រឿងសំខាន់៩យ៉ាង ដែលបុរសប្រាថ្នា ចង់បានពីស្ត្រី
ស្ត្រីមួយចំនួនប្រហែលជាគិតថា ចិត្តបុរសមិនពិបាកយល់ដូចជាខ្លួននោះទេ ប៉ុន្តែមានពេលខ្លះស្ត្រីក៏មិនបានដឹងថា បុរសត្រូវការអ្វីឱ្យពិតប្រាកដនោះដែរ ។ ដូច្នេះទន្ទឹមនឹងការឱ្យបុរសតម្រូវចិត្តខ្លួនឯង ស្ត្រីគួរតែផ្តល់ឱ្យបុរសវិញនូវអ្វីដែលជាការចង់បានរបស់គេផងដែរ ។ មានរឿង៩យ៉ាងដែលស្ត្រីគ្រប់រូបមិនត្រូវមើលរំលងដ្បិតបុរសត្រូវការចាំបាច់បំផុតសម្រាប់ជីវិតស្នេហ៍របស់គេ ។ ស្ត្រីគួរតែផ្តល់៩យ៉ាងនេះឱ្យដល់បុរសជាពិសេសក្នុងករណីពួកគេចង់រក្សាចំណងស្នេហ៍ឱ្យគង់វង្ស និងយូរអង្វែង ។
១-សិច៖ បុរសពិតបំភ្លេចសិចមិនបានឡើយ ហើយស្ត្រីដែលជាគូស្នេហ៍ត្រូវតែធានាថា ខ្លួនមានលទ្ធភាពគ្រប់គ្រាន់ផ្តល់បញ្ហានេះដល់ដៃគូខ្លួន ។ ពិតណាស់មានចំណុចច្រើនណាស់ដែលបុរសត្រូវការពីស្ត្រី ប៉ុន្តែបើគ្មានវត្តមានសិចទេ នោះពាក្យថាចំណងស្នេហ៍ដ៏ផ្អែមល្ហែមប្រហែលជាពុំមានឡើយ ។ ស្ត្រីគួរដឹងថា បុរសធ្វើគ្រប់យ៉ាងដើម្បីខ្លួនគឺសម្រាប់តែការប្តូរយកនូវសេចក្តីស្រឡាញ់តែមួយប៉ុណ្ណោះ ហើយទីបញ្ចប់ឬរឿងពិតនៃក្តីស្រឡាញ់នោះគឺសិច ។
២-ប្រតិកម្មដោយស្មោះត្រង់ ៖ ស្ត្រីមិនគួរកុហកបុរសលើបញ្ហាជីវិតសិច ជាពិសេសប្រតិកម្មនៅពេលដែលខ្លួនឈានដល់កំពូលក្នុងពេលរួមភេទ ។
៣-ការផ្គាប់ចិត្ត៖ បុរសពិតជាចង់ឱ្យស្ត្រីជាគូស្នេហ៍ផ្គាប់ផ្គន់ចិត្តខ្លួនជាខ្លាំង ។ មួយវិញទៀតការផ្គាប់ផ្គន់នេះអាចជាវិធីសាស្ត្រល្អមួយសម្រាប់ស្ត្រីក្នុងការទាក់ទាញបុរសជាគូស្នេហ៍ ឬស្វាមីខ្លួនផងដែរ ។
៤-ស្នាមញញឹមលាយនឹងសំណើច៖ បុរសភាគច្រើនចង់ឃើញស្នាមញញឹមស្ត្រីជាគូស្នេហ៍ជាជាងភាពស្រពោន និងទឹកមុខក្រញូវ ចងចិញ្ចើម ។ ចំពោះគូស្វាមីភរិយា ស្នាមញញឹមនិងសំណើចគឺអាចនាំមកនូវសុភមង្គល និងភាពសុខដុម ។
៥-ចង់បានឱកាសថ្មី ៖ ស្ត្រីមិនគួរស្តីបន្ទោស ឬនិយាយដាក់បន្ទុកលើ បុរសនៅពេលដែលគេធ្វើរឿងមួយដោយខុសឆ្គងនោះទេ ។ អ្នកគួរដឹងថា បុរសពិតជាចង់បានការសរសើរពីអ្នកខ្លាំងណាស់ ជាពិសេសការផ្តល់ឱកាសជាថ្មី។ បុរសមួយចំនួនខូចចិត្តខ្លាំងណាស់នៅពេលដែលស្ត្រីជាគូស្នេហ៍ ឬភរិយាខ្លួនបន្ទាបបន្ថោកខ្លួន តែលើកតម្កើងប្រុសដទៃនៅចំពោះមុខ ។
៦-ភាពស្មោះត្រង់៖ ដើម្បីប្រែក្លាយចំណងមិត្តភាពឱ្យដល់សម្បត្តិ ចរិតឫកពារ បុរសក៏ត្រូវការភាពស្មោះត្រង់ពីស្ត្រីផងដែរ ។
៧-ផ្តល់ឱកាសឱ្យបុរសកម្សាន្តសប្បាយជាមួយមិត្តភក្តិ៖ ពិតណាស់ស្ត្រីភាគច្រើនចូលចិត្តចំណាយពេលគ្រប់នាទីនៅជាមួយបុរសជាគូស្នេហ៍ ឬស្វាមី ។ ប៉ុន្តែការធ្វើបែបនេះមិនមែនសុទ្ធតែល្អគ្រប់ពេលនោះទេ ។ គួរតែជឿជាក់លើស្វាមីឬគូស្នេហ៍ខ្លួន ហើយផ្តល់ពេលឱ្យបាននៅម្នាក់ឯង ឬជាមួយមិត្តភក្តិចាស់ៗ ជជែកគ្នាកម្សាន្ត រំលឹកអនុស្សាវរីយ៍កាលក្រានៅលីវ ។
៨-ការចេះទំនាក់ទំនងជាមួយមជ្ឈដ្ឋានខាងក្រៅ៖ បុរសក៏ត្រូវការផងដែរចំពោះស្ត្រីដែលចេះទំនាក់ទំនងជាមួយមនុស្សម្នាក្នុងសង្គម ។ បុរសអាចនឹងមានមោទនភាពចំពោះទង្វើរបស់អ្នកដូចពាក្យខ្មែរថា«សំណាបយោងដី ស្រីយោងប្រុស »។
៩-ជំនឿចិត្ត ៖ ស្ត្រីដែលស្រឡាញ់ស្វាមីខ្លួនពិតប្រាកដគួរតែជឿជាក់លើរូបគេដូចអ្នកជឿលើខ្លួនឯងនិងដែរ ។ ការមានទំនុកចិត្ត និងជំនឿជាក់លើគ្នាអាចនាំឱ្យចំណងស្នេហ៍ បុរសស្ត្រី ស្ថិតស្ថេរយូរអង្វែង ។ បើគូស្នេហ៍មួយគូគ្មានភាពជឿជាក់និងទំនុកចិត្តលើគ្នា នោះចំណងស្នេហ៍របស់ពួកគេកំពុងឈានទៅរកការបែកបាក់ហើយ ។ ទំនុកចិត្តនៅទីនេះគឺអាចមានន័យស្មើនឹងការគោរព ។ គូស្នេហ៍គួរចេះគោរពគ្នាទៅវិញទៅមក ៕
