ភ្នំពេញ៖ តារាចម្រៀង សុន ស្រីពេជ្រ ដែលទើបតែជួបប្រទះ នូវព្យុះព័ត៌មានអកុសល្យ ត្រូវខ្មាន់កំាភ្លើង បាញ់ប្រហារនៅខេត្តក្រចេះ ខណៈដែល ក្រុមគ្រួសារអះអាងថា នាងកំពុងតែនៅ ក្នុងខេត្តកំពង់ធំ ធ្វើឲ្យទស្សនិកជន ភ័យលោះព្រលឹង ជំនួសនាងមិនតិចទេ ព្រោះរឿងនេះ ហាក់ដូចជាស្រមោល តាមលងបន្លាច ហើយត្រូវបានគេនឹក ឃើញដល់ព្រឹត្តិការណ៍ តារាចម្រៀង ទូច ស៊ុននិច កញ្ញា ពៅ បញ្ញាពេជ្រ ដែលទទួលរង ការបាញ់ប្រហារ មិនទាន់បានជាសះ ស្បើយនៅឡើយទេ ។

សម្រាប់ សុន ស្រីពេជ្រ ត្រូវបានគេកត់ សម្គាល់ឃើញថា នាងមិនមានចំណងស្នេហា គួរឲ្យខ្លាចរអានេះទេ ព្រោះ នាងមានជំហរ រឹងមាំ មិនទាន់ទន់ទោ ទៅតាមទឹកលុយដែល ពួកអ្នកមានព្រទ្យ មួយចំនួនធ្វើជាធ្នាក់ ទាក់តារាខ្មែរនោះទេ ខណៈដែលតារាចម្រៀង ល្បីៗជាច្រើនដួង តែងមានចំណងស្នេហ៍ រសេមរសាម នឹងទទួលការឧបត្ថម្ភ ពិសេសជានិច្ច និងរស់នៅមានលក្ខណៈ អាថ៌កំបាំង ។ 

ម្យ៉ាងក្រុមគ្រួសារ សុន ស្រីពេជ្រ នៅតែប្រកាន់ប្រពៃណី យ៉ាងខ្ជាប់ខ្ជួន សូម្បីសង្សារ ក៏នាងមិនទាន់មានផង ។ តែមិនមែនអត់ អ្នកស្រឡាញ់ទេ ពោលគឺនាងនៅជាប់ សម្ពាយគ្រួសារ ដែលគ្រួសារធំមួយ មាននាងតែម្នាក់ជាបង្គោល ។ កន្លងមកទស្សនិកជន មិនដែលបានឃើញ តារាចម្រៀង សុន ស្រីពេជ្រ ក្នុងរូបភាពខាងក្រៅ ពីសកម្មភាពសិល្បៈទេ ។ តែពេលពេលនេះ ទស្សនិកជន នឹងបានទស្សនា សុន ស្រីពេជ្រ ពេលនាងដើរផ្សារ ជាមួយអ្នកគាំទ្រ ហើយត្រូវបាន អ្នកប្រមាញ់រូបភាព នៃអ្នកយកព័ត៌មាន របស់គេហទំព័រ LookingTODAY ផ្ដិតយកបាន ដើម្បីឲ្យទស្សនិកជនបានទស្សនា។

មិនតែប៉ុណ្ណោះ ក៏ជាព័ត៌មាន និងជារូបភាពមួយ អាចសបញ្ជាក់ឲ្យ ដឹងយ៉ាងប្រាកដថា សុន ស្រីពេជ្រ គ្មានជួបហេតុការណ៍ អាក្រក់ណាមួយប៉ះលើរូបនាង ដូចបណ្ដាញព័ត៌មានក្នុង ស្រុកដែលបានចុះ ផ្សាយកន្លងមកឡើយ ៕

រូបភាពសុន ស្រីពេជ្រ ក្រោយមានព័ត៌មានថាមានខ្មាន់កំាភ្លើងបាញ់ប្រហារ