន្តិភាព៥.សហព័ន្ធសហជីពសេដ្ធកិច្ចកម្មករកម្ពុជា។
ដើម្បីតវ៉ាអោយថៅកែរោងចក្រធ្វើដោះស្រាយនូវគោលការណ៍ចំនួន៨ចំណុចដល់ពួកគាត់គឺ
១.ស្នើសុំអោយក្រុមហ៊ុនសម្រួលបើកប្រាក់ខែខែកញ្ញារបស់កម្មករកម្មការនីអោយបានទាំងអស់នៅថ្ងៃទី២៨ខែកញ្ញាឆ្នាំ២០១៣សំរាប់ទៅភ្ជុំបិណ្ឌ។
២.ស្នើសុំឈប់សំរាក់ក្នុងឪកាសបុណ្យភ្ជុំបិណ្ឌចាប់ពីថ្ងៃទី៣០ខែកញ្ញារហូតដល់ថ្ងៃទី០៧ខែតុលាឆ្នាំ២០១៣។
៣.ស្នើសុំផ្ដល់ប្រាក់ថ្លៃបាយធ្វើការបន្ថែមម៉ោង១០០០រៀលក្នុង១ម៉ោង។
៤.ស្នើសុំលុយព្រីម15ដុល្លាក្នុងមួយខែហើយកាត់សមាមាត្រទៅលើការឈប់ជាក់ស្ដែងរបស់កម្មករកម្មការនី។
៥.ស្នើសុំតំឡើងប្រាក់ថ្លៃធ្វើដំណើរនិងស្នាក់នៅចំនួន15ដុល្លាក្នុងមួយខែ។
៦.ក្រុមហ៊ុនត្រូវតែបញ្ឈប់ការបង្ខំកម្មករកម្មការនីអោយធ្វើការបន្ថែមម៉ោងព្រោះការងារបន្ថែមម៉ោងគឺស្ថិតនៅលើគោលការណ៍ស្ម័ត្រចិត្រ។
៧.សុំឲ្យក្រុមហ៊ុនផ្ដល់លុយលំហែមាតុភាពមុន៣ខែ។រហូតមកដល់ពេលនេះកម្មករកម្មការនីទាំងអស់មិនទាន់មានដំណោះស្រាយណាមួយឡើយប្រភពពីកម្មករម្នាក់បានអោយដឹងថា៖ពួកគាត់និងបន្តធ្វើកូដកម្មបន្តទៀតប្រសិនបើខាងថៅកែរោងចក្រមិនព្រមដោះស្រាយពួកគាត់ទាំងអស់គ្នានោះ៕ដោយ ជួប ស្រីដា
ប្រភពពី វាលឥន្ទ្រិយ
