ក្មេងស្ទាវមួយ ក្រុមប្លន់យកលុយ អ្នកប្ដូរប្រាក់៦០០លានដុង នៅក្រុងបាវិតគេច ខ្លួនដោយសុវត្ថិភាព
ខេត្ដស្វាយរៀង ៖ ក្មេងស្ទាវមួយក្រុម បានជិះម៉ូតូមួយគ្រឿងឈប់ស្ទាក់គំរាម ប្លន់យកស្បោងប្រាក់ពីអ្នកប្ដូរលុយនៅ ក្រុងបាវិត រួចគេចខ្លួនដោយសុវត្ថិភាព កាលពីវេលាម៉ោង៩និង១៥នាទីយប់ ថ្ងៃទី១៥ ខែកក្កដា ឆ្នាំ២០១៣ ស្ថិតនៅ មុខផ្ទះជនរងគ្រោះ ក្នុងភូមិបាវិតកណ្ដាល សង្កាត់-ក្រុងបាវិត ខេត្ដស្វាយរៀង ។
នគរបាលម្នាក់សុំមិនបញ្ចេញឈ្មោះ បានឱ្យដឹងថា បុរសរងគ្រោះដែលត្រូវគេ ប្លន់យកស្បោងលុយមានឈ្មោះ ម៉ៅ ម៉ឹង អាយុ៤០ឆ្នាំ មានមុខរបរប្ដូរប្រាក់នៅ ច្រកទ្វារអន្ដរជាតិក្រុងបាវិត បច្ចុប្បន្នស្នាក់ នៅភូមិ-សង្កាត់កើតហេតុខាងលើ ។
ប្រភពពីមន្ដ្រីនគរបាលដដែលបាន បន្ដថា មុនពេលកើតហេតុជនរងគ្រោះ និងប្រពន្ធបានជិះម៉ូតូឌុបគ្នាពីកន្លែងប្ដូរ ប្រាក់នៅមុខច្រកទ្វារអន្ដរជាតិក្រុងបាវិត។ ពេលជិះម៉ូតូមកដល់មុខផ្ទះបម្រុងនាំគ្នា ចូលផ្ទះស្រាប់តែជនសង្ស័យ៣នាក់ជិះ ម៉ូតូមួយគ្រឿងមកអែប រួចឈប់គំរាម ឆក់យកស្បោងលុយគេចខ្លួនតាមផ្លូវ ជាតិលេខ១បាត់ស្រមោលតែម្ដង ។ តាមក្រុមគ្រួសារជនរងគ្រោះបានឱ្យដឹងថា លុយដែលជនសង្ស័យគំរាមប្លន់ យកនោះមានចំនួន៦០០លានដុង និង ប្រាក់រៀល ប្រាក់ដុល្លារមួយចំនួនធំទៀត។ ក្រុមគ្រួសារជនរងគ្រោះបញ្ជាក់ថា ក្រុមជនល្មើសមិនបានប្រើអំពើហិង្សា ឬ ប្រើអាវុធអ្វីនាំឱ្យមានរបួសស្នាមនោះ ទេ ។
ចំពោះករណីជនសង្ស័យប្លន់អាជីវករ ប្ដូរប្រាក់២នាក់ប្ដីប្រពន្ធរួចគេចខ្លួនដោយ សុវត្ថិភាពនេះដែរ ប្រជាពលរដ្ឋនៅក្រុង បាវិតបានរិះគន់ដល់មន្ដ្រីនគរបាលប៉ុស្ដិ៍ រដ្ឋបាលបាវិតថា ពុំមានសមត្ថភាព ព្រោះផ្ទះជនរងគ្រោះស្ថិតនៅមិនឆ្ងាយពី ប៉ុស្ដិ៍នគរបាលប៉ុន្មាននោះ ។
ទាក់ទិននឹងការរិះគន់របស់ប្រជាពល រដ្ឋនេះដែរ មន្ដ្រីនគរបាលប៉ុស្ដិ៍រដ្ឋបាល បាវិតមិនអាចសុំការពន្យល់បានទេ ខណៈ មានមន្ដ្រីនគរបាលខ្លះចង់លាក់បាំងពី សកម្មភាពក្រុមជនល្មើសដែលមិនចង់ ឱ្យមានការផ្សព្វផ្សាយពីភាពមិនអាច ការពារសុវត្ថិភាពសន្ដិសុខជូនប្រជាពល រដ្ឋក្នុងមូលដ្ឋានរបស់ខ្លួនបាន ៕
- ប្រភពពីនគរវត្ត
