មិត្ដភក្ដិហៅ ទៅផឹកស៊ីរួចចាប់ អារកសម្លាប់ប្លន់ យកទូរស័ព្ទអាយហ្វូន និងចិញ្ចៀនពេជ្រតម្លៃ១.២០០$
ខេត្ដស្វាយរៀង ៖ បុគ្គលិកបម្រើការនៅក្នុងគ្រឹះស្ថានមីក្រូហិរញ្ញវត្ថុស្ថាបនា លីមីតធីតម្នាក់ត្រូវជនដៃដល់ជាឃាតក ចាប់អារកសម្លាប់ប្លន់យកទូរស័ព្ទម៉ាក អាយហ្វូន និងចិញ្ចៀនពេជ្រមួយវង់តម្លៃ១.២០០ដុល្លារបង្កឱ្យមានការភ្ញាក់ផ្អើល កាលពីព្រឹកថ្ងៃទី១០ ខែសីហា ឆ្នាំ២០១៣ នៅមិនឆ្ងាយពីមុខផ្ទះជនរងគ្រោះ ស្ថិត ក្នុងភូមិតារាងបាល់ សង្កាត់គយត្របែក ក្រុង-ខេត្ដស្វាយរៀង ។ នេះបើយោង តាមការអះអាងរបស់ស្ដ្រី ចិន្ដា នី អាយុ ២៤ឆ្នាំជាភរិយារបស់ជនរងគ្រោះ ។
ស្ដ្រី ចិន្ដា នី បានឱ្យដឹងថា ប្ដីរបស់ នាងដែលត្រូវជនដៃដល់សម្លាប់មាន ឈ្មោះ ស៊ាន ប៊ុនស្រ៉ី អាយុ២៧ឆ្នាំ មាន មុខរបរជាបុគ្គលិកគ្រឹះស្ថានមីក្រូហិរញ្ញ វត្ថុស្ថាបនាលីមីតធីតប្រចាំនៅខេត្ដ ស្វាយរៀង ។ ប្រពន្ធជនរងគ្រោះបានឱ្យ ដឹងទៀតថា មុនពេលកើតហេតុនៅ វេលាម៉ោង៩យប់ថ្ងៃទី៩ ខែសីហា ឆ្នាំ ២០១៣ ប្ដីរបស់គាត់ដេកនៅក្នុងផ្ទះជា មួយគ្នារួមជាមួយនឹងកូនស្រីអាយុទើប ១៤ខែ ស្រាប់តែមានជនមិនស្គាល់មុខ បានទូរស័ព្ទហៅប្ដីរបស់នាងទៅផឹកស៊ីជាមួយគ្នា ។ បន្ទាប់មកក៏មានម៉ូតូមួយ គ្រឿងមកដឹកប្ដីគាត់ចេញពីផ្ទះ តែនាង ពុំបានឃើញមុខបុរសដែលមកដឹកប្ដីនោះទេ ។ លុះប្ដីគាត់ចេញទៅអស់រយៈ ពេលច្រើនម៉ោងនាងក៏ទូរស័ព្ទទៅរកប្ដី តែពុំមានអ្នកទទួលទូរស័ព្ទទេរហូតដល់ ម៉ោងជាង៣ទៀបភ្លឺគាត់ទូរស័ព្ទម្ដងទៀតតែពុំអាចទំនាក់ទំនងបានឡើយ ។
ប្រពន្ធជនរងគ្រោះបានបញ្ជាក់ថា នៅម៉ោង៦ព្រឹកថ្ងៃទី១០ ខែសីហា ឆ្នាំ ២០១៣ អ្នកភូមិម្នាក់បានរត់មកប្រាប់ ថា បានឃើញប្ដីគាត់ដេកស្លាប់នៅមិន ឆ្ងាយពីមុខផ្ទះដោយមានស្នាមអារក និងកាប់ជាច្រើនកន្លែង ។
ប្រពន្ធជនរងគ្រោះបានឱ្យដឹងដែរថា មុនពេលប្ដីគាត់ចេញពីផ្ទះបានប្រាប់ថា មិត្ដភក្ដិបានទូរស័ព្ទទៅចូលរួមកម្មវិធី ជួបជុំផឹកស៊ីមួយ ប៉ុន្ដែប្ដីគាត់មិនបាន បញ្ជាក់ថា ទៅកន្លែងណានោះទេ ។ នគរបាលបានឱ្យដឹងថា ជនរងគ្រោះ ត្រូវឃាតកកាប់នៅលើក្បាលចំនួន១១ កាំបិត និងអារផ្ដាច់បំពង់ក ហើយមាន ស្នាមខ្សែភ្លើងឆក់នៅជើងខាងស្ដាំទៀតផង ។
ចំពោះករណីឃាតកម្មដ៏ឃោឃៅ នេះសមត្ថកិច្ចបានប្រគល់សាកសពឱ្យ ក្រុមគ្រួសារប្រារឰធ្វើបុណ្យតាមប្រពៃណីហើយសមត្ថកិច្ចកំពុងស្វះស្វែងស្រាវ ជ្រាវរកជនដៃដល់ដើម្បីឃាត់ខ្លួនយក ទៅផ្ដន្ទាទោស ។ បើទោះបីជាសមត្ថកិច្ចនៅពុំទាន់ សន្និដ្ឋានជាក់លាក់ពីករណីឃាតកម្មទៅ លើបុរសរងគ្រោះក៏ដោយ មានកាលើក ឡើងថា ជនដៃដល់គឺជាមិត្ដភក្ដិនឹងជន រងគ្រោះ ព្រោះបើពុំមែនជាអ្នកជិតដិត ទេនោះគេ (ជនដៃដល់) មិនអាចមាន លេខទូរស័ព្ទជនរងគ្រោះ ហើយហៅចេញ ទៅផឹកស៊ីុទាំងយប់ព្រលប់បានឡើយ ៕
_________________________________
ប្រភពពីនគរវត្ត
