របាយការណ៍​ថ្ងៃ​នេះ ​បាន​ឱ្យ​ដឹង​ថា Google មាន​គម្រោង​​ចេញ​ផលិតផល​ថ្មីៗ​​ដូច​ជា Nexus Q, SmartWach ដែល​ក្នុង​នោះ​​ឮ​ថា Google ក៏​នឹង ផលិតផល​ Game Console ​ដំណើរការ​ដោយ​ប្រព័ន្ធ​ប្រតិបត្តិការ Android ទៀត​ផង។

Microsoft Xbox One                                                  Sony PlayStation 4

រូប​គម្រូ SmartWach របស់ Google

Nexus Q ចេញ​ដំបូង

Game Console ឬ​ឧបករណ៍​ហ្គេម​កន្លង​ទៅ​ ឃើញ​មាន​ក្រុមហ៊ុន​ហ្គេម​មួយ​ចំនួន​ដែល​គេ​ផលិត​ដូច​ជា Nintendo, Microsoft និង​ក្រុមហ៊ុន​ជប៉ុន Sony ជា​ដើម។ នៅ​ពេល​នេះ​មាន​លេច​ឮ​ដំណឹង​មក​ថា Google ត្រៀម​ខ្លួន​ នឹង​ចូល​ប្រលូក​លើ​ឧបករណ៍​កម្សាន្ត​ហ្គេម​ប្រភេទ​នេះ​។ ក៏​អាច​និយាយ​បាន​ថា Google ប្រហែល​នឹង​ចេញ​មែន ព្រោះ​បើ​មើល​លើ​ទីផ្សារ​អ្នក​ប្រើប្រាស់​សព្វ​ថ្ងៃ​ឃើញ​មាន​មិន​ត្រឹម​តែ Smart device ដែល​ជា​តម្រូវ​ការ​ខ្លាំង​នោះ​ទេ តែ​ក៏​មាន​ឧបករណ៍​ហ្គេម​កម្សាន្ត​ដែរ។

ព្រឹត្តិបត្រ​សារព័ត៌មាន Wall Street Journal បាន​លើក​ឡើង​ថា ប្រភព​មិន​ច្បាស់​ការណ៍​អះអាង​ដូច​គ្នា​ថា​ Google មាន​គម្រោង​ចេញ​ឧបករណ៍ media-streaminig គឺ Nexus Q ជំនាន់​ទី២ ដែល​បាន​ចេញ​លក់​រួចមក​ហើយ​កាល​ពី​ឆ្នាំ​ទៅ។ មិន​តែ​ប៉ុណ្ណោះ​នៅ​មាន​នាឡិកា​ឆ្លាតវៃ SmartWach ដែល​មិន​គ្រាន់​តែ​ប្រើ​សម្រាប់​មើល​ម៉ោង​ប៉ុណ្ណោះ​ទេ តែ​ថែម​ទាំង​មាន​មុខងារ Call ផ្ញើ SMS E-mails ព្រម​ទាំង​អាច​ដាក់​កម្មវិធី​ប្រើប្រាស់​ផ្សេងៗ​បាន​ជា​ដើម។

ទោះ​ជា​យ៉ាង​ណា Google មិន​ទាន់​អះអាង​រឿង​នេះ​នៅ​ឡើយ​ទេ តែ​គេ​រំពឹង​ថា​នឹង​ចេញ​នៅ​ចន្លោះ​ពី​ខែ​កញ្ញា-កក្កដា​ឆ្នាំ២០១៣។

ចុះ​ប្រិយមិត្ត​ជឿ​ទេ​ថា Google នឹង​ចេញ​ផលិតផល​ថ្មីៗ​ដូច​ជា Nexus Q 2, Game console ដំណើរការ​ដោយ Android OS ឬ SmartWach នោះ?