“Happy Anniversary 4 year of our love ប្ដី សំលាញ់!!!”។ នេះ ជា ចំណងជើងធំៗ ដែល សោម៉ាវត្តី Post លើWall Facebook ព្រឹក ថ្ងៃ អាទិត្យ ទី ៧ កក្កដា នេះ។

Noteដែល សុខ សោម៉ាវត្តី Post លើFacebook

ឃ្លា នេះ បញ្ជាក់ ឲ្យ ឃើញ ថា អ្នកនាង វត្តី មាន ទំនាក់ទំនង ស្នេហា មុន ក្លាយ ជា ប្ដីប្រពន្ធ ជាមួយ លោក ទូច ដាណារ៉ា តាំង ពី ឆ្នាំ ២០១០ ម្ល៉េះ មុន នឹង ឈាន ដល់ ថ្ងៃ ក្រាបផ្ទឹម ចុងឆ្នាំ២០១២ កន្លងទៅ។

នៅ ក្នុង Note នៃ ខួប ៤ឆ្នាំ នៃ ក្ដី ស្រលាញ់ ដដែល នោះ អតីតពិធីការិនី​ទូរទស្សន៍​បាយ័ន បាន សរសេរ ទៀត ថា ក្ដីស្នេហា របស់ នាង បាន ហែល ឆ្លង នូវ ការឈ្លោះគ្នា អន់ចិត្ត  គិតច្រើន  ងង៉ក់ច្រើន យកតែចិត្តខ្លួនឯង និង ប្រចណ្ឌច្រើន ប៉ុន្តែ អ្វី ទាំងនេះ សុទ្ធ តែ កើត ចេញ ពី ក្ដីស្រលាញ់។

“អរគុណណាស់ ដែល បង ផ្ដល់ ការ ស្រលាញ់ និង ភាព កក់ក្ដៅ យ៉ាង លើសលប់ ឲ្យ អូន និង កូន។ ស្រលាញ់បង ស្រលាញ់កូន ស្រលាញ់គ្រួសារយើង…”។ អ្នកនាង វត្តីបន្ត។

អតីត​ពិធីការិនី​ទូរទស្សន៍​បាយ័ន អ្នក​នាង សុខ សោម៉ាវត្តី ទើប​សម្រាល​បាន​កូន​ស្រី​ម្នាក់​ទុក​ជា​ចំណង​ដៃ ក្រោយ​បាន​រៀប​អាពាហ៍ពិពាហ៍​ក្លាយ​ជា​កូន​ប្រសា​ស្រី​លោក​ ទូច ណារ៉ុថ អតីត​ស្នងការ​រាជធានី​ភ្នំពេញ កាល​ចុង​ខែ​វិច្ឆិកា ឆ្នាំ​២០១២​ កន្លង​ទៅ ដោយ មាន ការ ​អញ្ជើញ​ភ្ញៀវ​ពិសា​ភោជនីយ​អាហារនៅ កោះពេជ្រ រហូត ដល់ ទៅ ៣អគារ​ឯណោះ​ ដោយ​មាន​ឯកឧត្ដម​មន្ត្រី​អ្នក​មុខ​អ្នក​ការ និង​អ្នក សិល្ប:​ជា​ច្រើន​រយ​នាក់​ចូល​រួម៕

From : sabay