YGប្រាប់ពីគំរោង បង្កើតអាល់ប៉ុម solo សម្រាប់ សមាជិកក្រុម Big Bang
កូរ៉េ៖ យោងតាមប្រភព ព័ត៌មានមួយ បានឲ្យដឹងថា ផលិតកម្ម YG បានប្រាប់ថា ពេលនេះពួកគេ កំពុងមានគំរោង បង្កើតអាល់ប៊ុម solo ឲ្យសមាជិកទាំងអស់ ក្នុងក្រុម Big Bang។
ថ្មីៗនេះ ផលិតកម្ម YG កំពុងតែរៀបចំ គំរោងបង្កើត អាល់ប៊ុម solo ឲ្យ Taeyang បន្ទាប់ពីរៀបចំ អាល់ប៊ុមសម្រាប់ G-Gragon រួច។ ផលិតកម្ម YG បានប្រាប់ថា G-Dragon នឹងធ្វើការប្រគំតន្ត្រីនៅ Seoul Olympic Gymnastics រយៈពេល ២ថ្ងៃ គឺនៅថ្ងៃទី ៣១ ខែសីហា និង ១ ខែកញ្ញា ខាងមុខនេះ។
ក្នុងកម្មវិធីតន្ត្រីនោះ G-Dragon នឹងសម្តែង បទចម្រៀងថ្មីៗ របស់លោក ដែលកំពុងត្រៀមចេញ លើទីផ្សារនៅថ្ងៃទី ១៨ ខែសីហា ដែលនោះ ត្រូវជាថ្ងៃខួបកំណើតរបស់ G-Dragon តែម្តង។
ដោយសារ ថ្ងៃទី ១៨ សីហា គឺជាថ្ងៃអាទិត្យ ដូច្នេះ ផលិតកម្ម YG សម្រេច ផ្សព្វផ្សាយអាល់ប៊ុមថ្មីនោះ តាមរយៈប៉ុស្តិ៍ទូរទស្សន៍វិញ។ ទន្ទឹងនឹងនោះ ផលិតកម្ម YG ក៏កំពុងតែរៀបចំបង្កើតអាល់ប៊ុមសម្រាប់ Taeyang ផងដែរ ខណៈអាល់ប៊ុមទី១ របស់ Taeyang ចេញតាំងពីឆ្នាំ ២០១០ មក៕
