ខ្យល់ព្យុះទឹកជំនន់ ស្លាប់និងបាត់ខ្លួន ជិត៣០០នាក់នៅចិន
មន្ដ្រីរដ្ឋាភិបាលចិនបានប្រកាសកាល ពីថ្ងៃទី១៦កក្កដាថា យ៉ាងហោចណាស់ក៏ មានពលរដ្ឋ២៩៥នាក់ស្លាប់និងបាត់ខ្លួន បណ្ដាលមកពីខ្យល់ព្យុះ អមដោយភ្លៀងធ្លាក់ខ្លាំងបង្កជាទឹកជំនន់បាក់ដីជាទ្រង់ទ្រាយធំ ។
សារព័ត៌មានស៊ិនហួរបានផ្សព្វផ្សាយថា ភ្លៀងធ្លាក់ខ្លាំងបណ្ដាលឱ្យបាក់ដីនៅ ខេត្ដស៊ីឈាន់តាំងពីថ្ងៃទី៨កក្កដាមកម្ល៉េះ បណ្ដាលឱ្យមនុស្ស៦៨នាក់ស្លាប់និង១៧៩ នាក់បាត់ខ្លួន។ ក្រៅពីនេះនៅមានមនុស្ស ៤១នាក់ស្លាប់និងបាត់ខ្លួននៅតំបន់ភាគពាយ័ព្យនិងភាគនិរតីនៃប្រទេសចិន ។ នៅខេត្ដក្វាងទុងក៏មានមនុស្ស២នាក់ បាត់ខ្លួនក្រោយពេលដែលខ្យល់ព្យុះសូលិក បានឆ្លងកាត់ខេត្ដនេះ កាលពីថ្ងៃទី១៣ កក្កដា ។
រដ្ឋាភិបាលប្រទេសចិនកំពុងតែវាយ តម្លៃពីការខូចខាតបណ្ដាលមកពីខ្យល់ ព្យុះខាងលើ ។ ដោយឡែកស្ថិតនៅក្នុង ទីក្រុងវេនស៊ូ ខេត្ដស៊ីឈាន់ ការខាតបង់ ដោយខ្យល់ព្យុះគិតជាទឹកប្រាក់មានរហូត ដល់៣៤លានដុល្លារ ។
កន្លងមកនៅខេត្ដភូចៀន ពលរដ្ឋ ជាងកន្លះលាននាក់ត្រូវបានភៀសខ្លួនទៅ កាន់តំបន់សុវត្ថិភាព ។ រដ្ឋាភិបាល ក៏បានបញ្ជាឱ្យកម្លាំងទាហានប្រមាណ៦ពាន់នាក់ទៅជួយប្រជាពលរដ្ឋដែលរង ផលប៉ះពាល់ខ្លាំងជាងគេបំផុត ។
កាលពីថ្ងៃទី១៤កក្កដា អ្នកទេសចរ ជនជាតិវៀតណាម៣៨នាក់ដែលជាប់ គាំងដោយទឹកជំនន់ត្រូវបានបញ្ជូនទៅ កាន់តំបន់សុវត្ថិភាពផងដែរ៕
_________________________
ប្រភពព័ត៌មានពី៖ នគវត្ត
ប្រភពព័ត៌មានពី៖ នគវត្ត
