ក្រុមហ៊ុន Sony អាចនឹងចេញលក់ Xperia M នៅក្នុងខែសីហា តម្លៃប្រហែល $356
Xperia M គឺជាទូរស័ព្ទទំនើបតម្លៃមធ្យម (Mid-range smartphone) របស់ក្រុមហ៊ុន Sony ដែលត្រូវបានប្រកាសចេញជាផ្លូវការកាលពីសប្ដាហ៍មុននេះ ។ ចាប់តាំងពីថ្ងៃប្រកាសចេញមកទល់ពេលនេះក្រុមហ៊ុន Sony មិនទាន់បានបញ្ជាក់ឲ្យប្រភពណាមួយដឹងពីកាលបរិច្ឆេទចេញលក់និងតម្លៃរបស់ទូរស័ព្ទទំនើបមួយនេះទេ ប៉ុន្តែបើយោងតាមប្រភពចចាមអារ៉ាមបានឲ្យដឹងថាក្រុមហ៊ុននឹងបញ្ចេញ Xperia M ទៅលើទីផ្សារចក្រភពអង់គ្លេសនៅក្នុងខែសីហា ។
លក្ខណសម្បត្តិបច្ចេកទេសរបស់ Sony Xperia M មានដូចខាងក្រោម ៖
- អេក្រង់ទំហំ 4-inch FWVGA
- កម្រិតភាពច្បាស់ 854×480 pixels
- កាមេរ៉ាក្រោយ 5MP និងមុខ VGA
- CPU Dual-core 1 GHz (Qualcomm)
- RAM 1GB
- អង្គផ្ទុកទិន្នន័យជាប់ម៉ាស៊ីនទំហំ 4GB (អាចបន្ថែម microSD card ទំហំ 32GB)
- មានបំពាក់ Bluetooth 4.0, WiFi a/b/g/n, A-GPS, NFC,.
- ថាមពលថ្ម 1,750mAh (អាចនិយាយបាន ១០ម៉ោង ១៨នាទី ស្ដាប់ចម្រៀងបាន ៣៩ម៉ោង ២៤នាទី និងបើកវីឌីអូបាន ៩ម៉ោង ៤២នាទី)
- ទម្ងន់ 124 grams
- ប្រព័ន្ធប្រតិបត្តិការ Android 4.1 Jelly Bean
សូមទស្សនាវីឌីអូខាងក្រោម ៖
សូមបញ្ជាក់ថា ទូរស័ព្ទទំនើប Sony Xpeira M ក៏អាចនឹងមានចំនួនពីរម៉ូដែលផ្សេងគ្នាផងដែរ គឺមួយមានប្រើ SIM 1 និងមួយម៉ូដែលទៀតមានប្រើ SIM 2 ៕
