ថាបវរកញ្ញាទៅមានសម្រស់ទាក់ទាញ ចុះបវរស្ត្រីមានប្ដីវិញម៉េចដែរ?
ប្រិយមិត្តធ្លាប់តែបានឮ និងទស្សនាការប្រលងបវរកញ្ញា ប៉ុន្តែប្រហែលជាមិនធ្លាប់ដឹងទេអំពីការប្រលងបវរស្ត្រីដែលមានប្ដីហើយ ។ ឥឡូវនេះ ស្ត្រីជាច្រើននាក់មកពីរដ្ឋមួយរបស់អាមេរិកបានមកចូលរួមការប្រលងបវរស្ត្រីមួយនេះ។
ការប្រលងនេះមានស្ត្រីមកពីរដ្ឋ Colorado ជាច្រើននាក់ មានអាយុចាប់ពី ៣០ឆ្នាំ រហូតដល់៥២ឆ្នាំដើម្បីមកប្រកួតប្រជែងដណ្ដើមយកតំណែងបវរស្ត្រីប្រចាំរដ្ឋនេះ។
ស្ត្រីជាច្រើននាក់ មកចូលរួមប្រកួត បានបញ្ចេញមតិផ្សេងៗគ្នាថា ការប្រលងនេះហាក់ដូចជាបទពិសោធថ្មីមួយទៀតសម្រាប់ពួកគេបន្ទាប់ពីបំពេញតួនាទីជាស្ត្រីមេផ្ទះដ៏មមាញឹកម្នាក់ហើយអ្នកខ្លះទៀតបាននិយាយថា ពួកគេជួបការលំបាកខ្លាំងណាស់ដើម្បីចូលរួមប្រលងក្នុងកម្មវិធីនេះ ព្រោះពួកគេត្រូវខិតខំហាត់ប្រាណ និងតមអាហារដើម្បីឲ្យដងខ្លួនពួកគេអាចស្លៀកឈុតប៊ីគីនីបាន។
កម្មវិធីប្រលងនេះ នឹងប្រកួតដណ្ដើមយកតំណែងជាបវរស្ត្រីតំណាងឲ្យរដ្ឋ Coloradoដែលនឹងត្រូវចាក់បញ្ចាំងលើប៉ុស្តិ៍ TLC នាថ្ងៃទី១០ កក្កដា ខាងមុខនេះ៕
