លួចដឹកមេគោ ទាំងថ្ងៃបំរុង យកទៅលក់ ត្រូវប៉ូលិស ចាប់ខ្លួនបាន
ខេត្តកណ្តាល ៖ ជនសង្ស័យលួចមេគោម្នាក់ បានត្រូវប៉ូលិសស្រុកអង្គស្នួលចាប់ខ្លួនបញ្ជូនមកកាន់ស្នងការដ្ឋាននគរបាលខេត្តកណ្តាលកាលពីវេលាព្រឹកថ្ងៃទី៣១ កក្កដា ២០១៣ បន្ទាប់ពីជននេះធ្វើសកម្មភាពលួចមេគោអ្នកភូមិមួយក្បាលនៅចំណុចចំការស្វាយ ស្ថិតក្នុងភូមិព្រៃបឹង ឃុំបែកចាន ស្រុកអង្គស្នួល ខេត្តកណ្តាល ។
ជនសង្ស័យដែលចាប់ខ្លូនឈ្មោះកែវ សុឃួន ភេទប្រុស អាយុ១៧ឆ្នាំ មានទីលំនៅភូមិ-ឃុំកើតហេតុខាងលើ ។ គួរបញ្ជាក់ថា កាលពីវេលាវេលាម៉ោង២រសៀលថ្ងៃទី ៣០ កក្កដា ២០១៣ ជនសង្ស័យបានទៅលួចមេគោនោះ ហើយបំណងដឹកទៅលក់ ពេលដឹកគោមកដល់ចំណុចប៉ុស្តិ៍ប្រចាំការ២៤ម៉ោងរបស់នគរបាល ត្រូវបានកម្លាំងសង្ស័យ ហើយក៏ធ្វើការឃាត់ខ្លួនតែម្តង ៕ប្រភព កោះសន្តិភាព
