Sony ប្រកាសចេញ សេវាកម្មស្វែង រកទូរស័ព្ទ ទំនើប Xperia
ក្រុមហ៊ុន Sony ទើបតែបានធ្វើការប្រកាសចេញនូវសេវាកម្មថ្មីរបស់គេដែលមានឈ្មោះថា Sony My Xperia Smartphone Recovery Service ដែលសេវាកម្មនេះត្រូវបានដាក់ឲ្យប្រើសម្រាប់អតិថិជនរបស់ Sony ទាំងអស់នៅជុំវិញសាកលលោកដើម្បីងាយស្រួលក្នុងការស្វែងរកទូរស័ព្ទទំនើបរបស់ពួកគេពេលបាត់ ឬពេលត្រូវចោរលួច ។
សេវាកម្ម Sony My Xperia Smartphone Recovery Service មានដំណើរការប្រហាក់ប្រហែលគ្នាទៅនឹងសេវាកម្ម ‘ Find My Phone ‘ របស់ក្រុមហ៊ុន Apple ដែរ ដូច្នេះគេត្រូវធ្វើការ actived សម្រាប់ទូរស័ព្ទនោះជាមុនសិនទើបអាចដំណើរការពេលក្រោយ ។
គុណសម្បត្តិដែលគេអាចទទួលពីសេវាកម្ម Sony My Xperia Smartphone Recovery Service ៖
- ធ្វើការបញ្ចេញសំឡេង alert ដើម្បីផ្ដល់ជាសញ្ញា អាចធ្វើការបញ្ជាលើទូរស័ព្ទពេលដាក់សំឡេងស្ងាត់ (silent mode) និងដាស់ display ឲ្យដំណើរការ
- ស្វែងរក Map location(ផែនទីសម្រាប់ទីតាំងដែលឧបករណ៍ស្ថិតនៅ) តាមរយៈ myxperia.sonymobile.com
- Lock (ចាក់សោ) ទូរស័ព្ទដើម្បីរក្សាឯកជនភាព និងភ្ជាប់សារ ជាមួយនឹង contact details….
- អាចធ្វើការ Erase (លុប) ទិន្នន័យទាំងនៅក្នុងអង្គផ្ទុកទិន្នន័យជាប់ទូរស័ព្ទ និង SD card របស់ទូរស័ព្ទ (បើចាំបាច់)
សូមបញ្ជាក់សម្រាប់សេវាកម្ម Sony My Xperia Smartphone Recovery Service គឺមានលក្ខណសម្បត្តិដូចគ្នាទៅនឹង ‘Find My iPhone’ របស់ក្រុមហ៊ុន Apple ដែរ ដូច្នេះទាល់តែឧបករណ៍នោះមានភ្ជាប់អ៊ីនធឺណិតទើបអាចដំណើរការបាន ។ សម្រាប់លោកអ្នកដែលចង់ចុះឈ្មោះប្រើនូវសេវាកម្មពិសេសពី Sony សូមធ្វើការចុះឈ្មោះដោយប្រើ Google ID របស់អ្នកជាមួយនឹង myxperia.sonymobile.com ៕
