ក្មេងស្រីម្នាក់ បានផ្ដល់កំណើតកូន ដោយសុវត្ថិភាព ដែលឪពុករបស់ក្មេងនេះ មានអាយុ ៧៤ឆ្នាំ រីឯក្មេងស្រីមានអាយុ ត្រឹមតែ ១២ឆ្នាំតែប៉ុណ្ណោះ។

យ៉ាងណាមិញ បុរសវ័យចំណាស់នេះ ជាអ្នករស់នៅ Qiyang ខេត្ដ Hunan ប្រទេសចិន បានជាប់ចោទ ពីបទរំលោភ ក្មេងស្រី និងធ្វើឲ្យនាងមានផ្ទៃពោះ ដែលនៅពេលនេះ ត្រូវបានប៉ូលីសធ្វើការ ឃាត់ខ្លួន។ តាមការបញ្ជាក់ពីប៉ូលីសបានឲ្យដឹងថា តាមការធ្វើតេស DNA បញ្ជាក់ថា បុរសខាង លើនេះពិតជាឪពុករបស់ទារកនេះ ពិតប្រាកដមែន ដែលក្មេងស្រីនេះបាន អះអាងថា បុរសនេះ បានចាប់រំលោភនាង តែនៅក្នុងនោះក៏មានគ្រូបង្រៀន ៣នាក់ ផ្សេងទៀតបានរំលោភនាងដូចគ្នា នៅក្នុងសាលារៀន។

យ៉ាងណាមិញ ក្រុមគ្រួសារជឿជាក់ថា បុរសចំណាស់អាយុ ៧៤ឆ្នាំនេះ ត្រូវបានប៉ូលីសបង្ខំ ឲ្យសារភាព ដោយសារតែប៉ូលីសបានទទួលសំណូកពី គ្រូបង្រៀន៣នាក់នោះ ដែលនៅក្នុង នោះក្រុមគ្រួសារនាង ចង់ឲ្យរដ្ឋាភិបាល ជួយធ្វើសើុបអង្កេត ថាតើ DNA ដែលដូចគ្នានឹង ទារកនេះ ជាបុរសមួយណា? នៅក្នុងនោះ ក្មេងស្រីនេះ បាននិយាយថា ក្នុងអំឡុងពេលធ្វើការសើុបអង្កេត នាងបានប្រទះឃើញគ្រូដែល រំលោភនាងនោះ បានឲ្យប្រាក់ទៅប៉ូលីស និងនាងត្រូវបានខាង សាលាគំរាមមិនឲ្យនិយាយទៅណានោះទេ។ តែទោះជាយ៉ាងណា បុរសចំណាស់នេះ បានសារភាពបាត់ទៅហើយ និងត្រូវបានកាត់ទោសឲ្យជាប់ គុក ១២ឆ្នាំ ពីបទរំលោភ។

តើអនាគតរបស់ក្មេងស្រីអាយុ ១២ឆ្នាំ នេះនឹងទៅជាយ៉ាងណា?