ផឹកស៊ីមិន ប្រមាណខ្លួន មិត្តភក្តិដឹក ចេញពីខារ៉ាអូខេ ទៅផ្ទះធ្លាក់ពីលើម៉ូតូ រងរបួសធ្ងន់
ខេត្តកំពង់ឆ្នាំង ៖ បុរសម្នាក់ផឹកស៊ី មិនប្រមាណខ្លួន ដល់ថ្នាក់ស្រវឹង ក្នុងហាងខារ៉ាអូខេ រហូតដល់បាត់បង់ស្មារតី ត្រូវបានមិត្តភក្តិជួយដឹកតាមម៉ូតូ នាំយកទៅផ្ទះតែចៃដន្យ បានធ្លាក់ពីលើម៉ូតូ បណ្តាលឲ្យរងរបួសធ្ងន់កាលពីវេលាម៉ោង ៧និង៤៥នាទី យប់ថ្ងៃទី១២ ខែសីហា ឆ្នាំ២០១៣ នៅតាមបណ្តោយ ផ្លូវជាតិលេខ៥ មុខរោងចក្រកាត់ដេរ ស្ថិតក្នុងភូមិទី៨ ខែសីហា ឆ្នាំ២០១៣ ។
នៅមុនពេលកើតហេតុ សមត្ថកិច្ចបានដើរល្បាត នៅក្នុងមូលដ្ឋាន ក៏ស្រាប់តែប្រទះឃើញបុរសម្នាក់ បានដេកដួលនិងរង របួសយ៉ាង ធ្ងន់ធ្ងរ សន្លប់ក្នុងថ្លុកឈាម បន្ទាប់ពីធ្លាក់ពីលើម៉ូតូ ហើយក៏បាន ហៅរថយន្តដឹកមកសង្គ្រោះ នៅមន្ទីរពេទ្យបង្អែក ខេត្តកំពង់ឆ្នាំង ។ ជនរងគ្រោះមានឈ្មោះ ព្រហ្ម ស្រ៊េង អាយុ៥៣ឆ្នាំ រស់នៅភូមិព្រែកទ្រព្យ ឃុំក្រាំងលាវ ស្រុករលាប្អៀរ ខេត្តកំពង់ឆ្នាំង ៕
ប្រភពពី វត្តភ្នំ
