រថយន្តក្រុង ដឹកអ្នកដំណើរ បើកគេចម៉ូតូ បុកឆ្កែដួល ជ្រុលបុករ៉ឺម៉ក ដឹកក្អមឆ្នាំង របួស២នាក់
ខេត្តកំពង់ឆ្នាំង ៖ រថយន្តក្រុងដឹកអ្នកដំណើររបស់ក្រុមហ៊ុនមួយបើកគេចម៉ូតូបុកឆ្កែដួល ក៍ជ្រុលទៅបុករ៉ឺម៉កដឹកក្អមឆ្នាំងបណ្តាលឱ្យមនុស្ស២នាក់ជិះលើរ៉ឺម៉ករងរបួស និងធ្វើឱ្យអ្នកដំណើរជិះក្នុងរថយន្តភ័យព្រលឹងចុងសក់ ចំណែករថយន្តរេធ្លាក់ផ្លូវបុកដើមប្រេងខ្យល់ខូចខាតមួយកំណាត់មុខទាំងស្រុង ។
ហេតុការណ៍នេះកើតឡើង កាលពីវេលាម៉ោង៩និង១០នាទីព្រឹកថ្ងៃទី៣១ កក្កដា ២០១៣ នៅតាមបណ្តោយផ្លូវជាតិលេខ៥ ភូមិក្រាំងប្រស្វាយ ឃុំស្វាយជ្រុំ ស្រុករលាប្អៀរ ។ អ្នករងរបួសម្នាក់ឈ្មោះបាន ធារ៉ា ភេទប្រុស អាយុ២០ឆ្នាំ និងម្នាក់ទៀតឈ្មោះនៅ រដ្ឋា អាយុ១៤ឆ្នាំ ៕
