ថ្មីៗនេះ យោងតាមប្រភពព័ត៌មាន បរទេសនានា បានឲ្យដឹងថា តារាចម្រៀង Selena Gomez កំពុងរីករាយជាមួយ នឹងតារាចម្រៀង Austin Mahone ដែលត្រូវបាន គេរិះគន់ថា ជាតារាចម្រៀង ដែលចម្លងស្ទីល ពីតារាចម្រៀង Justine Bieber អតីតមិត្តប្រុស នាង Selena Gomez ។

កាលពីពេលកន្លងទៅថ្មីៗនេះ អ្នកប្រមាញ់រូបថត បានចាប់យករូបភាព នាង Selena Gomez ចេញទៅកម្សាន្ត ក្នុងពេលរាត្រី ជាមួយនឹងមិត្តភក្តិ ។ ក្នុងនោះរួមមាន ទាំងតារាចម្រៀង ប្រុស Austin Mahoneផងដែរ ។ Selena Gomez ក្នុងស្ថានភាពនោះ ស្លៀកពាក់ធម្មតា និងសក់ទម្លាក់ ដោយមាន Mouse Minnie នៅលើក្បាលយ៉ាងសំពោង។ ខណៈដែលធ្វើ ដំណើរកម្សាន្តនោះ នាង និង Austin មានពេលខ្លះតែងតែ ញែកចេញពីក្រុម និងត្រូវបានគេសង្ស័យថា អ្នកទាំងពីរលួចទៅ បង្កាត់ភ្លើងរួមគ្នា ជាក់ជាមិនខាន៕