ទីបំផុត Facebook ដាក់ឲ្យប្រើ Hashtags ហើយ !!!
Facebook គឺជាបណ្ដាញសង្គមដែលមានទំហំធំជាងគេក្នុងពេលបច្ចុប្បន្ន មិនតែប៉ុណ្ណោះ Facebook ក៏ជាបណ្ដាញសង្គមដែលគេនិយមប្រើច្រើនគេផងដែលក្នុងចំណោមបណ្ដាញសង្គមផ្សេងៗទៀត ។ យ៉ាងណាមិញចំពោះការប្រើ Hastags ដែលមានទម្រង់ ‘ #example ‘ គឺវាសំខាន់ណាស់សម្រាប់អ្នកប្រើគ្រប់រូបក្នុងការស្វែងរក បញ្ចេញមតិ ឬបង្ហោះរូបភាពទាក់ទងទៅនឹងអត្ថន័យនៃព្រឹត្តិការណ៍ណាមួយ ឬនៅទីតាំង ក៏ដូចជាអ្វីមួយជាដើម ។
បច្ចុប្បន្ន Hashtags ដែលគេពេញនិយមប្រើច្រើនជាងគេនោះគឺមានតែនៅក្នុងបណ្ដាញសង្គម Twitter តែប៉ុណ្ណោះ ហើយក្រៅពីនេះក៏មានមានបណ្ដាញសង្គម និងប្រភេទប្លក់មួយចំនួនក៏បានប្រើនូវ Hastags ផងដែរ ដូចជា Thumbr ជាដើម ។ ដោយឡែកពេលនេះ Facebook បានដាក់ឲ្យដំណើរការ Hashtags នៅលើបណ្ដាញបណ្ដាញសង្គមរបស់គេជាការជាផ្លូវការហើយ ដូច្នេះយើងនឹងទទួលបាននូវអត្ថប្រយោជន៍យ៉ាងច្រើនពីការប្រើ Hashtags នេះ ។
តើអ្វីខ្លះដែលយើងទទួលបានពីការប្រើ Hashtags ? ៖
- តាមរយៈ Hastag យើងអាចធ្វើការស្វែងរកនូវអ្វីទាំងឡាយដែលទាក់ទងទៅនឹងព្រឹត្តិការណ៍ណាមួយ ឬ ទីតាំងណាមួយដែលយើងចង់ដឹងអំពីវា ឧទាហរណ៍លោកអ្នកបានស្វែងរកដោយ Hastag ដែលមានពាក្យ ‘ #cambodia ‘ ជាលទ្ធផលអ្នកនឹងទទួលបាននូវរូបភាព ក៏ដូចជាវីឌីអូ និងការសរសេរផ្សេងៗជាច្រើនតាមរយៈអ្នកប្រើប្រាស់ទាំងឡាយដែលបានបញ្ចូលនូវ Hashtags ‘#cambodia’ នៅក្នុងនោះ ។
- អាចចុចទៅលើ Hastags ដែលចេញពីប្រភពសេវាកម្មផ្សេងៗទៀតដូចជា Instagram ជាដើម
- អាចសរសេររួច Post ដោយផ្ទាល់តាមរយៈ Hastag មាននៅក្នុង Feed និង លទ្ធផលនៃការស្វែងរក (search)
សូមបញ្ជាក់ថា ក្នុងរយៈពេលប៉ុន្មានឆ្នាំចុងក្រោយនេះ Facebook បានព្យាយាមកំណែទម្រង់ និងបន្ថែមនូវលក្ខណសម្បត្តិជាច្រើនដល់បណ្ដាញសង្គមរបស់គេ ។ ដោយឡែក Facebook ក៏បាននិយាយផងដែរថា ពួកគេនឹងបន្តផ្ដល់នូវលក្ខណសម្បត្តិជាច្រើនទៀតដល់បណ្ដាញសង្គមនេះនាសប្ដាហ៍ និងខែក្រោយៗ ដើម្បីមានភាពកាន់តែងាយស្រួលដល់មនុស្សក្នុងពេលបច្ចុប្បន្នដែលកំពុងគាំទ្រនូវបណ្ដាញសង្គម Facebook ដ៏ធំមួយនេះ ៕
