ភ្នំពេញ៖ អ្នករត់ម៉ូតូរ៉ឺម៉ក និងក្រុមក្មេងទំនើង បានឈ្លោះប្រកែក ដេញវាយតប់គ្នា ទៅវិញទៅមក បណ្តាលឲ្យផ្អើល ដល់នគរបាលមូលដ្ឋាន ចុះទៅអន្តរាគមន៍ ដោយហេតុការណ៍នេះ បានកើតឡើងកាលពីម៉ោង២៣និង៤៥នាទីយប់ ថ្ងៃទី១៩ ខែសីហា ឆ្នាំ២០១៣ នៅជិតហាងពន្លក លើកំណាត់មហាវិថីព្រះស៊ីសុវត្ថិ ស្ថិតក្នុងសង្កាត់ជ័យជំនះ ខណ្ឌដូនពេញ។

ប្រភព័ត៌មាន ពីប្រជាពលរដ្ឋ ជិតខាងបានឲ្យដឹងថា នៅមុនពេលកើតហេតុ គេឃើញក្រុមជនបង្ក បានហាមមិនឲ្យភ្ញៀវ ទេសចរបរទេស ចតរថយន្ត នៅក្បែរកន្លែងប្រពន្ធ គេលក់ចង្រិតបំពងទេ ហើយមិនតែប៉ុណ្ណោះ ក្រុមជនបង្ក ថែមទាំងវាយ ជនបរទេសនោះទៀតផង ដោយឃើញដូចនោះ បុរសម្នាក់ដែលជាអ្នករត់ម៉ូតូរ៉ឺម៉ក ប្រចាំការនៅជិតនោះ ក៏បានហាមជនបង្កថា កុំវាយគេ គ្រាន់តែហាម គេមិនឲ្យចតរថយន្តបានហើយ បើ យើងវាយដូច្នេះ ជារឿងខុសច្បាប់ហើយ ។

បន្ទាប់ពីអ្នករត់រ៉ឺម៉កម៉ូតូ និយាយដូច្នេះ ហើយស្រាប់តែជនបង្ករូបនោះ បានរករឿងវាយទាំងអ្នករត់ម៉ូតូរ៉ឺម៉ក ទើបធ្វើឲ្យអ្នករត់ម៉ូតូរ៉ឺម៉ក ខឹងបាននាំគ្នាមកវាយសងសឹក ជាមួយជនបង្កវិញ បណ្តាលឲ្យកើតជារឿងដេញ វាយតប់គ្នាទៅវិញទៅមក ផ្អើលដល់ អ្នកជិតនិងសមត្ថកិច្ចមូលចុះមកអន្តរាគមន៍ភ្លាមៗផងដែរ។

ប្រភពពត៌មានបានបន្តទៀតថា ខណៈកំពុងដេញវាយតប់គ្នា នោះពេលដែលឃើញកំលាំង សមត្ថកិច្ច មកដល់ក្រុមជនបង្កហេតុនោះ បានរត់ចែកផ្លូវគ្នាទៅបាត់អស់ទៅ ព្រោះខ្លាចសមត្ថឃាត់ខ្លួន ចាត់ការតាម ផ្លូវច្បាប់ ៕

ផ្តល់សិទ្ធដោយ ដើមអម្ពិល