Galaxy S4 Zoom ជា​ទូរស័ព្ទ​ទំនើប​របស់​ក្រុមហ៊ុន Samsung ដែល​ត្រូវ​បាន​​បំពាក់​ដោយ​បច្ចេកវិទ្យា​​ថ្មី​​អាច​ធ្វើ​ការ​ថត​រូប zoom បាន​ 16x និង​មាន​ទំហំ​កាមេរ៉ា​ដល់​ទៅ 16MP ។ ​​ដោយ​ឡែក​​ទូរស័ព្ទ​ដ៏​ស្រស់​ស្អាត​ដែល​មាន​​​​​ជំនាញ​ខាង​ថត​រូប និង zoom នឹង​ត្រូវ​ក្រុមហ៊ុន Samsung ធ្វើ​ការ​​ចេញ​លក់​នៅ​លើ​ទីផ្សារ​នា​ថ្ងៃ​ទី៨ ខែ​កក្កដា​នេះ​ហើយ ។

​ទូរស័ព្ទ​ទំនើប Galaxy S4 Zoom ថ្វី​បើ​ស្ថិត​នៅ​ក្នុង​ស្រឡាយ​​ទូរស័ព្ទ Galaxy S4 ប៉ុន្តែ​ទូរស័ព្ទ​នេះ​មិន​មាន​បំពាក់​ដោយ​អេក្រង់​ទំហំ 5-inch ដែល​មាន​កម្រិត​ភាព​ច្បាស់ Full HD នោះ​ទេ តែ​ផ្ទុយ​មក​វិញ Galaxy S4 Zoom គឺ​ត្រូវ​បាន​បំពាក់​ដោយ​អេក្រង់​ទំហំ 4.3-inch qHD Super AMOLED display ​​ដែល​មាន​កម្រិត​ភាព​ច្បាស់​ 960×540 pixels តាម​លក្ខណសម្បត្តិ​នេះ​គឺ​ដូច​គ្នា​ទៅ​នឹង​លក្ខណសម្បត្តិ​​របស់​ទូរស័ព្ទ Galaxy S4 mini ​ដែរ ។ (អាន​លំអិត​ពី​លក្ខណសម្បត្តិ​របស់ Galaxy S4 Zoom !..)

សូម​បញ្ជាក់​ថា បើ​យោង​ទៅ​តាម​ប្រភព​ Clove ​ទូរស័ព្ទ​ទំនើប Galaxy S4 Zoom នឹង​ត្រូវ​​លក់​នៅ​​ក្នុង​ចក្រភព​អង់គ្លេស​ជា​មួយ​​​តម្លៃ​ប្រហែល £442.80 ($672.88) ដែល​នេះ​ជា​តម្លៃ​​​គិត​ទាំង​ពន្ធ ​ចំពោះ​តម្លៃ​មិន​ទាន់​គិត​ពន្ធ​គឺ​ប្រហែល £369 ($560.73) ។ ​គួរ​រំលឹក​ផង​ដែរ​ថា រាល់​ទីផ្សារ​ទូរស័ព្ទ​ទំនើប​ទាំង​អស់​ទីផ្សារ​នៅ​ក្នុង​ចក្រភព​អង់គ្លេស​គឺ​ជា​ទីផ្សារ​មួយ​ដែល​តែង​តែ​មាន​តម្លៃ​ថ្លៃ​ជាង​គេ​ ដូច្នេះ​​យើង​សង្ឃឹម​ថា ទូរស័ព្ទ​ Galaxy S4 Zoom ​នឹង​មានតម្លៃ​ទាប​ជាង​នេះ​នៅ​ពេល​ចូល​ដល់​ទីផ្សារ​កម្ពុជា ​។ ដោយ​ឡែក​​​បើ​យោង​​តាម​រយៈ​ការ​នាំ​ចូល​​នូវ​ផលិតផល​ Samsung ​​មក​ទីផ្សារ​កម្ពុជា​ ​យើង​អាច​និយាយ​បាន​ថា ទូរស័ព្ទ​ Galaxy S4 Zoom ក៏​ប្រហែល​ជា​នឹង​ត្រូវ​នាំ​ចូល​ក្នុង​ពេល​ឆាប់ៗ​ខាង​មុខ​ផង​ដែរ​ បន្ទាប់​ពី​ការ​ប្រកាស​ចេញ​លក់​នា​ថ្ងៃ​ទី៨ កក្កដា ២០១៣ ៕