ជំនន់នៅឥណ្ឌាសម្លាប់មនុស្ស ៥ពាន់នាក់ហើយ
ទឹកជំនន់ដែលវាយប្រហារក្នុងរដ្ឋ Uttarakhand ភាគខាងជើងប្រទេសឥណ្ឌាមួយរយៈចុងក្រោយនេះ បានបណ្ដាលឲ្យចំនួនអ្នកស្លាប់កើនឡើងយ៉ាងខ្លាំងពី ៦០០ នាក់កាលពីសៅរ៍កន្លងទៅមកដល់ ៥ ពាន់គិតត្រឹមល្ងាចម្សិលមិញ។
“យ៉ាងហោចណាស់មនុស្ស ៥ ពាន់នាក់បានស្លាប់ដោយសារទឹកជំនន់ដ៏ធ្ងន់ធ្ងរដែលបានធ្វើឲ្យបាក់ដីយ៉ាងធំធេងពិសេសនៅតំបន់ជ្រលង Kedarnath”។ នេះជាការគូសបញ្ជាក់របស់លោក Yashpal Arya រដ្ឋមន្ត្រីគ្រប់គ្រងគ្រោះមហន្តរាយប្រាប់អ្នកសារព័ត៌មាន។
ក្រុមជួយសង្គ្រោះ និងយោធាបានជួយសង្គ្រោះបព្វជិតទាំងអស់ដែលនៅជាប់នៅក្នុងជ្រលង Kedarnath និងប្រាសាទហិណ្ឌូដែលជាកន្លែងទឹកជំនន់វាយប្រហារខ្លាំងបំផុត។
មន្ទីរក្រុមឧត្តុនិយមបានព្រមានថា អាចមានភ្លៀងធ្លាក់ខ្លាំងបន្ថែមទៀតនៅថ្ងៃចន្ទនេះក្នុងតំបន់ខាងលើ។ ពេលនេះ នៅមានមនុស្ស ១៩ ០០០ នាក់ កំពុងជាប់នៅក្នុងតំបន់បីនៃរដ្ឋ Uttarakhand នៅឡើយ៕
Resouce by : news.sabay.com.kh
