​ក្រុមហ៊ុន Apple នឹង​តែងតាំង នាយក​ប្រតិបត្តិ ដែល​មកពី Yves Saint Laurent ជា​បុគ្គលិក​ជាន់ខ្ពស់ ប៉ុន្តែ​មិន​ច្បាស់​ថា មុខតំណែង​អ្វី​នោះទេ នេះ​បើតាម​សារព័ត៌មាន Bloomberg បាន​ចុះផ្សាយ​មុននេះ​បន្តិច ។​

​

តាម​ប្រភពព័ត៌មាន​បាន​ឲ្យ​ដឹងថា លោក Paul Deneve ជា​អតីត​បុគ្គលិក នៅក្នុង​ក្រុមហ៊ុន Apple នៅ​ចន្លោះ​ឆ្នាំ ១៩៩០​ដល់ ១៩៩៧ ហើយ​លោក​ ​នឹងត្រូវ​ធ្វើការ​នៅក្នុង​គម្រោង ពិសេស​មួយ​ដែល​ត្រូវបាន​ក្រុមហ៊ុន Apple ហៅថា Special Project ប៉ុន្តែ​មិនដឹង​ច្បាស់​ថា គម្រោង​នេះ​ផ្ដោត សំខាន់​លើ​អ្វី​នោះទេ​។

​គួរ​បញ្ជាក់ថា បន្ទាប់ពី​ការចុះផ្សាយ​នូវ​ព័ត៌មាន​នេះ ខាង​ក្រុមហ៊ុន Apple បាន​ចេញមុខ​បំភ្លឺថា លោក Paul Deneve ដែលជា​នាយក​ប្រតិបត្តិ Yves Saint Laurent នឹង​ចូល​បម្រើ​ការងារ នៅក្នុង​ក្រុមហ៊ុន Apple នាពេល​ឆាប់ៗ​នេះ ប៉ុន្តែ​ក្រុមហ៊ុន​សុំ​លាក់ មុខតំណែង​សិន​៕ ​