តាចាស់ អាយុ ៩២ មកផ្អែម នារីអាយុ ស្មើចៅ
លោកតា Musali Mohammed al-Majumaie ជាមួយកូនក្រមុំអាយុ ២២ ឆ្នាំ Muna Mukhlif al-Juburi
បុរសចំណាស់អ៊ីរ៉ាក់ជាកសិករម្នាក់មានសំណាងសោយសុខស្នេហានៅអាយុចុងក្រោយជាមួយនារីវ័យក្មេងដែលមានអាយុតិចជាងលោករហូតដល់ ៧០ ឆ្នាំ។
លោកតា Musali Mohammed al-Majumaie បានរៀបការជាមួយកូនក្រមុំអាយុ ២២ ឆ្នាំឈ្មោះ Muna Mukhlif al-Juburi ក្រោយភរិយាទីមួយរបស់លោកស្លាប់បីឆ្នាំ។
ក្នុងពិធីរៀបអាពាហ៍ពិពាហ៍ដ៏កម្រមួយនេះចៅប្រុសរបស់បុរសចំណាស់ខាងលើចំនួនពីររូបដែលមានអាយុ ១៦ និង ១៧ ក៏ចាប់ដៃគូសង្សាររបស់ពួកគេរៀបការដំណាលគ្នាដែរ។
លោកតា Majumaie បាននិយាយប្រាប់សារព័ត៌មាន AFP ថា៖ “ខ្ញុំពិតជារីករាយជាខ្លាំងដែលបានរៀបការរួមគ្នាជាមួយចៅប្រុសទាំងពីររបស់ខ្ញុំ។ ខ្ញុំមានអារម្មណ៍ដូចកំពុងនៅអាយុ ២០ ឆ្នាំអីចឹង”។
ទិដ្ឋភាពថ្ងៃរៀបការលោកតា លោកតា Musali Mohammed al-Majumaie ជាមួយចៅប្រុសទាំងពីរ
បុរសវ័យ ៩២ ឆ្នាំ មានកូនចំនួន ១៦ នាក់ជាមួយភរិយាទីមួយ និងចិញ្ចឹមកូនៗនៅក្នុងភូមិ Gubban ដែលស្ថិតនៅភាគខាងត្បូងទីក្រុងភាគកណ្ដាលប្រទេសអ៊ីរ៉ាក់ Samara៕
