ក្រុមហ៊ុន HTC ប្រកាសចេញ HTC One ពណ៌ក្រហម
ថ្មីៗនេះសាខាក្រុមហ៊ុន HTC នៅចក្រភពអង់គ្លេសបានប្រកាសចេញនូវម៉ូដែលពិសេសមួយទៀតនៃទូរស័ព្ទទំនើបដ៏ឆ្នើមរបស់ខ្លួនគឺ HTC One ពណ៌ក្រហម និងសន្យាថានឹងមានលក់លើទីផ្សារនៅពាក់កណ្ដាលខែកក្កដាខាងមុខនេះ ។ អ្វីដែលប្រិយមិត្តគួរចាប់អារម្មណ៍នោះគឺម៉ូដែលពណ៌ក្រហមគឹមានលក់តែនៅទីផ្សារចក្រភពអង់គ្លេសតែប៉ុណ្ណោះដោយផ្ដល់សិទ្ធិចែកចាយឲ្យក្រុមហ៊ុន Phone4U និងជាប់ Locked របស់ក្រុមហ៊ុនមួយនេះ ។ ប្រភពពីគេហទំព័រ UnwiredView បានបញ្ជាក់ថាចំពោះលក្ខណសម្បត្តិបច្ចេកទេសរបស់ម៉ូដែលពិសេសនេះគឺដូចនឹងម៉ូដែលមុនដែរគឺមានដូចខាងក្រោម៖
- អេក្រង់ទំហំ 4.7-inch
- បច្ចេកវិទ្យាអេក្រង់ Full HD Super LCD3
- CPU Quad-core 1.7GHz (Snapdragon 600)
- RAM 2 GB
- អង្គផ្ទុកទិន្នន័យជាប់ម៉ាស៊ីន 32 GB និង 64 GB
- កាមេរ៉ាមុខទំហំ 2.1 MP និងកាមេរ៉ាក្រោយទំហំ 4 MP UltraPixel
- បំពាក់ដោយបច្ចេកវិទ្យា NFC, LTE, HSPA,.
- ដំណើរការដោយ Android 4.1.2 Jelly Bean (អាចឡើងទៅកំណែ 4.2.2 ឬ កំណែក្រោយៗ)
- ថាមពលថ្ម 2,300mAh
ក្រុមហ៊ុន HTC មិនទាន់បានបង្ហើបឲ្យដឹងថានឹងពង្រីកទីផ្សារ HTC One ពណ៌ក្រហមសម្រាប់ទីផ្សារប្រទេសណាខ្លះទៀតទេ ប៉ុន្តែគេជឿថា HTC អាចនឹងផ្ដល់សិទ្ធិចែកចាយម៉ូដែលពណ៌ក្រហមដល់ក្រុមហ៊ុន Verizon ដែលជាក្រុមហ៊ុនផ្គត់ផ្គង់សេវា និងចែកចាយធំជាងគេនៅសហរដ្ឋ) ។ សម្រាប់ទីផ្សារកម្ពុជាសូមប្រិយមិត្តរង់ចាំសាកសួរតាមហាងលក់ទូរស័ព្ទនានាក្នុងរាជធានីភ្នំពេញ ៕
