តៃកុងនិងព្រូ រថយន្ដក្រុមហ៊ុន ដឹកអ្នកដំណើរ រិទ្ធិមុនីថ្លើមធំ ប្រើដំបងទីប ដាវសាំមូរ៉ៃ ប៉ុនប៉ងមនុស្សឃាត លើមន្ដ្រីកង រាជអាវុធហត្ថ
លើមន្ដ្រីកងរាជអាវុធហត្ថកាលពីវេលា ម៉ោង១០និង៣០នាទីយប់ថ្ងៃទី១១ ខែ សីហា ឆ្នាំ២០១៣ ។
ការប្រើអំពើហិង្សាប្រើប្រាស់ដំបង ទីបនិងដាវសាំមូរ៉ៃធ្វើជាមធ្យោបាយប៉ុនប៉ង មនុស្សឃាតមកលើមន្ដ្រីកងរាជអាវុធ ហត្ថបង្កឡើងដោយតៃកុងនិងព្រូរថយន្ដ ក្រុមហ៊ុនដឹកអ្នកដំណើររិទ្ធិមុនីបានកើត ឡើងនៅកំណាត់ផ្លូវជាតិលេខ៥ ស្ថិត ក្នុងភូមិអន្លង់ត្នោត ឃុំលង្វែក ស្រុក កំពង់ត្រឡាច ខេត្ដកំពង់ឆ្នាំង ។
សមត្ថកិច្ចបានឱ្យដឹងថា ជនសង្ស័យ ដែលត្រូវឃាត់ខ្លួនមានឈ្មោះ ១-សៀង តូច អាយុ២៨ឆ្នាំ ជនជាតិខ្មែរ មុខរបរ អ្នកបើកបររថយន្ដក្រុមហ៊ុនដឹកអ្នកដំណើរ រិទ្ធិមុនី រស់នៅភូមិរ៉ា ឃុំសំរ៉ុង ស្រុក វាលរេញ ខេត្ដព្រះសីហនុ, ២-ឈ្មោះ ឡាច វាសនា អាយុ២៥ឆ្នាំ ជនជាតិខ្មែរ មុខរបរព្រូរថយន្ដក្រុងខាងលើ រស់នៅ ភូមិថ្នល់បត់ ឃុំឫស្សីត្រាំង ស្រុកមោង ឫស្សី ខេត្ដបាត់ដំបង ។
សមត្ថកិច្ចបានឱ្យដឹងទៀតថា មុន ពេលកើតហេតុគេបានឃើញរថយន្ដ ក្រុមហ៊ុនដឹកអ្នកដំណើរធ្វើដំណើរពីរាជ ធានីភ្នំពេញឆ្ពោះទៅកាន់ក្រុងប៉ោយប៉ែត តាមបណ្ដោយផ្លូវជាតិលេខ៥ លុះដល់ ចំណុចកើតហេតុស្ថិតក្នុងភូមិអន្លង់ត្នោត ឃុំលង្វែក ស្រុកកំពង់ត្រឡាច មុខស្នាក់ ការសន្ដិសុខ៥០០ ក៏ស្រាប់តែមានមន្ដ្រី កងរាជអាវុធហត្ថម្នាក់ដែលប្រចាំការ នៅស្នាក់ការខាងលើបានយកកំប៉ុងស្រា បៀរបោះទៅលើថ្នល់កាលពីវេលាម៉ោង ១០និង២០នាទីយប់ថ្ងៃទី១១ ខែសីហា ឆ្នាំ២០១៣ ហើយរថយន្ដក្រុងក៏បើកកិន ផ្ទុះហើយជនបង្កពេលឃើញហេតុការណ៍ខាងលើនេះក៏បានឈប់រថយន្ដ រួចទាញ យកដំបងទីបនិងដាវសាំមូរ៉ៃដេញកាប់ និងវាយទៅលើឈ្មោះ សេង ធារ៉ារិទ្ធិ ភេទប្រុស អាយុ៣៥ឆ្នាំ ជាមន្ដ្រីកងរាជ អាវុធហត្ថ ហើយប្រើកំប៉ុងស្រាបៀរ បោះទៅលើថ្នល់នោះដេញតាមកាប់ និង វាយរត់ចម្ងាយជិត១០០ម៉ែត្រពីកន្លែង រថយន្ដបើកជាន់កំប៉ុងស្រាបៀរ ប៉ុន្ដែ ដោយមានការជួយអន្ដរាគមន៍ពីសមត្ថកិច្ចនៅទីនោះ ទើបមន្ដ្រីកងរាជអាវុធ ហត្ថរងគ្រោះរួចផុតពីគ្រោះថ្នាក់ ។
សមត្ថកិច្ចបានបន្ដថា បន្ទាប់ពីជន ដៃដល់ទាំង២ប្រើប្រាស់ដំបងទីប និង ដាវសាមូរ៉ៃជាមធ្យោបាយប៉ុនប៉ងមនុស្ស ឃាតមកលើមន្ដ្រីកងរាជអាវុធហត្ថ សមត្ថកិច្ចក៏បានឃាត់ខ្លួនរួមទាំងវត្ថុ តាងមានដំបងទីប ដាវសាមូរ៉ៃ និង រថយន្ដក្រុងបញ្ជូនទៅកាន់ទីបញ្ជាការដ្ឋាន កងរាជអាវុធហត្ថខេត្ដ ។
លោក រស់ វុទ្ធា ប្រធានស្នាក់ការ សន្ដិសុខ៥០០បានឱ្យដឹងថា ករណីនេះ កម្លាំងកងរាជអាវុធហត្ថបានឃាត់ខ្លួន ជនបង្ករួចហើយ ដូច្នេះសូមទាក់ទងទៅ សមត្ថកិច្ចកងរាជអាវុធហត្ថ ព្រោះលោក កំពុងជាប់រវល់បេសកកម្ម ។
លោក សូរិន្ទ ធីរ៉ាវុឌ្ឍិន មេបញ្ជាការ រងកងរាជអាវុធហត្ថខេត្ដបានឱ្យដឹងថា ជនបង្កដែលជាតៃកុង និងព្រូរថយន្ដដឹក អ្នកដំណើរក្រុមហ៊ុន រិទ្ធិមុនី បើតាម លោកដឹងនឹងត្រូវបញ្ជូនខ្លួនទៅកាន់ សាលាដំបូងខេត្ដនៅព្រឹកនេះ ដើម្បីចាត់ ការតាមនីតិវិធី ។ ប៉ុន្ដែករណីនេះត្រូវ បានមន្ដ្រីកងរាជអាវុធហត្ថអះអាងថា ខាងការិយាល័យព័ត៌មានទូទៅនៃកងរាជ អាវុធហត្ថខេត្ដ គឺលោក តូច ជឿន ក៏ បានធ្វើរបាយការណ៍លម្អិតផងដែរជូន ដល់ថ្នាក់លើ ។ អ្នកដំណើរក្ន្នុងរថយន្ដ ក្រុងនេះប្រមាណជា៣នាក់បានធ្វើសាក្សី ឆ្លើយបំភ្លឺជូនសមត្ថកិច្ចផងដែរពាក់ព័ន្ធ តៃកុង និងព្រូរថយន្ដប្រើដំបងទីប និង ដាវសាមូរ៉ៃដេញវាយនិងកាប់មន្ដ្រីកង រាជអាវុធហត្ថ ។
គួររំលឹកថា ក្រុមហ៊ុនដឹកអ្នកដំណើរ រិទ្ធិមុនី កន្លងទៅបង្កបាតុភាពជាច្រើន ករណី ជាពិសេសបញ្ហាគ្រោះថ្នាក់ចរាចរ ដែលមានមនុស្សជាច្រើនបានស្លាប់ និង រងរបួស បង្កឡើងដោយរថយន្ដក្រុងខាង លើនេះបើកបុក ខណៈដែលអ្នកបើកបរ មិនគោរពច្បាប់ចរាចរណ៍ ធ្វេសប្រហែស និងបើកក្នុងល្បឿនលឿនលើសពីច្បាប់ កំណត់ ។ មិនតែប៉ុណ្ណោះអ្នកដំណើរដែល ធ្លាប់ជិះក្នុងរថយន្ដក្រុងនេះក៏លើកឡើង ផងដែរពីការភ័យព្រលឹងចុងសក់ពេល ឃើញតៃកុងរថយន្ដភាគច្រើនជាក្មេង ស្ទាវក៏ដូចជាផឹកគ្រឿងស្រវឹងជាដើម ។ ពិសេសមានករណីដឹកបង្កប់ទំនិញគេច ពន្ធ បន្ទាប់ពីមានខ្នងបង្អែក ហើយបញ្ហា គ្រោះថ្នាក់ចរាចរគ្មានការទទួលខុសត្រូវ ទៀតផង ។
សមត្ថកិច្ចលើកឡើងថា រថយន្ដដឹក អ្នកដំណើរក្រុមហ៊ុនរិទ្ធិមុនី ដែលមាន ភាពធូររលុង ឬក៏មានចេតនាឱ្យបុគ្គលិក របស់ខ្លួនយកដំបងទីប ដាវសាមូរ៉ៃទុក ក្នុងរថយន្ដសម្រាប់ប្រើប្រាស់ជាមធ្យោ បាយផ្សេងៗ ប្រព្រឹត្ដបទល្មើសទុច្ចរិត គឺ ជាអំពើខុសច្បាប់ ហើយបញ្ហានេះសមត្ថ កិច្ចគួរមានវិធានការត្រួតពិនិត្យឱ្យបាន ម៉ឺងម៉ាត់ ចៀសវាងបង្កើតភាពអនា ធិបតេយ្យនៃអំពើហិង្សាណាមួយ ខណៈ ពួកគេមានចេតនាទុច្ចរិត ។
នគរវត្ដមិិនអាចទាក់ទងបានទេពី តំណាងក្រុមហ៊ុនដឹកអ្នកដំណើររិទ្ធិមុនី កាលពីព្រឹកថ្ងៃទី១៣ ខែសីហា ឆ្នាំ២០១៣ ដោយគ្មានលេខទូរស័ព្
________________________________
ប្រភពពីនគរវត្ត
