Pantech Vega No.6 និង Vega Q ចេញលក់នៅតៃវ៉ាន់
Pantech គឺជាក្រុមហ៊ុនផលិតគ្រឿងអេឡិចត្រូនិកធំលំដាប់ថ្នាក់លេខបី៣ ប្រចាំប្រទេសកូរ៉េខាងត្បូង បន្ទាប់ពីក្រុមហ៊ុន Samsung និង ក្រុមហ៊ុន LG ។ ដោយឡែកក្រៅពីការលក់ផលិតផលនៅក្នុងស្រុក ពេលនេះក្រុមហ៊ុន Pantech ក៏បានធ្វើការប្រកាសចេញលក់នូវទូរស័ព្ទថ្មី Vega No.6 និង Vega Q នៅក្រៅប្រទេសផងដែរ ។
Pantech Vega No.6 ជាទូរស័ព្ទទំនើបដំបូងរបស់ក្រុមហ៊ុន Pantech ដែលមានអេក្រង់ទំហំ 5.9-inch និងមានកម្រិតភាពច្បាស់ Full HD ។ ទូរស័ព្ទនេះត្រូវបានក្រុមហ៊ុនប្រកាសចេញកាលពីដើមឆ្នាំ២០១៣ និងត្រូវបានប្រកាសចេញលក់នៅក្នុងទីក្រុងហុងកុងកាលពីពេលថ្មីៗនេះ ដោយឡែកពេលនេះតៃវ៉ាន់ គឺជាទីផ្សារថ្មីមួយទៀតដែលក្រុមហ៊ុន Pantech ទើបប្រកាសចេញលក់នូវទូរស័ព្ទ Vega No.6 និងទូរស័ព្ទមិនជ្រាបទឹក Vega Q របស់ក្រុមហ៊ុន ។
លក្ខណសម្បត្តិរបស់ Pantech Vega No.6 ៖
- អេក្រង់ 5.9-inch
- កម្រិតភាពច្បាស់ Full HD 1920 x 1080 pixels
- កាមេរ៉ាមុខ 2MP ក្រោយ 13MP
- CPU 1.5GHz processor
- RAM 2GB
- អង្គផ្ទុកទិន្នន័យជាប់ម៉ាស៊ីនទំហំ 32GB
- មានបំពាក់ NFC
- ថាមពលថ្ម 3,140mAh
- ដំណើរការដោយ Android 4.1 Jelly Bean
- តម្លៃ19,900 TWD ($662.4)
លក្ខណសម្បត្តិរបស់ Pantech Vega Q ៖
- អេក្រង់ទំហំ 4.3-inch
- កម្រិតភាពច្បាស់ HD
- កាមេរ៉ា 8MP
- CPU dual-core 1.5GHz
- RAM 1GB
- អង្គផ្ទុកទិន្នន័យជាប់ម៉ាស៊ីនទំហំ 16GB
- ដំណើរការដោយ Android 4.1 Jelly Bean
- តម្លៃ 11,400 TWD ($379.47)
សូមបញ្ជាក់ថា ក្រៅពីចេញលក់នៅលើទីផ្សារហុងកុង និងតៃវ៉ាន់ ក្រុមហ៊ុន Pantech ក៏បានចេញលក់នូវទូរស័ព្ទរបស់គេនៅក្នុងទីផ្សារអាមេរិកផងដែរ ។ យ៉ាងណាមិញស្របពេលដែលក្រុមហ៊ុននេះកំពុងតែពង្រីកទីផ្សារបន្តិចម្ដងៗ តើ Pantech ដែលជាក្រុមហ៊ុនខ្នាតធំលំដាប់ថ្នាក់លេខ៣ នៅក្នុងស្រុករបស់ប្រទេសកូរ៉េខាងត្បូង អាចក្លាយជាក្រុមហ៊ុនល្បីៗដូចជាក្រុមហ៊ុន Samsung និង LG ទេទៅថ្ងៃអនាគត ?
