យ៉ាងហោច​ណាស់​មនុស្ស​៦០០​រយ​នាក់​ ​ត្រូវបាន​គេ​អះអាងថា បាន​ស្លាប់​បាត់បង់​ជីវិត​ទៅហើយ​ក្នុង​គ្រោះ​ទឹក​ជំនាន់ និង​ហេតុការណ៍​បាក់​ផ្ទាំង​ដី​នៅ​ភាគ​ខាង​ជើង​​ប្រទេស​​ឥណ្ឌា។

យ៉ាងនេះ​ក៏ដោយមន្ត្រី​ឥណ្ឌា​នៅតែ​មាន​មន្ទិលសង្ស័យ​ថា អ្នកស្លាប់​អាច​កើន​​ឡើងដល់​ ១​ពាន់​នាក់ ខណៈ​មនុស្ស​ប្រមាណ​ជាង​៤​មឺននា​ក់​ផ្សេងទៀត​នៅតែ​និយាយ​​ថា ពួកគេ​កំពុង​ស្ថិត​នៅលើ​ទីទួល​​មាត់​ច្រាំង​លើ​​ដង​ភ្នំ​​នៃ​រដ្ឋ​ Uttarakhand។

ក្រុម​អ្នកស្រាវជ្រាវ និង​ជួយ​សង្គ្រោះ​បាន​នឹង​កំពុង​បង្កើន​ការជួយ​សង្គ្រោះ​ប្រជាជន​ខ្លួន និង​ស្វែង​រក​សក​សព​ជនរងគ្រោះ​ដែល​កួច​ទៅតាម​ខ្សែទឹក​ខ្មួខ្មាញ់​ខណៈ​​​​ភ្លៀង​​កំពុងតែ​បន្ត​ធ្លាក់​ឥត​ឈប់ឈរ​សោះ​នោះ។​ ​អ្នក​​នៅ​​មាន​​ជីវិត​​ទាំង​ឡាយ​ត្រូវ​បាន​​គេ​​ជម្លៀស​​តាម​​យន្ត​ហោះ​​ចេញ​​ពី​តំបន់​​គ្រោះ​ថ្នាក់​​នោះ​ហើយ​មក​​កាន់​​ទី​មាន​​សុវត្ថិភាព​។

នៅ​មិនទាន់​ឃើញ​បងប្អូន ញាតិ​មិត្ត​​ខ្លះត្រូវ​ជម្លៀស​មក​កាន់​តំបន់​មាន​សុវត្ថិភាព​នៅឡើយ ក្រុម​ជនរងគ្រោះ​ទឹក​ជំនាន់​ទាំងនោះបាន​ឈរស្រែក​តវ៉ា​យ៉ាង​ខ្លាំង​នៅ​ខាងក្រៅ​ការិយាល័យ​រដ្ឋាភិ​បាល​ដោយ​ចោទប្រកាន់ ថា​រដ្ឋា​ភិបាល​មាន​ភាព​ធ្វេស​ប្រហែល និង​មិន​យកចិត្តទុកដាក់​ចំពោះ​ហេតុការណ៍​ដ៏​អាក្រក់នោះ។

ជា​ការឆ្លើយតប នាយករដ្ឋមន្ត្រី​ឥណ្ឌា លោក Manmohan Singh ក៏​បាន​ចេញមុខ​អត្ថាធិប្បាយ​ចំពោះ​ស្ថានភាព​ទុក្ខសោក​នោះ​ផងដែរ និង​បាន​ប្រកាស​ផ្តល់​ជំ​នួយ​ប្រមាណ​​១​០​ពាន់​លាន​រូពី ស្មើ​នឹង​១៧០​លាន​ដុល្លា​ដល់​ប្រជជ​ន​នៃ​រដ្ឋ​Uttarakhand។

ភ្លៀងខ្យល់​មូស​សុង​ក្នុង​ប្រទេស​ឥណ្ឌា​នា​ឆ្នាំ​នេះ ត្រូវបាន​គេ​មើលឃើញថា គឺជា​គ្រោះ​ម​ហន្ត​​រាយ​ដ៏​ធ្ងន់ធ្ងរ​បំផុត​ដែល​ពុំ​ធ្លាប់​មាន​អស់​រយៈពេល​ជាង​ ​៦០​ឆ្នាំ​មក​ហើយ៕

Resource by : vayofm.com