​​រំលឹក​ទៅ​កាន់​ករណី​​ក្មេង​ស្រី​ជន​ជាតិ​ស្វីស​​ម្នាក់​ឈ្មោះ Schlatter ​​​អាយុ ១៨​ឆ្នាំ​ ដែល​ត្រូវ​បាន​រង​​របួស​ដោយ​សារ​ទូរស័ព្ទ Samsung Galaxy S III ​ផ្ទុះ​នៅ​ក្នុង​​​ហោប៉ៅ​​ក្លាយ​ជា​ភ្លើង​​ ដែល​​បង្ក​​​ឲ្យ​​ស្បែក​​​នៅ​ជុំ​វិញ​​នៃ​បរិវេណ​​នោះ​​​ពងបែក​​ពេញ​ទាំង​ស្រុង ​ទស្សនា​រូប​ភាព​ខាង​ក្រោម​ ។

ពាក់​ព័ន្ធ​ទៅ​នឹង​ករណី​ផ្ទុះ​ថ្ម​ទូរស័ព្ទ Galaxy S III ​ដែល​បណ្ដាល​ឲ្យ​ក្មេង​ស្រី​​ជន​ជាតិ​ស្វីស​អាយុ​ ១៨ឆ្នាំ​​រង​របួស​នោះ ត្រូវ​បាន​គេ​​ដឹង​ថា ថ្ម​ដែល​ប្រើ​នៅ​ក្នុង​ទូរស័ព្ទ​​របស់​នាង​​គឺ​ មិន​មែន​ជា​ថ្ម​​ដើម​​ដែល​ផលិត​ដោយ​ក្រុមហ៊ុន Samsung នោះ​ទេ ​នេះ​បើ​យោង​តាម​របាយការណ៍​ចេញ​ផ្សាយ​នៅ​ថ្ងៃ​សុក្រ​ដោយ EMPA Materials Science and Technology ​​និង​​ដោយ​ការ​សិក្សា​របស់​​ក្រុមហ៊ុន Samsung ។

បច្ចុប្បន្ន​ក្រៅ​ពី​​​គ្រឿង​ដើម​​របស់​ក្រុមហ៊ុន​ ផលិត​ផល​​បន្ទាប់​បន្សំ​ផ្សេងៗ​ក៏​ត្រូវ​បាន​គេ​ពេញ​និយម​ផង​ដែរ ដូច​ជា​ថ្ម​ និង​ឆ្នាំង​សាក​​ទូរស័ព្ទ​ជា​ដើម ដោយ​ហេតុ​ថា នៅ​ពេល​ផលិតផល​ដើម​ត្រូវ​បាន​ខូច​គេ​អាច​នឹង​មើល​ឃើញ​​ផលិត​ក្រៅ​ពី​ក្រុមហ៊ុន​ដើម ដោយ​សារ​តែ​ពួក​​វា​មាន​តម្លៃ​ធូរ​ថ្លៃ​ជាង និង​ពេល​ខ្លះ​ដូច​ជា​ថ្ម ទូរស័ព្ទ​ជា​ដើម គឺ​ថែម​ទាំង​មាន​ថាមពល​ខ្លាំង​ជាង​ផលិត​ដើម​ផង​ដែរ ។ ដូច្នេះ​ប្រិយ​មិត្ត​ត្រូវ​តែ​មាន​ការ​ប្រុង​ប្រយ័ត្ន​​ឲ្យ​បាន​ខ្ពស់​មុន​ពេល​​ជ្រើស​យក​​​​គ្រឿង​បន្លាស់​ដែល​សំខាន់ៗ ក្រៅ​ពី​ក្រុមហ៊ុន ៕