វិធីធ្វើឲ្យជីវិតបានធូរស្រាល
ជាការពិតណាស់ថាកើតមកជាមនុស្សរមែងមានឧបសគ្គ និងជោគជ័យលាយឡំគ្នាពេញមួយជីវិតរស់នៅ។ ព្រះអង្គបានទេសនាប្រដៅសត្វលោកថា ជីវិតគ្រប់រូបរមែងកើតមកហើយមានសំពាយកម្មមកជាមួយគ្រប់ៗរូប។ ហេតុដូច្នេះហើយទើបព្រះអង្គពោលថា អាត្មាមិនខ្លាចសេចក្តីស្លាប់ តែអាត្មាខ្លាចបំផុតការចាប់កំណើតជាសត្វមានជីវិត។ ទោះបីថា មនុស្សមា្នក់មានមរតកកម្មមកជាមួយក្តី ប្រសិនបើយើងវៃឆ្លាតចេះរៀបចំកែសម្រួលឆាកជីវិតខ្លួនឯងខ្លះៗក៏បានធូរស្រាលមួយកម្រិតដែរ។ ខាងក្រោមនេះយើងមានវិធីណែនាំដែលជួយឲ្យលោកអ្នកមានអារម្មណ៍ថា ធូរស្រាលក្រោយពេលបានសាកល្បងប្រើវារួចហើយ។ ប្រសិនបើចង់ដឹងច្បាស់យើងមើលទាំងអស់គ្នាថា តើគួរធ្វើដូចម្តេចខ្លះ?
-ប្រមូលរបស់របរដែលលែងត្រូវការប្រើប្រាស់ហើយយកទៅបរិច្ចាកឲ្យអ្នកខ្វះខាត ដូចជាស្បែកជើងសម្លៀកបំពាក់ គ្រឿងសង្ហារឹមចាស់ៗហាមមានអារម្មណ៍ស្តាយស្រណោះជាមួយនឹងរបស់ដែលលែងប្រើ។
-កាត់បន្ថយកិច្ចការដែលនាំទុក្ខកង្វល់តប់ប្រមល់ចោលខ្លះ ដូចជាកិច្ចការប្រជុំដែលកំណត់យកការជាក់លាក់ការងារប្រកួតប្រជែង។ល។ អាចសុំឈប់ពីគណៈកម្មការក្នុងការងារដទៃៗទៀតខ្លះ ព្រោះលោកអ្នកដឹងឬទេថា ការងារច្រើនបែបនេះដែលធ្វើឲ្យលោកអ្នកមានអារម្មណ៍ធុញថប់។
-ជ្រើសរើសយកតែការងារណាដែលសំខាន់ៗ និងគួរចូលរួមតែប៉ុណ្ណោះ។ បើមិនដូច្នោះទេលោកអ្នកប្រាកដជាគ្មានពេលវេលាសម្រាប់ខ្លួនឯងឡើយ។
-អានកាសែត សៀវភៅ ឬទស្សនាវដ្តីឲ្យបានតិចបំផុត ជាពិសេសព័ត៌មានព្រហ្មទណ្ឌ ឬព័ត៌មានណាដែលអូសទាញអារម្មណ៍លោកអ្នកឲ្យកើតភាពធុញថប់តប់ប្រមល់។
-ឈប់មើលកម្មវិធីទូរទស្សន៍ដែលមានសភាពសោកសៅមនោសញ្ចេតនា ឬសេចក្តីរាយការណ៍មួយដែលផ្តល់សម្ពាធដល់អារម្មណ៍។ ក្រៅពីនោះក៏នៅមានកម្មវិធីទូរទស្សន៍បែបមានពិធីករ2-3នាក់ជជែកគ្នា ដែលទាក់ទាញឲ្យលោកអ្នកប្រឹងស្តាប់ ហើយឆាប់កើតអារម្មណ៍ធុញថប់។
-កុំងាយមាត់ឆាប់ហាទទួលធានា ឬសន្យាថា នឹងធ្វើអ្វីមួយឲ្យអ្នកដទៃលឿនពេក គួរចេះឆ្លើយបដិសេធកុំខ្វល់នឹងការក្រែងចិត្តច្រើនពេក។
-កុំព្យាយាមកែសម្រួលអ្នកដទៃឲ្យសោះ ព្រោះជាការងារដែលលំបាកបំផុត ហើយថែមទាំងធ្វើឲ្យអារម្មណ៍របស់យើងលិចលង់នៅក្នុងភាពខកបំណងរបស់អ្នកដទៃទៀតផង។ លើសពីនេះទៅទៀតក៏អាចធ្វើឲ្យលោកអ្នកកើតគំនិតស្អប់ខ្ពើមសង្គមនៅជុំវិញខ្លួន។ ដូច្នេះគួរព្យាយាមស្រឡាញ់អ្នកដទៃនិងព្រមទទួលស្គាល់គេទៅតាមការពិតទៅចុះ។ ក៏ប៉ុន្តែប្រសិនបើធ្វើចិត្តស្រឡាញ់មិនបាន គួរតែមើលរំលងឲ្យបាន ហើយព្យាយាមកាត់បន្ថយក្តីសង្ឃឹមនៅក្នុងខ្លួនឯងផងដែរ។ ក្រោយពេលវេលារំលងហួសទៅហើយ យើងងាកទៅរកអ្វីៗយើងនឹងបានយល់ហើយព្រមស្រឡាញ់គេទៅតាមអ្វីដែលជាការពិតកាន់តែច្រើនឡើងថែមទៀត។
-កាត់បន្ថយមិត្តភ័ក្តិរួមដំណើរទៅណាមកណាម្នាក់ឯងខ្លះ ព្រោះវាជួយកាត់បន្ថយនូវភាពស្មុគស្មាញក្នុងចិត្តលោកអ្នកបាន ហើយថែមទាំងមានពេលវេលាទៅណាមកណាកាន់តែច្រើនទៀតផង។
-កាត់បន្ថយអាការឆ្កួតនឹងការងារ ឆ្កួតនឹងលុយកាក់ ឆ្កួតនឹងអំណាចឆ្កួត នឹងកេរ្តិ៍ឈ្មោះកិត្តិយស ព្រោះវាអាចជួយកាត់បន្ថយបាននូវអារម្មណ៍ធុញថប់តប់ប្រមល់ ដែលចិត្តបង្ខំឲ្យលោកអ្នកធ្វើការងារ។
-ប្រសិនបើស្រឡាញ់នរណាម្នាក់ សូមកុំលះបង់ក្តីស្រឡាញ់ឲ្យគេអស់រលីងពីក្នុងខ្លួន ហើយក៏កុំព្យាយាមលូកដៃកកូរកកាយក្នុងជីវិតរបស់គេផងដែរ។ ប្រសិនបើលោកអ្នកធ្វើបែបនេះបានពិតជីវិតរបស់អ្នកបានធូរស្រាលក្នុងអារម្មណ៍៕
Source from : khmerstation.com
Source from : khmerstation.com
