ក្រុមហ៊ុន Apple Inc កំពុង​ត្រៀម​ខ្លួន​ដាក់​បង្ហាញ​ធេបភ្លែត iPad ស៊េរី​ថ្មី​ដែលមាន​រាង​កាន់​តែ​ស្តើង ខណៈ​ក្រុមហ៊ុននេះ ព្យាយាម​រក្សា​តំណែង​កំពូល​នៅ​ក្នុង​ទីផ្សារ​កុំ​ព្យូទ័រ​ធេបភ្លែត​​កាន់​តែ​ចង្អៀត​​ នេះ​បើ​យើង​តាម​ប្រភព​ដែល​បាន​ដឹង​ពី​បញ្ហា​នេះ។

ប្រភព​ដដែល ដែល​បាន​ស្នើ​មិន​បង្ហាញ​អត្ត​សញ្ញាណ​ដោយ​សារ​ការ​អភិវឌ្ឍ​នេះ​គឺ​ជា​រឿង​ឯក​ជន​ បាន​បន្ត​ឲ្យ​ដឹង​ថា ក្រុមហ៊ុន​ Apple ក៏​គ្រោង​នឹង​ដាក់​បង្ហាញ​កុំ​ព្យូទ័រ iPad ខ្នាត​តូច​ស៊េរី​ថ្មី​ផង​ដែរ ពោល​គឺ​ជា​កុំ​ព្យូទ័រ​ iPad ខ្នាត​តូច​ដែល​មាន​អេក្រង់​ច្បាស់​ល្អ។ កុំ​ព្យូទ័រ​ iPad ម៉ូដែល​ថ្មីៗ​ទាំង​នេះ នឹង​ត្រូវ​ដាក់​បង្ហាញ​នៅ​ត្រីមាស​ទីបួន​ក្នុង​ឆ្នាំនេះ។

បន្ទាប់​ពី​មាន​ប្រជា​ប្រិយភាព​ក្នុង​ការ​ប្រើ​ប្រាស់​កុំ​ព្យូទ័រ​ធេបភ្លែត ដែល​បាន​ច្របាច់​បញ្ចូល​មុខ​ងារ​របស់​ទូរស័ព្ទទំនើប និង​កុំ​ព្យូទ័រ​យួរ​ដៃ​នៅ​លើ​អេក្រង់​ថាច់​ស្គ្រីន​មក ក្រុមហ៊ុន Apple កំពុង​ប្រឈម​នឹង​ការ​ប្រកួត​ប្រជែង​កាន់​តែ​ខ្លាំង​ពី​សំណាក់​ក្រុមហ៊ុន Google Inc ក្រុមហ៊ុន Samsung Electronics Co និង​ក្រុមហ៊ុន​ Asustek Computer Inc។

ចំណែក​ទីផ្សារ​របស់​ក្រុមហ៊ុន​ Apple បានធ្លាក់​ចុះ​មកនៅ​ត្រឹម ៣២,៤​ភាគ​រយ​នៅ​ត្រីមាស​ទីពីរ​ ធៀប​នឹង​ចំណែក​​ទីផ្សារ ៦០,៣​ភាគ​រយ​ក្នុង​រយៈ​ពេល​ដូចគ្នា​កាល​ពី​ឆ្នាំមុន នេះ​បើយោង​តាម​ក្រុម​ហ៊ុន​ស្រាវ​ជ្រាវ​ទីផ្សារ IDC។

សូមរង់ចាំអានព័ត៌មានពិស្តារក្នុងកាសែតភ្នំពេញប៉ុស្តិ៍