Samsung អាចលក់ Galaxy S4 បានចំនួន ២០លានគ្រឿង
ក្រុមហ៊ុន Samsung បានបញ្ចេញទូរស័ព្ទទំនើប Galaxy S4 ប្រហែលពីរខែមកហើយ វាជាទូរស័ព្ទទំនើបរបស់ Samsung ដែលទទួលបានប្រជាប្រិយភាពខ្លាំងបំផុតនៅលើទីផ្សារនាពេលបច្ចុប្បន្ននេះ ។ បើយោងតាមរបាយការណ៍ថ្មីៗនេះបានឲ្យដឹងថាប្រធានផ្នែកទីផ្សារទូរស័ព្ទរបស់ Samsung លោក JK Shin បានបញ្ជាក់ថាក្រុមហ៊ុនបានលក់ Galaxy S4 សរុបចំនួន ២០លានគ្រឿងហើយ ។ សូមរំលឹកផងដែរថាកាលពីឆ្នាំ២០១២ កន្លងទៅក្រុមហ៊ុនត្រូវការពេល ១០០ថ្ងៃទើបអាចលក់ Galaxy SIII បានក្នុងចំនួនដូចគ្នានេះ នេះបើយោងតាមប្រភពពី SamMobile ។
លក្ខណសម្បត្តិបច្ចេកទេសរបស់ Galaxy S4 មានដូចខាងក្រោម៖
- អេក្រង់ទំហំ 5-inch
- បច្ចេកវិទ្យាអេក្រង់ Super AMOLED
- កម្រិតភាពច្បាស់ 1,920 x 1,080 pixels (Full HD)
- CPU Exynos 5 Octa (CPU របស់ក្រុមហ៊ុន Samsung ផ្ទាល់) និង Galaxy S4 ដែលបំពាក់ដោយ CPU Snapdragon 600 ដែលជា CPU របស់ក្រុមហ៊ុន Qualcomm ។
- RAM 2 GB
- អង្គផ្ទុកទិន្នន័យជាប់ម៉ាស៊ីនទំហំ 16 GB, 32 GB និង 64 GB (អាចបន្ថែម microSD card)
- កាមេរ៉ាមុខទំហំ 2 MP និង កាមេរ៉ាក្រោយទំហំ 13 MP
- ដំណើរការដោយប្រព័ន្ធប្រតិបត្តិការ Android 4.2.2 Jelly Bean
- ថាមពលថ្ម 2,600mAh
