ពាក្យចចាមអារ៉ាម Android 5.0 Key Lime Pie នឹងត្រូវប្រកាសចេញក្នុងខែ តុលា
តាមរយៈព័ត៌មានមុនៗបានធ្វើឲ្យយើងដឹងថា ប្រព័ន្ធប្រតិបត្តិការជំនាន់ថ្មីរបស់ Google នឹងមានឈ្មោះថា Android 5.0 Key Lime Pie ប៉ុន្តែយើងមិនបានដឹងនៅឡើយទេថា ប្រព័ន្ធប្រតិបត្តិការនោះនឹងត្រូវប្រកាសចេញនាពេលណានោះ ។ យ៉ាងណាមិញថ្មីៗនេះយើងទើបតែទទួលបាននូវព័ត៌មានថ្មីថា ប្រព័ន្ធប្រតិបត្តិការ Android 5.0 Key Lime Pie នឹងត្រូវប្រកាសចេញនៅក្នុងខែតុលា ឆ្នាំ២០១៣ នេះហើយ ។
យោងទៅតាមរបាយការណ៍មួយដែលចេញផ្សាយដោយប្រភព VR-Zone បានឲ្យដឹងថា ប្រព័ន្ធប្រតិបត្តិការថ្មីរបស់ក្រុមហ៊ុន Google ដែលមានឈ្មោះ Android 5.0 Key Lime Pie នឹងត្រូវប្រកាសចេញនៅក្នុងខែតុលា ឆ្នាំ២០១៣ នេះ ដែលការប្រកាសចេញនេះក៏អាចនឹងជួនពេលដែលក្រុមហ៊ុន Google ប្រកាសចេញនូវទូរស័ព្ទទំនើបថ្មី Motorola X Phone ហើយនិង Nexus 5 ផងដែរ ។
បើពាក្យចចាមអារ៉ាមដែលយើងទទួលបានទាំងពេលមុន និងពេលបច្ចុប្បន្ន អាចជាការពិត នោះប្រព័ន្ធប្រតិបត្តិការ Android កំណែថ្មីនឹងត្រូវមានឈ្មោះថា Android 5.0 Key Lime Pie ។ ក្រៅពីនេះប្រព័ន្ធប្រតិបត្តិការថ្មី Android 5.0 Key Lime Pie នឹងអាចដំណើរការនៅលើទូរស័ព្ទដែលមានទំហំ RAM ចាប់ពី 512MB ឡើង ។
សូមបញ្ជាក់ថា តាមរយៈព័ត៌មាននេះគឺគ្រាន់តែជាពាក្យចចាមអារ៉ាមនៅឡើយទេ ព្រោះថាមិនមានព័ត៌មានណាមួយដែលបញ្ជាក់ដោយក្រុមហ៊ុន Google ចំពោះប្រព័ន្ធប្រតិបត្តិការថ្មីរបស់គេនៅឡើយទេ ៕
