ក្មេងប្រុសស្រី៥នាក់ ស្រលាញ់គ្រឿងញៀន ជាងការសិក្សា នគរបាល ចាប់ខ្លួនមកអប់រំ
ខេត្ដកំពង់ចាម ៖ ក្មេងប្រុសស្រី៥នាក់ត្រូវបានកម្លាំងនគរបាលការិយាល័យប្រឆាំងគ្រឿងញៀននៃស្នងការដ្ឋាននគរបាលខេត្ដកំពង់ចាមឃាត់ខ្លួនមកអប់រំ ខណៈពួកគេប្រមូលផ្ដុំគ្នាសេពគ្រឿងញៀនភ្លេចការសិក្សា ។
ការឃាត់ខ្លួនក្មេងប្រុសស្រីនេះបាន ធ្វើឡើងនៅម៉ោង៧និង១០នាទីយប់ ថ្ងៃទី ១៥ ខែកក្កដា ឆ្នាំ២០១៣ នៅចំណុចភូមិ បឹងកួក សង្កាត់បឹងកុក ក្រុង-ខេត្ដកំពង់ ចាម ។
លោក សោម រស់ នាយការិយាល័យ ប្រឆាំងគ្រឿងញៀននៃស្នងការខេត្ដកំពង់ ចាមបានឱ្យដឹងថា ក្មេងប្រុសស្រីទាំង៥ មានឈ្មោះ ទី១-អឿន ស្រីលក្ខណ៍ ភេទ ស្រី អាយុ១៨ឆ្នាំ មានទីលំនៅភូមិខ្សាច់ ប្រឆេះកណ្ដាល ឃុំ-ស្រុកក្រូចឆ្មារ ខេត្ដ កំពង់ចាម, ទី២-ឌួង ទីសែន ភេទប្រុស អាយុ២០ឆ្នាំ មានទីលំនៅភូមិពាម ប្រស្នា ឃុំពាមប្រស្នា ស្រុកស្ទឹងត្រង់ ខេត្ដកំពង់ចាម, ទី៣-ជួប សុខឃាង ភេទប្រុស អាយុ១៧ឆ្នាំ មានទីលំនៅភូមិ អំពិលលើ ឃុំអំពិល ស្រុកកំពង់សៀម, ទី៤-ហាក់ ចាន់តារា ភេទប្រុស អាយុ ១៩ឆ្នាំ មានទីលំនៅភូមិទី១ ឃុំវាលវង់ ក្រុង-ខេត្ដកំពង់ចាម និងទី៥-ហ៊ន លីដា ភេទស្រី អាយុ២៣ឆ្នាំ មានទីលំនៅភូមិ ព្រែកផ្ដៅ ឃុំពាមជីលាំង ស្រុកត្បូងឃ្មុំ ខេត្ដកំពង់ចាម ។
លោកបានឱ្យដឹងទៀតថា ជាមួយការ ឃាត់ក្មេងប្រុសស្រីទាំង៥នាក់នេះសមត្ថ កិច្ចបានដកហូតឧបករណ៍សេពគ្រឿង ញៀនមួយសម្រាប់ និងដាវមួយផងដែរ។ ក្រោយការឃាត់ខ្លួនសមត្ថកិច្ចបានអប់រំ ណែនាំក្មេងប្រុសស្រីទាំង៥នាក់នេះឱ្យ ឈប់ប្រព្រឹត្ដអំពើសេពគ្រឿញៀន ហើយ ដើរទៅរកការសិក្សា ក្រោមកិច្ចសន្យា មិនឱ្យមានលើកក្រោយៗទៀតទេ ៕
__________________________
ប្រភពព័ត៌មានពី៖ នគវត្ត
ប្រភពព័ត៌មានពី៖ នគវត្ត
