ឈាមស្រែក ស្បែកហៅបាញ់ សម្លាប់មនុស្ស បានប៉ុន្មានម៉ោង ត្រូវសមត្ថកិច្ច ក្របួចបាន
ខេត្ដកំពង់ស្ពឺ ៖ បុរសវ័យចំណាស់ ម្នាក់មានមុខរបរលក់ដូរអីវ៉ាន់ចាប់ហួយ ត្រូវឃាតករមិនស្គាល់មុខបាញ់១គ្រាប់ ត្រង់ក្បាលបណ្ដាលឱ្យប្រកាច់ស្លាប់ភ្លាមៗ ក្នុងថ្លុកឈាម បន្ទាប់មកឃាតកបានរត់ គេចខ្លួនបាត់ ។
ករណីឃាតកម្មយ៉ាងសាហាវនេះ បានកើតឡើង កាលពីវេលាម៉ោង៨និង ៣០នាទីយប់ ថ្ងៃទី១២ ខែសីហា ឆ្នាំ២០១៣ នៅក្នុងភូមិទី២(ចន្ទបុរី) ឃុំត្រែងត្រយឹង ស្រុកភ្នំស្រួច ខេត្ដកំពង់ស្ពឺ ។
ប្រភពពីសមត្ថកិច្ចស្រុកភ្នំស្រួចដែល ដកស្រង់សម្ដីប្រពន្ធជនរងគ្រោះបានរាយ ការណ៍ថា ជនរងគ្រោះក្នុងករណីបាញ់ សម្លាប់គ្មានញញើតដៃពីសំណាក់ជនដៃ ដល់ជាឃាតកនេះមានឈ្មោះ សាន់ សឿង ភេទប្រុស អាយុ៦៧ឆ្នាំ ជនរងគ្រោះជា ជនពិការដៃស្ដាំ មានមុខរបរជាអ្នកលក់ ដូរបន្ដិចបន្ដួចនៅផ្ទះរបស់គាត់ផ្ទាល់ ។
ប្រភពដដែលបានបន្ដថា មុនពេលកើតហេតុមានបុរសពីរនាក់បានមក ស្រែកហៅដាស់ជនរងគ្រោះដើម្បីរក ទិញស្រាបៀរកន្លះកេស ។ បន្ទាប់ពីបាន ស្រាបៀរហើយជនដៃដល់បានឱ្យលុយ ចំនួន២០ដុល្លារ និងទាររកសាច់ក្លែម បង្គ្រប់លុយ។ នៅពេលប្រពន្ធជនរងគ្រោះ ដើរចូលក្នុងតូបស្រាប់តែឮសូរសំឡេង អាវុធផ្ទុះផូង។ ភ្លាមនោះប្រពន្ធជនរង គ្រោះងាកមកមើលប្ដី ឃើញប្ដីរបស់ គាត់ដួលផ្កាប់មុខស្លាប់ក្នុងថ្លុកឈាមបាត់ ទៅហើយ ។
ប្រភពខាងលើបានបញ្ជាក់ទៀតថា នៅកន្លែងកើតហេតុសមត្ថកិច្ចរកឃើញ សំបកគ្រាប់ម៉ាកកា៥៩(គ្រាប់ច្នៃ)ហើយ ករណីនេះត្រូវបានគេសង្ស័យថាបណ្ដាល មកពីរឿងគំនុំព្រោះជនសង្ស័យមិនបាន ប្លន់យកទ្រព្យសម្បត្ដិអ្វីទាំងអស់ក្រោយពី បាញ់រួចបានរត់គេចខ្លួនបាត់ស្រមោល ។
ក្រោយកើតហេតុសមត្ថកិច្ចបានចុះ ស្រាវជ្រាវយ៉ាងយកចិត្ដទុកដាក់បំផុត ដើម្បីកំណត់មុខសញ្ញាឃាតកដៃដល់ ដែលបានបាញ់សម្លាប់មនុស្សដូចបាញ់ សត្វចាបគ្មានញញើតដៃយកទៅផ្ដន្ទា ទោសតាមផ្លូវច្បាប់ ។
លោកអនុសេនីយ៍ទោទិត្យ វណ្ណៈ នាយ ការិយាល័យស្រាវជ្រាវបទល្មើសព្រហ្ម ទណ្ឌកងរាជអាវុធហត្ថខេត្ដបានឱ្យដឹងថា ដោយបានទទួលបទបញ្ជាពីលោកឧត្ដម សេនីយ៍ត្រី ម៉ែន ស៊ីប៊ន មេបញ្ជាការ កងរាជអាវុធហត្ថខេត្ដ រូបលោកបានដឹក នាំកម្លាំងសហការជាមួយមន្ដ្រីនគរបាល ជំនាញចុះធ្វើការស្រាវជ្រាវ ព្រមទាំង សហការជាមួយសមត្ថកិច្ចខេត្ដកំពត ហើយជាលទ្ធផលសមត្ថកិច្ចខេត្ដកំពត ឃាត់បានជនសង្ស័យចំនួន២នាក់ដែល មានភិនភាគដូចប្រពន្ធជនរងគ្រោះ រាយការណ៍ប្រាប់សមត្ថកិច្ច នៅភូមិ កំពង់បាយខាងត្បូង សង្កាត់កំពង់បាយ ក្រុងកំពត ។
ប្រភពពីសមត្ថកិច្ចខេត្ដកំពតបាន ទម្លាយឱ្យដឹងថា ជនសង្ស័យទាំង២នាក់ ម្នាក់ឈ្មោះរស់ ពេជ្រ ហៅហុក អាយុ៣៤ ឆ្នាំ និងម្នាក់ទៀតឈ្មោះ ទ្រី គន្ធរ ជាអតីត កីឡាករប្រដាល់ អាយុ៣០ឆ្នាំ អ្នកទាំងពីរ ពុំមានទីលំនៅពិតប្រាកដទេ ។ ប្រភព បន្ដថា សមត្ថកិច្ចដកហូតបានកាំភ្លើងខ្លី មួយដើមម៉ាកកា៥៩ និងគ្រាប់ច្នៃ១៤ គ្រាប់ គឺក្នុងបង់៦គ្រាប់ និងច្រកថង់ ៨គ្រាប់ ។
នៅចំពោះមុខសមត្ថកិច្ចជនសង្ស័យ ឈ្មោះ ទ្រី គន្ធរ ឆ្លើយសារភាពថា រូបគេ មិនបានបាញ់ជនរងគ្រោះនោះទេ គឺគ្នា គេម្នាក់ទៀតជាអ្នកបាញ់ជនរងគ្រោះ ។ ជនសង្ស័យបន្ដថា ក្រោយធ្វើសកម្មភាព ហើយ ពួកគេបានជិះម៉ូតូម៉ាកអេសអិល គេចខ្លួនទៅខេត្ដកំពត ក៏ត្រូវសមត្ថកិច្ច ឃាត់ខ្លួនបានតែម្ដង ។ នៅមិនទាន់មានប្រភពណាមួយអះ អាងថា តើករណីឃាតកម្មនេះបណ្ដាលមក ពីបញ្ហាអ្វីនោះទេតែសមត្ថកិច្ចបានដាក់ ការសង្ស័យជំហានដំបូងថាជាករណីគំនុំ។
ប្រភពពីមន្ដ្រីនគរបាលឱ្យដឹងថា ក្រោយសមត្ថកិច្ចខេត្ដកំពតធ្វើសន្និសីទ កាសែតរួចរាល់នឹងបញ្ជូនជនសង្ស័យ ទាំងពីរមកកាន់ខេត្ដកំពង់ស្ពឺដែលជា ម្ចាស់ករណីចាត់ការបន្ដ ។ តាមប្រភពព័ត៌មានដោយឡែកមួយ ទៀត បានឱ្យបង្ហើបឱ្យដឹងថា កន្លងមកជន រងគ្រោះធ្លាប់មានទំនាស់ដីធ្លីជាមួយអ្នកដទៃ ហើយជនសង្ស័យក្នុងករណីឃាត កម្មលើជនរងគ្រោះ ដែលសមត្ថកិច្ចខេត្ដ កំពតចាប់បាននេះ អាចជាឃាតកស៊ីឈ្នួល បាញ់សម្លាប់ដើម្បីជាថ្នូរនឹងទឹកប្រាក់ប៉ុណ្ណោះ ៕
_______________________________
ប្រភពព័ត៌មានពី៖ នគវត្ត
ប្រភពព័ត៌មានពី៖ នគវត្ត
