ដាក់លេខមិន ចូលខ្លាចថយ ក្រោយប៉ះរថយន្ត ផ្សេងបួងចង្កូត ទម្លាក់ជ្រោះយាយម៉ៅ
ខេត្តព្រះសីហនុ៖ រថយន្តស្ទួច របស់ក្រុមហ៊ុន MSK ដែលបានបើកចេញពីកំព ង់ផែស្វយ័តក្រុងព្រះសីហនុ សំដៅទៅកាន់រាជធានីភ្នំពេញ បានធ្លាក់ជ្រោះចំណោតយាយម៉ៅ ស្ថិតក្នុងសង្កាត់ លេខ១ ក្រុងព្រះសីហនុ ។
ហេតុការណ៌នេះបានកើតឡើងកាលពីវេលាម៉ោងប្រមាណជាង ១៦ ល្ងាចថ្ងៃទី១២ ខែ កក្កដា ឆ្នាំ២០១៣ ខណៈ ដែលឡានស្ទូចរបស់ប្រទេសកូរ៉េមួយគ្រឿងនេះ បានបើកចេញពី កំពង់ផែស្វយ័តក្រុងព្រះសីហនុ សំដៅទៅកាន់រាជធានីភ្នំពេញ មកដល់ផ្លូវ ឡើងចំណោតយាយម៉ៅស្ថិតក្នុងសង្កាត់ លេខ១ ជាពេលដែលត្រូវសាងលេខ ស្រាប់តែដាក់លេខមិនចូល ហើយក៏រអិលធ្លាក់ចុះចំណោតវិញ ពេលនោះតៃកុងឡាន ក៏បួងចង្កូតមកខាងឆ្វេង ទម្លាក់ជ្រោះ ព្រោះនៅខាងក្រោយមានឡានជាច្រើនទៀតកំពង់តែឡើងចំណោតសំដៅទៅកាន់រាជធានី និងបណ្តាខេត្តផ្សេងៗទៀត ដើម្បីកុំអោយបង្កគ្រោះថ្នាក់ដល់រថយន្ត និងទោចក្រយាន្តយន្តដទៃទៀត ដែលធ្វើដំណើរតាមក្រោយ ។
ភ្លាមៗគេនៅ មិនទាន់បានស្គាល់អត្តសញ្ញាណអ្នកបើកបរនៅឡើយទេ ព្រោះនៅពេលមានគ្រោះថ្នាក់អ្នកបើកបររត់គេចខ្លួនបាត់ បន្សល់ទុករថយន្តនៅក្នុងជ្រោះជំរៅប្រហែលជាង ៤ម៉ែត្រ នៅកន្លែងកើតហេតុតែប៉ុណ្ណោះ ។ ម្យ៉ាងទៀតរថយន្តស្ទូចកូរ៉េទាំងអស់នេះ ត្រូវបានក្រុមហ៊ុនជួលតៃកុងបើកយកទៅកាន់រាជធានីភ្នំពេញ ៕
ប្រភពពី ann
