គណបក្សកាន់ អំណាចប្រើសន្លឹក អាត់ចុងក្រោយ ដើម្បីបង្ហាញអំពី ភាពស្អាតស្អំ និងឆន្ទៈនយោបាយរបស់ខ្លួន
សន្លឹកអាត់ចុងក្រោយ ដែលមនុស្សភាគច្រើនគិតថា គណបក្សប្រជាជនកម្ពុជា មិនអាចធ្វើទៅរួចនោះ ឥឡូវនេះគណបក្សប្រជាជនកម្ពុជាបានយកមកបោកនៅចំពោះមុខគណបក្សសង្រ្គោះជាតិ នៅថ្ងៃទី៩ សីហានេះ ។
សន្លឹកអាត់ចុងក្រោយនេះ គឺការព្រមព្រៀងបង្កើតគណកម្មការចម្រុះមួយដែលមានវត្តមានអង្គការសង្គមស៊ីវិល ដែលមានជំនាញខាងការបោះឆ្នោត និងតំណាងសហគមន៍អន្តរជាតិ ដើម្បីត្រួតពិនិត្យលទ្ធផលបោះឆ្នោត ដែលខាងគណបក្សប្រឆាំងចោទថា គ.ជ.ប បានធ្វើការលួចបន្លំ និងការធ្វើអោយមានភាពមិនប្រក្រតីជាច្រើន ។
នៅបន្ទាប់ពីការបោះឆ្នោត គឺនៅក្រោយពីឃើញការចេញលទ្ធផលបឋមដោយ គ.ជ.ប និងអង្គការឃ្លាំមើលការបោះឆ្នោតដោយសេរី ត្រឹមត្រូវ និងយុត្តិធម៌នៅកម្ពុជា (Comfrel) ដោយបង្ហាញថា គណបក្សប្រជាជនកម្ពុជាឈ្នះឆ្នោត ហើយគណបក្សសង្គ្រោះជាតិឈរនៅលំដាប់លេខរៀងទី២ គឺគណបក្សសង្គ្រោះជាតិបានចាប់ផ្តើមប្រកាសទាមទារអោយមានគណកម្មាចម្រុះដើម្បីត្រួតពិនិត្យភាពមិនប្រក្រតីនៃការបោះឆ្នោតកាលពីថ្ងៃទី២៨ កក្កដា ២០១៣ ។ ដំបូងឡើយ ខាងគណបក្សប្រជាជនកម្ពុជា មិនបានយល់ព្រមទេ ដោយសំអាងថា យន្តការដោះស្រាយ បញ្ហាដែលមានស្រាប់ ហើយស្របតាមច្បាប់បោះឆ្នោតរបស់កម្ពុជាផងនោះ គឺមានតែគ.ជ.ប និងក្រុមប្រឹក្សាធម្មនុញ្ញទេ ។ នៅពេលនោះខាងគណបក្សសង្គ្រោះជាតិបានប្រកាសអំពីគម្រោងការធ្វើមហាបាតុកម្មប្រឆាំងលទ្ធផលបោះឆ្នោត ។
លុះដល់ថ្ងៃទី២ ខែសីហា គណបក្សប្រជាជនកម្ពុជា បានបន្ទន់ឥរិយាបទ ដោយបានឯកភាពជាមួយគណបក្សប្រឆាំងគឺគណបក្សសង្គ្រោះជាតិបង្កើតគណកម្មការត្រីភាគីរវាងគណបក្សជាប់ឆ្នោតទាំងពីរ និងគ.ជ.ប ដើម្បីត្រួតពិនិត្យភាពមិនប្រក្រតីទាំងនោះ ។ មិនបានមួយថ្ងៃពេញលេញផង គណបក្សសង្គ្រោះជាតិបានដកខ្លួនថយចេញពីការចរចា ហើយប្រធានគណបក្ស នេះគឺលោកសម រង្ស៊ី បានព្រមានអំពីការធ្វើមហាបាតុកម្មនៅទូទាំងប្រទេស ។
លោករង្ស៊ី បានថ្លែងពន្យុះអោយប្រជាពលរដ្ឋកម្ពុជា នៅតាមបណ្តាខេត្ត និងរាជធានី ដែលគណបក្សសង្គ្រោះជាតិបានឈ្នះឆ្នោត ថាអោយត្រៀមខ្លួនធ្វើមហាបាតុកម្ម ដើម្បីបញ្ចប់អំណាចរបស់សម្តេចនាយករដ្ឋមន្ត្រីហ៊ុន សែន អោយខាងតែបាននៅឆ្នាំ២០១៣នេះ ។
សារនេះ ត្រូវបានគេស្តាប់ឭ និងមើលឃើញពេញពិភពលោក តាមរយៈប្រព័ន្ធផ្សព្វផ្សាយ ។ អ្នកស្តាប់ អ្នកអាន និងអ្នកទស្សនា បានវិនិច្ឆ័យថា សាររបស់លោកសម រង្ស៊ី គឺចង់ប្រើលេស នៃភាពមិនប្រក្រតី ដែលកើតចេញពីការបោះឆ្នោត ដើម្បីផ្តួលរំលំរបបគ្រប់គ្រងបច្ចុប្បន្ន ដែលឈ្នះឆ្នោត ។ ឈ្នះឆ្នោតត្រង់ថា សូម្បីតែអង្គការឃ្លាំមើលការបោះឆ្នោតដោយឯករាជ្យ ក៏បង្ហាញលទ្ធផលថា គណបក្សសង្គ្រោះជាតិទទួលបានតែពី៥៥ ទៅ៥៦ អាសនៈប៉ុណ្ណោះ នៅខណៈដែលគណបក្សប្រជាជនកម្ពុជាទទួលបានពី៦៧ ទៅ៦៨អាសនៈ ។
គណបក្សសង្គ្រោះជាតិ ទំនងជាគិតថា គណបក្សប្រជាជនកម្ពុជា មិនអាចដើរដល់ចំណុចមួយ ដែលថា មានការព្រមព្រៀងអោយមានការចូលរួមពីអង្គការក្រៅរដ្ឋាភិបាល ដែលមានជំនាញ ផ្នែកបោះឆ្នោត និងតំណាងសហគមន៍អន្តរជាតិនោះទេ ។ លក្ខខណ្ឌមួយនេះ ការពិតវាជាព្រនង់មួយសម្រាប់សំពងគណបក្សប្រជាជនកម្ពុជា អោយទទួលយកលក្ខខណ្ឌអ្វីម្យ៉ាង ឬច្រើនយ៉ាង ។
លក្ខខណ្ឌទី១ គឺការបែកចែកអំណាច នៅក្នងស្ថាប័ននីតិបញ្ញត្តិ ឬអាចឈានទៅរកការបែកចែកអំណាចនៅក្នុងស្ថាប័ននីតិប្រតិបត្តិ ។ ឯលក្ខខណ្ឌទី២ គឺចំពោះករណីលោកសម រង្ស៊ី ផ្ទាល់ ព្រោះថា រឿងលោកសម រង្ស៊ី បើទោះជាក្នុងកាលៈទេសៈណាក៏ដោយ ចរចាបង្កើតរដ្ឋាភិបាលចម្រុះក៏ដោយ សភាចម្រុះក៏ដោយ ក៏លោកសម រង្ស៊ី គ្មានចំណែកនៅក្នុងនោះដែរ ព្រោះថា អាសនៈលំដាប់លេខរៀងទី១របស់លោកនៅខេត្តកំពង់ចាម ត្រូវបានជំនួសដោយលោក កឹម សុខា ទៅហើយ ។ តាមច្បាប់រដ្ឋធម្មនុញ្ញក្តី ច្បាប់បោះឆ្នោតក្តី បេក្ខជនប្រធានសភា អនុប្រធានសភា នាយករដ្ឋមន្ត្រី ឬឧបនាយករដ្ឋមន្ត្រី ក៏សុទ្ធតែបោះឆ្នោតជ្រើសចេញពីតំណាងរាស្ត្រដែលជាប់ឆ្នោត ។
អញ្ចឹងហើយ បានជាជំហររបស់លោកសម រង្ស៊ី ខុសពីជំហររបស់លោក កឹម សុខា លោកយ៉ែម បុញ្ញរិទ្ធ លោកយឹម សុវណ្ណ លោកសុន ឆៃ និងបេក្ខជនសភាជាប់ឆ្នោតឯទៀត ។
នៅពេលថ្លែងទៅកាន់ហ្វូងអ្នកគាំទ្រ លោកកឹម សុខា លោកយ៉ែម បុញ្ញរិទ្ធ លោកយឹម សុវណ្ណ លោកសុន ឆៃ និយាយអំពីការធ្វើមហាបាតុកម្ម ដោយភ្ជាប់មកនូវលក្ខខណ្ឌចាំបាច់មួយ ដែលថា មហាបាតុកម្មនេះផ្ទុះឡើង ក្នុងករណីភាពមិនប្រក្រតីនៃការបោះឆ្នោត មិនត្រូវបានដោះស្រាយតាមយន្តការដែលគណបក្សសង្គ្រោះជាតិបានស្នើឡើង ។
ចំណែកលោក សម រង្ស៊ី វិញ អ្វីដែលសំខាន់សម្រាប់លោក គឺការផ្លាស់ប្តូររបបដឹកនាំបច្ចុប្បន្នទាំងស្រុង នៅឆ្នាំ២០១៣។ ហេតុអ្វី? ព្រោះថា លទ្ធផលបោះឆ្នោតនៃឆ្នាំ២០១៣នេះ មិនបាន ផ្តល់ផលប្រយោជន៍ផ្ទាល់ខ្លួនអ្វីដល់លោកសម រង្ស៊ីឡើយ ។ ច្បាប់រដ្ឋធម្មនុញ្ញ និងច្បាប់បោះឆ្នោត សុទ្ធតែមិនអាចជួយកែខៃស្ថានភាពរបស់លោកបាន ។ ហេតុនេះ លោកត្រូវនៅរង់ចាំ៥ឆ្នាំទៀត ដែលនឹងធ្វើអោយវ័យរបស់លោកឈានចូល៧០ឆ្នាំ ។ ហេតុនេះហើយ បានជាលោកសម រង្ស៊ី ចេះតែមានប្រសាសន៍ថា មិនអាចអោយឪកាសមាសនេះ រំលងផុតទេ គឺឪកាសប្រើកម្លាំងមហាជនដើម្បីផ្លាស់ប្តូររបប។
សរុបសេចក្តីមក គណបក្សសង្គ្រោះជាតិ កំពុងដើរដល់ផ្លូវបំបែកជាពីរ ពោលគឺធ្វើបាតុកម្មមហាជនដើម្បីផ្តួលរំលំអំណាចរដ្ឋបច្ចុប្បន្ន ដើម្បីប្រយោជន៍លោកសម រង្ស៊ី ក្លាយជានាយករដ្ឋមន្ត្រី និងការចូលរួមតុចរចា ដើម្បីផលប្រយោជន៍ប្រជាជាតិកម្ពុជាទាំងមូល តាមទស្សនាទានរបស់សមាជិកគណកម្មាធិការនាយកភាគច្រើនរបស់គណបក្សសង្គ្រោះជាតិ ឬមួយប្រើប្រាស់ផ្លូវទី២នេះ ដើម្បីចរចាជាមួយគណបក្សប្រជាជនកម្ពុជា បើកផ្លូវអោយមានការផ្តល់ឪកាសអោយលោក សម រង្ស៊ីផង ។
ជម្រើសទី១ តាមសេនារីយ៉ូរបស់លោក សម រង្ស៊ី ទំនងជាទៅមិនរួចទេ ព្រោះវាជាការប្រថុយប្រថានមួយ ពោលគឺអាចទទួលជ័យជំនះ ដោយការប្រឈមមុខកាប់សម្លាប់គ្នារវាងបាតុករ និងបាតុករ ឬមួយឈានទៅដល់ការរំលំរលាយរចនាសម្ព័ន្ធរបស់បក្សប្រឆាំងទាំងស្រុងនៅពេលបដិវត្តមិនបានសម្រេច ដែលនេះផ្ទុយពីផលប្រយោជន៍ដែលលោកកឹម សុខា និងបេក្ខជនសភា ជាប់ឆ្នោតទាំង៥៥ ឬ៥៦នាក់ ចង់បាន និងត្រូវទទួលបាន។
ជម្រើសទី២ គឺការចរចាស្វែងរកភាពស្រុះស្រួលគ្នា អាចនឹងនាំអោយគណបក្សប្រឆាំងមួយនេះ ចាក់ឬសចាក់គល់ក្នុងស្រទាប់ប្រជាជន កាន់តែជ្រៅ ដែលនឹងឈានទៅរកការដណ្តើមអំណាចស្របច្បាប់បានទាំងស្រុងនៅអាណត្តិក្រោយៗ សមនិងពាក្យចាស់បូរាណពោលថា៖ «សន្សឹមៗ កុំបំបោល ក្រែងពុំដល់ដូចប្រាថ្នា»។
សម្រាប់គណបក្សប្រជាជនកម្ពុជា សន្លឹកអាត់ចុងក្រោយនេះ គឺការឯកភាពអោយមានអង្គការក្រៅរដ្ឋាភិបាលដែលមានជំនាញផ្នែកបោះឆ្នោត និងតំណាងសហគមន៍អន្តរជាតិ ចូលរួមក្នុងគណកម្មការចម្រុះនោះ គឺបានឆ្លុះបញ្ចាំងពីទិដ្ឋភាព៣ ។
ទី១ គឺដើម្បីបង្ហាញថា ជ័យជំនះដែលទទួលបានពីការបោះឆ្នោតត្រឹម ៦៧ ឬ៦៨អាសនៈនេះ គឺជាជ័យជំនះដោយបរិសុទ្ធ ហើយដែលកើតចេញពីឆន្ទៈរបស់រាស្ត្រហើយវាជាការលាងជម្រះ ភាពមន្ទិលទាំងឡាយ ក្នុងអារម្មណ៍របស់សហគមន៍អន្តរជាតិ បណ្តាអង្គទូតនានា និងអង្គការសង្គមស៊ីវិល ចំពោះភាពមិនប្រកត្រីទាំងឡាយដែលត្រូវបានលើកឡើងដោយគណបក្សប្រឆាំង ។
ទី២ គឺជាបង្ហាញនូវឆន្ទៈនយោបាយក្នុងការដោះស្រាយបញ្ហាជាតិជូនប្រជាជាតិកម្ពុជា និងសហគមន៍អន្តរជាតិ ។
ទី៣ គឺជាការជាន់កែងលោកសម រង្ស៊ី អោយបញ្ចេញក្រឡាសាចុងក្រោយនៃការបញ្ឆេះកំហឹងអោយផ្ទុះបាតុកម្មមហាជន ដើម្បីផ្តួលរំលំរដ្ឋាភិបាលដែលស្របច្បាប់ និងមានការទទួលស្គាល់ពីសហគមន៍អន្តរជាតិ ។
សន្លឹកអាត់ចុងក្រោយនេះ ប្រហែលជានឹងធ្វើអោយលោកសម រង្ស៊ី ស្ថិតនៅក្នងភាពឯកោ ដោយអស់ចិត្ត តែបើលោកសម រង្ស៊ី នៅតែលោតចូលក្នុងច្រករបស់លោកទៀត នោះនៅទីបំផុត គឺ៖ «សេះផាយទៅៗ ទៅតែសេះហើយ!» ឬមួយក៏ធ្វើអោយលោកសម រង្ស៊ី ងាកមកសម្របសម្រួលជាមួយសម្តេចតេជោ ហ៊ុន សែន វិញ ដោយសារតែទម្ងន់គាំទ្រផ្នែកការទូតពីអន្តរជាតិនៅខាងសម្តេចតេជោ និងគណបក្សប្រជាជនកម្ពុជា ច្រើនជាអតិបរមាជាងខាងលោកសម រង្ស៊ី ៕
នៅបន្ទាប់ពីការបោះឆ្នោត គឺនៅក្រោយពីឃើញការចេញលទ្ធផលបឋមដោយ គ.ជ.ប និងអង្គការឃ្លាំមើលការបោះឆ្នោតដោយសេរី ត្រឹមត្រូវ និងយុត្តិធម៌នៅកម្ពុជា (Comfrel) ដោយបង្ហាញថា គណបក្សប្រជាជនកម្ពុជាឈ្នះឆ្នោត ហើយគណបក្សសង្គ្រោះជាតិឈរនៅលំដាប់លេខរៀងទី២ គឺគណបក្សសង្គ្រោះជាតិបានចាប់ផ្តើមប្រកាសទាមទារអោយមានគណកម្មាចម្រុះដើម្បីត្រួតពិនិត្យភាពមិនប្រក្រតីនៃការបោះឆ្នោតកាលពីថ្ងៃទី២៨ កក្កដា ២០១៣ ។ ដំបូងឡើយ ខាងគណបក្សប្រជាជនកម្ពុជា មិនបានយល់ព្រមទេ ដោយសំអាងថា យន្តការដោះស្រាយ បញ្ហាដែលមានស្រាប់ ហើយស្របតាមច្បាប់បោះឆ្នោតរបស់កម្ពុជាផងនោះ គឺមានតែគ.ជ.ប និងក្រុមប្រឹក្សាធម្មនុញ្ញទេ ។ នៅពេលនោះខាងគណបក្សសង្គ្រោះជាតិបានប្រកាសអំពីគម្រោងការធ្វើមហាបាតុកម្មប្រឆាំងលទ្ធផលបោះឆ្នោត ។
លុះដល់ថ្ងៃទី២ ខែសីហា គណបក្សប្រជាជនកម្ពុជា បានបន្ទន់ឥរិយាបទ ដោយបានឯកភាពជាមួយគណបក្សប្រឆាំងគឺគណបក្សសង្គ្រោះជាតិបង្កើតគណកម្មការត្រីភាគីរវាងគណបក្សជាប់ឆ្នោតទាំងពីរ និងគ.ជ.ប ដើម្បីត្រួតពិនិត្យភាពមិនប្រក្រតីទាំងនោះ ។ មិនបានមួយថ្ងៃពេញលេញផង គណបក្សសង្គ្រោះជាតិបានដកខ្លួនថយចេញពីការចរចា ហើយប្រធានគណបក្ស នេះគឺលោកសម រង្ស៊ី បានព្រមានអំពីការធ្វើមហាបាតុកម្មនៅទូទាំងប្រទេស ។
លោករង្ស៊ី បានថ្លែងពន្យុះអោយប្រជាពលរដ្ឋកម្ពុជា នៅតាមបណ្តាខេត្ត និងរាជធានី ដែលគណបក្សសង្គ្រោះជាតិបានឈ្នះឆ្នោត ថាអោយត្រៀមខ្លួនធ្វើមហាបាតុកម្ម ដើម្បីបញ្ចប់អំណាចរបស់សម្តេចនាយករដ្ឋមន្ត្រីហ៊ុន សែន អោយខាងតែបាននៅឆ្នាំ២០១៣នេះ ។
សារនេះ ត្រូវបានគេស្តាប់ឭ និងមើលឃើញពេញពិភពលោក តាមរយៈប្រព័ន្ធផ្សព្វផ្សាយ ។ អ្នកស្តាប់ អ្នកអាន និងអ្នកទស្សនា បានវិនិច្ឆ័យថា សាររបស់លោកសម រង្ស៊ី គឺចង់ប្រើលេស នៃភាពមិនប្រក្រតី ដែលកើតចេញពីការបោះឆ្នោត ដើម្បីផ្តួលរំលំរបបគ្រប់គ្រងបច្ចុប្បន្ន ដែលឈ្នះឆ្នោត ។ ឈ្នះឆ្នោតត្រង់ថា សូម្បីតែអង្គការឃ្លាំមើលការបោះឆ្នោតដោយឯករាជ្យ ក៏បង្ហាញលទ្ធផលថា គណបក្សសង្គ្រោះជាតិទទួលបានតែពី៥៥ ទៅ៥៦ អាសនៈប៉ុណ្ណោះ នៅខណៈដែលគណបក្សប្រជាជនកម្ពុជាទទួលបានពី៦៧ ទៅ៦៨អាសនៈ ។
គណបក្សសង្គ្រោះជាតិ ទំនងជាគិតថា គណបក្សប្រជាជនកម្ពុជា មិនអាចដើរដល់ចំណុចមួយ ដែលថា មានការព្រមព្រៀងអោយមានការចូលរួមពីអង្គការក្រៅរដ្ឋាភិបាល ដែលមានជំនាញ ផ្នែកបោះឆ្នោត និងតំណាងសហគមន៍អន្តរជាតិនោះទេ ។ លក្ខខណ្ឌមួយនេះ ការពិតវាជាព្រនង់មួយសម្រាប់សំពងគណបក្សប្រជាជនកម្ពុជា អោយទទួលយកលក្ខខណ្ឌអ្វីម្យ៉ាង ឬច្រើនយ៉ាង ។
លក្ខខណ្ឌទី១ គឺការបែកចែកអំណាច នៅក្នងស្ថាប័ននីតិបញ្ញត្តិ ឬអាចឈានទៅរកការបែកចែកអំណាចនៅក្នុងស្ថាប័ននីតិប្រតិបត្តិ ។ ឯលក្ខខណ្ឌទី២ គឺចំពោះករណីលោកសម រង្ស៊ី ផ្ទាល់ ព្រោះថា រឿងលោកសម រង្ស៊ី បើទោះជាក្នុងកាលៈទេសៈណាក៏ដោយ ចរចាបង្កើតរដ្ឋាភិបាលចម្រុះក៏ដោយ សភាចម្រុះក៏ដោយ ក៏លោកសម រង្ស៊ី គ្មានចំណែកនៅក្នុងនោះដែរ ព្រោះថា អាសនៈលំដាប់លេខរៀងទី១របស់លោកនៅខេត្តកំពង់ចាម ត្រូវបានជំនួសដោយលោក កឹម សុខា ទៅហើយ ។ តាមច្បាប់រដ្ឋធម្មនុញ្ញក្តី ច្បាប់បោះឆ្នោតក្តី បេក្ខជនប្រធានសភា អនុប្រធានសភា នាយករដ្ឋមន្ត្រី ឬឧបនាយករដ្ឋមន្ត្រី ក៏សុទ្ធតែបោះឆ្នោតជ្រើសចេញពីតំណាងរាស្ត្រដែលជាប់ឆ្នោត ។
អញ្ចឹងហើយ បានជាជំហររបស់លោកសម រង្ស៊ី ខុសពីជំហររបស់លោក កឹម សុខា លោកយ៉ែម បុញ្ញរិទ្ធ លោកយឹម សុវណ្ណ លោកសុន ឆៃ និងបេក្ខជនសភាជាប់ឆ្នោតឯទៀត ។
នៅពេលថ្លែងទៅកាន់ហ្វូងអ្នកគាំទ្រ លោកកឹម សុខា លោកយ៉ែម បុញ្ញរិទ្ធ លោកយឹម សុវណ្ណ លោកសុន ឆៃ និយាយអំពីការធ្វើមហាបាតុកម្ម ដោយភ្ជាប់មកនូវលក្ខខណ្ឌចាំបាច់មួយ ដែលថា មហាបាតុកម្មនេះផ្ទុះឡើង ក្នុងករណីភាពមិនប្រក្រតីនៃការបោះឆ្នោត មិនត្រូវបានដោះស្រាយតាមយន្តការដែលគណបក្សសង្គ្រោះជាតិបានស្នើឡើង ។
ចំណែកលោក សម រង្ស៊ី វិញ អ្វីដែលសំខាន់សម្រាប់លោក គឺការផ្លាស់ប្តូររបបដឹកនាំបច្ចុប្បន្នទាំងស្រុង នៅឆ្នាំ២០១៣។ ហេតុអ្វី? ព្រោះថា លទ្ធផលបោះឆ្នោតនៃឆ្នាំ២០១៣នេះ មិនបាន ផ្តល់ផលប្រយោជន៍ផ្ទាល់ខ្លួនអ្វីដល់លោកសម រង្ស៊ីឡើយ ។ ច្បាប់រដ្ឋធម្មនុញ្ញ និងច្បាប់បោះឆ្នោត សុទ្ធតែមិនអាចជួយកែខៃស្ថានភាពរបស់លោកបាន ។ ហេតុនេះ លោកត្រូវនៅរង់ចាំ៥ឆ្នាំទៀត ដែលនឹងធ្វើអោយវ័យរបស់លោកឈានចូល៧០ឆ្នាំ ។ ហេតុនេះហើយ បានជាលោកសម រង្ស៊ី ចេះតែមានប្រសាសន៍ថា មិនអាចអោយឪកាសមាសនេះ រំលងផុតទេ គឺឪកាសប្រើកម្លាំងមហាជនដើម្បីផ្លាស់ប្តូររបប។
សរុបសេចក្តីមក គណបក្សសង្គ្រោះជាតិ កំពុងដើរដល់ផ្លូវបំបែកជាពីរ ពោលគឺធ្វើបាតុកម្មមហាជនដើម្បីផ្តួលរំលំអំណាចរដ្ឋបច្ចុប្បន្ន ដើម្បីប្រយោជន៍លោកសម រង្ស៊ី ក្លាយជានាយករដ្ឋមន្ត្រី និងការចូលរួមតុចរចា ដើម្បីផលប្រយោជន៍ប្រជាជាតិកម្ពុជាទាំងមូល តាមទស្សនាទានរបស់សមាជិកគណកម្មាធិការនាយកភាគច្រើនរបស់គណបក្សសង្គ្រោះជាតិ ឬមួយប្រើប្រាស់ផ្លូវទី២នេះ ដើម្បីចរចាជាមួយគណបក្សប្រជាជនកម្ពុជា បើកផ្លូវអោយមានការផ្តល់ឪកាសអោយលោក សម រង្ស៊ីផង ។
ជម្រើសទី១ តាមសេនារីយ៉ូរបស់លោក សម រង្ស៊ី ទំនងជាទៅមិនរួចទេ ព្រោះវាជាការប្រថុយប្រថានមួយ ពោលគឺអាចទទួលជ័យជំនះ ដោយការប្រឈមមុខកាប់សម្លាប់គ្នារវាងបាតុករ និងបាតុករ ឬមួយឈានទៅដល់ការរំលំរលាយរចនាសម្ព័ន្ធរបស់បក្សប្រឆាំងទាំងស្រុងនៅពេលបដិវត្តមិនបានសម្រេច ដែលនេះផ្ទុយពីផលប្រយោជន៍ដែលលោកកឹម សុខា និងបេក្ខជនសភា ជាប់ឆ្នោតទាំង៥៥ ឬ៥៦នាក់ ចង់បាន និងត្រូវទទួលបាន។
ជម្រើសទី២ គឺការចរចាស្វែងរកភាពស្រុះស្រួលគ្នា អាចនឹងនាំអោយគណបក្សប្រឆាំងមួយនេះ ចាក់ឬសចាក់គល់ក្នុងស្រទាប់ប្រជាជន កាន់តែជ្រៅ ដែលនឹងឈានទៅរកការដណ្តើមអំណាចស្របច្បាប់បានទាំងស្រុងនៅអាណត្តិក្រោយៗ សមនិងពាក្យចាស់បូរាណពោលថា៖ «សន្សឹមៗ កុំបំបោល ក្រែងពុំដល់ដូចប្រាថ្នា»។
សម្រាប់គណបក្សប្រជាជនកម្ពុជា សន្លឹកអាត់ចុងក្រោយនេះ គឺការឯកភាពអោយមានអង្គការក្រៅរដ្ឋាភិបាលដែលមានជំនាញផ្នែកបោះឆ្នោត និងតំណាងសហគមន៍អន្តរជាតិ ចូលរួមក្នុងគណកម្មការចម្រុះនោះ គឺបានឆ្លុះបញ្ចាំងពីទិដ្ឋភាព៣ ។
ទី១ គឺដើម្បីបង្ហាញថា ជ័យជំនះដែលទទួលបានពីការបោះឆ្នោតត្រឹម ៦៧ ឬ៦៨អាសនៈនេះ គឺជាជ័យជំនះដោយបរិសុទ្ធ ហើយដែលកើតចេញពីឆន្ទៈរបស់រាស្ត្រហើយវាជាការលាងជម្រះ ភាពមន្ទិលទាំងឡាយ ក្នុងអារម្មណ៍របស់សហគមន៍អន្តរជាតិ បណ្តាអង្គទូតនានា និងអង្គការសង្គមស៊ីវិល ចំពោះភាពមិនប្រកត្រីទាំងឡាយដែលត្រូវបានលើកឡើងដោយគណបក្សប្រឆាំង ។
ទី២ គឺជាបង្ហាញនូវឆន្ទៈនយោបាយក្នុងការដោះស្រាយបញ្ហាជាតិជូនប្រជាជាតិកម្ពុជា និងសហគមន៍អន្តរជាតិ ។
ទី៣ គឺជាការជាន់កែងលោកសម រង្ស៊ី អោយបញ្ចេញក្រឡាសាចុងក្រោយនៃការបញ្ឆេះកំហឹងអោយផ្ទុះបាតុកម្មមហាជន ដើម្បីផ្តួលរំលំរដ្ឋាភិបាលដែលស្របច្បាប់ និងមានការទទួលស្គាល់ពីសហគមន៍អន្តរជាតិ ។
សន្លឹកអាត់ចុងក្រោយនេះ ប្រហែលជានឹងធ្វើអោយលោកសម រង្ស៊ី ស្ថិតនៅក្នងភាពឯកោ ដោយអស់ចិត្ត តែបើលោកសម រង្ស៊ី នៅតែលោតចូលក្នុងច្រករបស់លោកទៀត នោះនៅទីបំផុត គឺ៖ «សេះផាយទៅៗ ទៅតែសេះហើយ!» ឬមួយក៏ធ្វើអោយលោកសម រង្ស៊ី ងាកមកសម្របសម្រួលជាមួយសម្តេចតេជោ ហ៊ុន សែន វិញ ដោយសារតែទម្ងន់គាំទ្រផ្នែកការទូតពីអន្តរជាតិនៅខាងសម្តេចតេជោ និងគណបក្សប្រជាជនកម្ពុជា ច្រើនជាអតិបរមាជាងខាងលោកសម រង្ស៊ី ៕
ប្រភពពី Free Press Magazine
